प्रकाशितवाक्य 11:8 - Sirmouri

⁸ तिनके मित्त्के तेसी बह्ड़े नंगर के चौक दे पड़े अंदे रह्ले, जिन्देंखे आत्त्मिक रूप शे सदोम अरह् मिस्र बुलो ज़ाँव, जेथै तिनका प्रभू शुँल़ी-फ़ाँशी दे चढ़ाऐ गुवे।

सिरमौरी नौवाँ नियम

⁸ तिनकी लाशो तैसी बौड़ै शहर यरूशलेम कै शोड़कै पांदी पोड़ैयौंदी रौंदी, जिथै तिनका प्रभु क्रूसो पांदी टांगै दिया थिया। ऐसी शहरो कै निशान कै रुप दा सदोम या मिस्र देश ऐजै नांव दैय राए, जिथुकै ऐसी शहरो कै लोग बैजाए बुरै औसौ, जैशै सदोम औरौ मिस्र देश कै रौणौवाल़ै लोग थिए।

प्रकाशितवाक्य 11:8 ပူးပေါင်းရင်းမြစ်များ

मत्ती 10:15

हाँव तुओं खे खास बात बुलू, के नियाँव के देसे, जबे पंणमिशवर तेसी नंगर खे सजा देला, तअ सेजी सजा सदोम, अरह् अमोरा के नगर, शे भे जादा बुरी हंदी।”

प्रेरितो कै काम 9:4

तबे से धनियों धर्त्ती गाशी पड़ा, अरह् तेने ऐक धाव शुँणीं; के मुँखे कुँणिऐं किऐ बुली लो, “शाऊल! शाऊल! तुऐं मुँह कैई स्ताऐ लुवा?”

इब्रानियों 13:12

ईन्देंखे प्रभू यीशू ऐ भे लोग आपु आप्णे लह्ऊँ शे पबित्र कर्णो खे नंगर की जाँगी शा बाईडा दाँई दु:ख भोगा।

इब्रानियों 6:6

जे कुँऐ पंण्मिश्वर शे भट्की ज़ाँव तअ तिनू हजों पस्तावे कराऐयों मंन बद्ल़णों खे नुवाँ बंणाँना बैजाऐ कठीण असो; किन्देंखे के से पंण्मिश्वर का बैटा आप्णी ताँईऐं हजो दुज़ाल़िऐ शुँल़ी-फ़ाषी गाशी चड़ाँव, अरह् जाणियों तिन्दा कंल़्क लाँव।

2 पतरस 2:6

अरह् सदोम अरह् अमोरा के नगर दा नाँष करियों ऐशी सजा दिती, के तिनू भंस्म करियों खेऊँड़ो-माटी मुँझी मिलाऐ दिते जू से आँणों वाल़े बिना भगत्ति के लोगो खे ऐक शिक्क्षा अरह् अनाँणों चिताँव्णी हली,

यहूदा 1:7

जैशे दाँई सदोम अरह् अमोरा अरह् तिनके ऊँडे-पूँडे के नंगर, जुण्जे तिनके जिऐ कू-कर्मी बंणी रूऐ थिऐं, अरह् पराई देह्-शरीर पाछी लागी रूऐ थिऐ, तिनू लोग आगी की सजा दे भस्मं हऐयों ओकी खे अनाँणों बंणें।

प्रकाशितवाक्य 11:13

तबे तेख्णी तियों ही घड़ी ऐक बड़ो भूईच्ल़ लागो, अरह् नंगर का दषंवाँ हिस्सा ढल़ी गुवा; अरह् तेसी भूईच्ल़ों लई, सात्त हजार आदमी मँरी गुऐ, अरह् ऊके डरी गुऐ, अरह् स्वर्गो के पंण्मिश्वर की बड़ियाऐं करी।

प्रकाशितवाक्य 11:9

बादे लोगो अरह् कुल़ो अरह् भाषा अरह् जात्ती-जात्ती के लोग तिनके मुँड़्दे साढ़े च़ींन देसो तोड़ी देख्दे रंह्ले, अरह् तिनके मित्त्के खात्ती दे थंणों ने देले।

