प्रकाशितवाक्य 1:8 - Sirmouri

⁸ प्रभू पंण्मिश्वर, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो, से सर्वशक्त्तिमाँन, प्रभू पंण्मिश्वर का बचन असो: से “अल्फ़ा, अरह् ओमेगा, हाँव ही असो”

सिरमौरी नौवाँ नियम

⁸ पिता पौरमेशवर बौल़ौ, “हांव अल्फा औरौ ओमेगा औसौ, यानी कै, शुरुआत औरौ अंत औसौ। हांव ही औसौ जू औसौए, जू थिया, औरौ जू आणौवाल़ा औसौ, हांव सौबिदा बौड़ा शौकतीशाली औसौ।”

प्रकाशितवाक्य 1:8 ပူးပေါင်းရင်းမြစ်များ

2 कुरिन्थियों 6:18

अरह् हाँव तुवाँरा परमं-पिता पंण्मिश्वर हंदा, अरह् तुँऐं मेरे बैटे अरह् बैटी हंदी। ऐजा सर्वशक्त्तिमाँन प्रभू पंण्मिश्वर का बचन असो।”

प्रकाशितवाक्य 1:11

“जू किऐ तुँऐं देखी लो, तैथू कताबे दो लिखियों ईनू सात्ती नंगरों की कलीसिया कैई डेयाल़ी दियों; मतल्व इफिसुस अरह् स्मुरना, अरह् पिरगमुन, अरह् थूआतीरा, अरह् सरदीस, अरह् फिलदिलफिया, अरह् लौदिकिया खे।”

प्रकाशितवाक्य 1:17

तिनू देखियों हाँव तिनके लात्तो गाशी मँरा अँदा जिया पड़ा; अरह् तिन्ऐं आप्णा सुवाँ हाथ मुँह गाशी थह्ऐयों बुलो: “डरे ने आगला अरह् आखरी हाँव ही असो!”

प्रकाशितवाक्य 1:4

संत्त-यूहन्ना की ढबे शी आसिया ईलाके की सात्तों कलीसियाव खे जुण्जी आसिया प्रदेश दी असो: तिनकी ढबे शी कृपा, अरह् शाँण्त्ति, भेटो, जुण्जे असो ऐ, अरह् जुण्जे सदा थिऐ, अरह् जुण्जे आँणों वाल़े असो; अरह् तिनू सात्त आत्त्माओं की ढबे शी जुण्जी तिनके सिंगास्हणों के सहाँम्णें असो।

प्रकाशितवाक्य 11:17

ऐजो बुल्दे लागे: “हे सर्ब-शक्त्तिमाँन प्रभू पंण्मिश्वर, जू असो ऐ, अरह् जू थिया, आँमें तेरा धन्यबाद करह्, के तुँऐं आप्णी बड़ी शक्त्ति काँम-काज़ दी लाऐयों राज करी थो।

प्रकाशितवाक्य 15:3

से पंण्मिश्वर के दास ऋषी-मूसा को गीत्त, अरह् तेसी छ़ैल़्टे को गीत्त गाऐ गाऐयों बुलो थिऐ: “हे सर्ब-शक्त्तिमाँन प्रभू पंण्मिश्वर, तेरे काँम-काज़ बड़ी नंखै असो; हे ज़ूगौ-ज़ूगौ के राजा, तेरी चाल ठीक अरह् साच्ची असो।”

प्रकाशितवाक्य 16:14

से ऐजी दुष्ट-आत्त्मा असो, जुण्जी चींन-नीशाँणी देखाँदें संईसारी धर्त्ती के बादे राज्य खे सर्ब-शक्त्तिमाँन पंण्मिश्वर के तेसी नियाँव के देसो खे लड़ाई-ज़ूद्ध कर्णो खे कठे करह्।

प्रकाशितवाक्य 16:7

तबे मुँऐं बैदी पूजों शी ऐजी गूँह्ज शुँणीं: “होर, हे सर्ब-शक्त्तिमाँन प्रभू पंण्मिश्वर, तेरे फऐंस्ले ठीक अरह् साच्चे असो।”

प्रकाशितवाक्य 19:15

जात्ती-जात्ती मार्णो खे तिनके मुँह ज़ात्ती शी ऐक पुईनी तरवार नींक्ल़ो। से लोहे के मुँगरे लई तिनू गाशी राज कर्दे, अरह् सर्ब-शक्त्तिमाँन पंण्मिश्वर के डराव्णें रोष की सूर के कुँड दे दाख्ह-अंगूरह् घींजला।

प्रकाशितवाक्य 19:6

तबे मेरे बैशुमाँर बड़ी भीड़ का जल़्सा बैजाऐ डराऊँणी फालो, अरह् बाद़्ल़ो की गुड़ाको के जिया बड़ा रूला-गुँह्ज शुणाँई दिता: “हाल्लेलूय्याह! अमाँरे प्रभू पंण्मिश्वर सर्ब-शक्त्तिमाँनें राज करह्।

प्रकाशितवाक्य 2:8

“स्मुरना नंगर की कलीसिया के दूत्त खे ऐजो लिख: “जू आगला अरह् आखरी असो, जू मँरी गुवा थिया, अरह् ऐबे जीऊँदा हऐ गुवा, से ऐजो बुलो के,

प्रकाशितवाक्य 21:22

तेसी नंगर दे मुँऐ किऐ भे देऊँठी ने देखी, किन्देंखे के सर्ब-शक्त्तिमाँन प्रभू पंण्मिश्वर अरह् छ़ैल़्टा तेसी नंगर की देऊँठी थी।

प्रकाशितवाक्य 21:6

तबे तिन्ऐ मुँखे हजो बुलो, “सब काँम-काज़ खत्त्म हऐ गुवा; हाँव, अल्फ़ा अरह् ओमेगा असो, मतल्व शुरू अरह् अंन्त्त असो। हाँव च़ीषै खे जीवन-जल के फ़ट्वाँणीं शो, ऐई मुँझ़ी पाँणीं पीयाँऊबा।

प्रकाशितवाक्य 22:13

हाँव अल्फ़ा अरह् ओमेगा, आगला अरह् आखरी अंन्त्त, असो।”

प्रकाशितवाक्य 4:8

चौऊँ जींव के छ: छ: पाखो असो, अरह् चौऊँ ढबे हजो आखी ही आखी असो; अरह् से रात्ती देसो बिना रूकी स्त्तुति-बड़ियाऐ ऐजी करह्: बिषाँव करे; ऐजो ही बुल़्दें रंह्, “पबित्र, पबित्र, पबित्र, प्रभू पंण्मिश्वर, सर्ब-शक्त्तिमाँन, जू थिया, अरह् जू असो ऐ, अरह् जू आँणों वाल़ा असो।”