प्रकाशितवाक्य 11:17 - Sirmouri

¹⁷ ऐजो बुल्दे लागे: “हे सर्ब-शक्त्तिमाँन प्रभू पंण्मिश्वर, जू असो ऐ, अरह् जू थिया, आँमें तेरा धन्यबाद करह्, के तुँऐं आप्णी बड़ी शक्त्ति काँम-काज़ दी लाऐयों राज करी थो।

सिरमौरी नौवाँ नियम

¹⁷ ऐजौ बौलदै लागै, “ओए रै सौबिदा बौड़ा शौकतीशाली प्रभु पौरमेशवर जू औसौए औरौ जू थिया, आमु सौथीखै तैरा धन्यवाद कौरु, जिथुकै तुऐं ऐबै आपणै अनौखी शौकतै दिखाए राए औरौ तुऐं ऐबै धोरती पांदी आपणा राज शुरु कौरे दिया।

प्रकाशितवाक्य 11:17 ပူးပေါင်းရင်းမြစ်များ

मत्ती 11:25

तेसी ही बख्ते प्रभू यीशू ऐ बुलो, “हे पिता पंणमिश्वर, स्वर्गो अरह् धर्ती के प्रभू तेरा धन्यबाद करू; के तुऐं ईनू बातो ज्ञाँनियों अरह् सम्झदारों शी चुप्पी थंई, अरह् बालक जेष्णें लोगो गाशी पर्गट करी थंई।

लूका 10:21

तैख्णी प्रभू यीशू पबित्र-आत्त्मा की खुशी शे भरपुर हऐयों बुलो; “हे पिता! स्वर्ग अरह् धर्त्ती के प्रभू! हाँव तुवाँरी प्रार्थना करू, किन्देंखे के तुऐं ऐजी बात्तो ज्ञाँनियों, अरह् बुद्धीमाँनों शी चुप्पी थंई; परह् नहाँन्ड़िया गाशी पर्गट कअरी; होर, पिता, तुओं ऐजो ही आच्छ़ो लागो।

यूहन्ना 11:41

ईन्दे गाशी लोगे ऐ सेजा पाथर आगु गाड़ा। तबे प्रभू यीशू ऐ आप्णी आखी ऊबी स्वर्गो की ढबै देखियों बुलो, “हे, बाबा! हाँव तेरा धन्यबाद करू; के तुऐं मेरी प्रार्थना शुँणीं पाऐ।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

2 कुरिन्थियों 9:15

पंण्मिश्वर का, तिनके तेसी दाँण खे जिन्दें का बखाँण ने हऐ सक्दा। धन्यबाद हों।

1 तीमुथियुस 1:12

हाँव आप्णे प्रभू मसीया का जिन्ऐं मुँखे शक्त्ति देऐ थऐ, धन्यबाद करू, के तिन्ऐ मुँह बिश्वाष ज़ूगा सम्झियों आप्णी सेंवा कर्णो वाल़ा बाँणा।

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।

प्रकाशितवाक्य 1:8

प्रभू पंण्मिश्वर, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो, से सर्वशक्त्तिमाँन, प्रभू पंण्मिश्वर का बचन असो: से “अल्फ़ा, अरह् ओमेगा, हाँव ही असो”

प्रकाशितवाक्य 11:15

जबे सात्ते स्वर्गदूत्त ऐ रंणशिंगें-कनाँल़ी फूकरी, तबे स्वर्गो दी साँत्त-भाँत्ती गुड़ाको की गूँह्ज शुँणाँई पड़ी: “संईसारी को राज ऐबे अमाँरें प्रभू का अरह् तिनके मसीया को राज हऐ गुओ; से ही ऐबे ज़ूगौ-ज़ूगौ राज कर्ले।”

प्रकाशितवाक्य 15:3

से पंण्मिश्वर के दास ऋषी-मूसा को गीत्त, अरह् तेसी छ़ैल़्टे को गीत्त गाऐ गाऐयों बुलो थिऐ: “हे सर्ब-शक्त्तिमाँन प्रभू पंण्मिश्वर, तेरे काँम-काज़ बड़ी नंखै असो; हे ज़ूगौ-ज़ूगौ के राजा, तेरी चाल ठीक अरह् साच्ची असो।”

प्रकाशितवाक्य 16:14

से ऐजी दुष्ट-आत्त्मा असो, जुण्जी चींन-नीशाँणी देखाँदें संईसारी धर्त्ती के बादे राज्य खे सर्ब-शक्त्तिमाँन पंण्मिश्वर के तेसी नियाँव के देसो खे लड़ाई-ज़ूद्ध कर्णो खे कठे करह्।

प्रकाशितवाक्य 16:5

तबे मुँऐं बादे पाँणी के हाकम स्वर्गदूत्त ऐजो बुल्दे शुँणों: “हे पबित्र, जू असो, अरह् जू थिया, तू नीयाँईच़ू असो, अरह् तुँऐं ऐजा नियाँव करा।

प्रकाशितवाक्य 16:7

तबे मुँऐं बैदी पूजों शी ऐजी गूँह्ज शुँणीं: “होर, हे सर्ब-शक्त्तिमाँन प्रभू पंण्मिश्वर, तेरे फऐंस्ले ठीक अरह् साच्चे असो।”

प्रकाशितवाक्य 18:8

ऐजा ही कारण असो: के ऐकी ही देसे तिनू गाशी बादी बिब्त्ती-ओब्ल़ी आऐयों पड़दी; मुँरी, बीलाप, अरह् काल़, तिनू आगी दे जल़ाऐयों, भसंम करी देंदे, किन्देंखे के प्रभू पंण्मिश्वर, ही तिनका नियाव कर्ले।

प्रकाशितवाक्य 19:11

तबे मुँऐ स्वर्ग खुलो अंदो देखो, अरह् का देखू के ऐक चीट्टा घोड़ा असो; अरह् तेसी गाशी ऐक अशवार असो, जू बिश्वाष ज़ूगा, अरह् साच्चो बुलो, अरह् से धर्म आरी नियाँव अरह् लड़ाऐ-ज़ूद्ध करह्।

प्रकाशितवाक्य 19:6

तबे मेरे बैशुमाँर बड़ी भीड़ का जल़्सा बैजाऐ डराऊँणी फालो, अरह् बाद़्ल़ो की गुड़ाको के जिया बड़ा रूला-गुँह्ज शुणाँई दिता: “हाल्लेलूय्याह! अमाँरे प्रभू पंण्मिश्वर सर्ब-शक्त्तिमाँनें राज करह्।