प्रकाशितवाक्य 14:20

अरह् नंगर शे बाऐर तेसी रंस कुँड दे सेजे दाख्ह घीजे गुऐ, अरह् रंस कुँड दो ऐत्रो लह्ऊँ नींक्ल़ो के तेसी कुँड की लंम्बाऐ च़ीन षौ किलोमीटर अरह् ऊँचाऐ घोड़े के लगाम जेतोड़ी थी।

प्रकाशितवाक्य 14:8

आगले स्वर्गोदूत्त पाछी ओका दुज़ा स्वर्गदूत्त ऐजो बुल्दे आया, “छ़त्तियानाँष हऐ गुवो! बड़े बेबीलोन को छ़त्तियानाँष हुवों! बेबीलोन ऐ जेने बादे देश-राज्य आप्णें कू-कर्म की सूर नाँषे कराऐयों अरह् पियाऐयों सोभी मंचोऐ दिते थिऐ।”

प्रकाशितवाक्य 16:19

तेसी भूईच्ल़ो लई तेसी बड़े नंगर के च़ींन टूक्ड़े हुऐ, अरह् जात्ती-जात्ती के नंगर ढल़ी गुऐ; अरह् बड़े बेबीलोन को चींत्ते पंण्मिश्वर कैई कराऐ गुवो, के से आप्णें रोष की डाह्-जल़्ण की सूर तिन कैई शी पियाँव।

प्रकाशितवाक्य 17:1

तबे बैलुऐ लई सात्त स्वर्गदूत्तों मुँझ्शे ऐकी ऐ आऐयों मुँखे बुलो, “ईथे आओ, हाँव तुँओं कैई शी सेजी माँनी अंदी बड़ी बैष्या जियों खे सजा आगे ही तैयार असो सेजी तुँओं कैई शी देखाऊँबा, जुण्जी आगे ही बैजाऐ पाँणी गाशी बऐठी रंऐ

प्रकाशितवाक्य 17:18

सेजी तिरंऐंं, जियों तुँऐं देखी थी, से बड़ा नंगर असो, जू धर्ती के राजाओं गाशी राज्य करह्।”

प्रकाशितवाक्य 17:5

तियाँरे माँथे गाशी ऐजो नाव लिखी थो थियों: “भेद्; बड़ा बेबीलोन धर्ती की बैष्याँवों अरह् शंगाऊँणी चींजो के माँता, अरह् शंगाऊणीं चीजों के जननी थी।”

प्रकाशितवाक्य 18:10

तिनकी पिड़ो-बैद्णी के डर के माँरे से बैजाऐ दुर्के खड़े हऐयों बुल्दे: ‘हे बड़े नंगर बेबीलोन! हे पाक्का नगर, ताँव गाशी हाय! हाय! ऐगड़ी खे ही ताँव खे सजा भेंटी गऐ।’

प्रकाशितवाक्य 18:18

अरह् तेस्के जल़्णों का धुवा देख्दे धोवाऐंयों बुल्दे, ‘कुँणजो नंगर ऐसी बड़े नंगर जेष्णों असो?’

प्रकाशितवाक्य 18:2

तेने जुराल़ों लेरंह् मारियों बुलो: “ढल़ी गुवो! ढल़ी गुवो! महाँन बेबिलोन ढल़ी गुवो, ऐबे सेजा दुष्ट-आत्त्मा का घरह् आडा, जुण्जा अशुद्ध आत्त्माँवों का ठीकाणाँ, अरह् ऐक नाँम अशुद्ध अरह् शंगाँऊणें पक्क्षी का बसेरा बणीं गुवा थिया।

प्रकाशितवाक्य 18:21

तबे ऐक तागतबर स्वर्गदूत्ते बड़ी चाक्की का पाट-पात्त्थर थागा, अरह् ऐजो बुलियों सँमुन्द्रों दा फेरकाऐ दिता: “बडा नगर बेबीलोन ऐष्णें ही बड़ी तागत्ती शा ढाल़ा ज़ाला, अरह् तबे हजो कद्दी भे तिन्दें का पता ने लागो।

प्रकाशितवाक्य 18:24

तुँओं ही मुँझी, ऋषियों अरह् पबित्र लोगो, अरह् संईसारी धर्ती गाशी घात हंत्त्याँ करे गुऐ, सोभी आदमी को लह्ऊँ पड़ी रूवों थियों।”