प्रकाशितवाक्य 1:1 - Sirmouri

¹ यीशू मसीया का बखाँण, जुण्जा तिनखे पंण्मिश्वर की ढंबे शा भेंटा थिया, जिन्दे लंई से आप्णें सेंवक-दास खे नंजीक आणों वाल़ी घट्णाँ देखाँव; तिन्ऐं आप्णें स्वर्गदूत्त डेयाल़ियों ऐसी बखाँण का ज्ञाँन आप्णें सेवक संत्त यहून्ना कैई शा कराया;

सिरमौरी नौवाँ नियम

¹ ऐजी किताब तिनु बातौ का जिक्र कौरौ जू पौरमेशवरे यीशु मसीह खै दिखाए राए। पौरमेशवरे तैसी दिखोऊ ताकि सै आपणै दासो खै तिनु घोटनाओ कै बारै मुंजी बौताए सौकौ जू तावल़ी ही पूरी हौंदी। यीशुए आपणै स्‍वर्गदूत खै तैसी सौंदेश कै साथै मैरै धोरे यानी आपणै दास यूहन्ना कै धोरे भैजा।

प्रकाशितवाक्य 1:1 ပူးပေါင်းရင်းမြစ်များ

यूहन्ना 12:49

मुँऐं आप्णी तरफ शो किऐ ने बुली थंई, परह् मेरे बाबा ऐं! जिन्ऐं मुँह डेयाल़ी थुवा; तिन्ऐं ही मुँखे ऐजी अज्ञाँ देऐ थंऐ, के मुँह का बुल्णों पड़ो; अरह् केष्णों बुल्णों पड़ो?

यूहन्ना 15:15

मुँऐ तुओं दास सेंवक ने, परह् आप्णें दोस्त्त माँनी थुऐ; किन्देंखे के दास सेंवक कैई ऐजा पता ने हंदा, के तेस्का माँलिक का कर्णो वाल़ा असो; परह् मुँऐं तुँओं कैई सेजी बादी बातो बुली थंई, जुण्जी मुँऐ बाबा कैई शी शुँणीं थंऐ।

यूहन्ना 17:8

किन्देंखे के तुओं कैई शी भेंटी अंदी, अज्ञाँऐं मुँऐं तिनखे देऐ थंई; अरह् तिन्ऐ सेजी अज्ञाँ धारण करी थई, अरह् खास करियों ऐजो भे सोत्तिखे जाँणीं पाव; के हाँव तुंओं कैई शा आऐ रूवा, अरह् तिन्ऐं ऐजा भे बिश्वाष करी थुवा; के तुऐं ही मुँह डेयाल़्णों वाल़े असो।

यूहन्ना 3:32

जुण्जो किऐ तेने देखो अरह् शुँणी थो, से तिन्दें के ही गुवाऐ-शाज़्त्त दियों; परह् कुँऐं भे तिनकी गुवाऐ-शाज़्त्त माँन्दें ने।

यूहन्ना 8:26

तुवाँरे बारे दो मेरे भह्त्त-कुछ बुल्णों, अरह् ऐजा फ़हऐस्ला करणाँ; के हाँव बादी संईसारी खे सेजो ही बुलू; जुण्जों मुँऐ आप्णें डेयाल़्णों वाल़े कैई शो शुँणीं थों; किन्देंखे के मुँह डेयाल़्णों वाल़ा साच्चा बिश्वाष ज़ूगा असो।”

रोमियों 16:25

ऐबे जू तुँओं मेरी खुषख्बरी मतल्व प्रभू यीशू मसीया के शिक्क्षा के प्रचार के मुँताबिक शे पाक्के करी सको, तेसी भेद् के प्रकाष के मुँताबिक जू ज़ूगौ शा चुप्पी रूआ,

गलातियौं 1:12

किन्देंखे के ऐ मुँह आदमी कैई शी ने भेंटी रंई, अरह् ना कोसी आदमी ऐ मुँह कैई ईन्दें की शिक्क्षा देऐ थई; परह् यीशू मसीया ऐ मुँह कैई पर्गट हऐयों देऐ थऐ।

इफिसियों 3:3

मंतल्व ऐजा के सेजा भेंद्-पता मुँह कैई बखाँण के कारण ही पर्गट हुवा; जैष्णों के मुँऐ आगे भे तुओं खे दाँणिक-दाँणिक लिखी थुओं,

तीतुस 1:1

संत्त-पौलुस की ढबे शी जू पंण्मिश्वर का दास अरह् यीशू मसीया का खास-चैला असो, पंण्मिश्वर के छाँटे अंदे लोगो का बिश्वाष अरह् तियों सच्चाई की पछ़याँण के मुँताबिक असो, जू भगत्ति के मुँताबिक शो असो,

प्रकाशितवाक्य 1:19

ईन्देंखे तुँऐं जुण्जो देखो, अरह् जुण्जो ऐसी बख्ते घट्दो लागो; अरह् जुण्जों ईन्दें पाछी घट्णों वाल़ो असो; तैथू ऊबो लिखों।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 17:1

तबे बैलुऐ लई सात्त स्वर्गदूत्तों मुँझ्शे ऐकी ऐ आऐयों मुँखे बुलो, “ईथे आओ, हाँव तुँओं कैई शी सेजी माँनी अंदी बड़ी बैष्या जियों खे सजा आगे ही तैयार असो सेजी तुँओं कैई शी देखाऊँबा, जुण्जी आगे ही बैजाऐ पाँणी गाशी बऐठी रंऐ

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।

प्रकाशितवाक्य 19:9

तबे स्वर्गदूत्ते मुँखे बुलो, “ऐजो लिख: भागोईत असो! सेजे जुण्जें छ़ैल़्टे के जाज़्ड़े-विवाह के भोज दे खाँदें बय्दी थुऐं।” तबे तिन्ऐ मुँखे बुलो, “ऐजे बचन पंण्मिश्वर के साचे बचन असो।”

प्रकाशितवाक्य 21:2

तबे मुँऐं पबित्र नंगरी नंऐं यरूशलेम पंण्मिश्वर कैई शी, मतल्व स्वर्गो शे ऊँदे आँदे जेष्णीं कुँऐ दुल्हन आप्णें दुल्हें खे सजी-धजियों बिना कल़क के आँव तेष्णीं देखी।

प्रकाशितवाक्य 21:9

तबे जिनू स्वर्गदूत्तो कैई आखरी की सात्त बिब्ती-अब्ल़ी शे भरे अंदे सात्त बैलुऐ थिऐ, तिनू मुँझ्शा ऐक मुँह कैई आया, अरह् मेरी गईलो बातो करियों बुलो, “ईथे आ, हाँव ताँव कैई शी दुल्हन-जाज़्ड़ी मतल्व छैल़्टे की घरवाल़ी के दर्षण कराऊँबा।”

प्रकाशितवाक्य 22:1

तबे ईन्दें पाछ़ी तेने स्वर्गदूत्तें मुँह कैई शी जीवन के जल की नंदी देखाऐ, जुण्जी बिल्लौर के जेष्णी छ़लक्दी, साफ सीसै हार्षी की जेऐ थी, जुण्जी पंण्मिश्वर अरह् छ़ैल़्टे के सिगाँस्ण शी बंह्दें नींक्ल़ों थी।

प्रकाशितवाक्य 22:16

“हाँव, यीशू, मुँऐ कलीसियाओं के बारे दी ऐजी बातो पर्गट कर्णो खे आप्णाँ दूत्त तुओं कैई डेयाल़ी थुवा; हाँव राजा दाऊद के बंष-गंड़ी का सोभी शी खास अलाद असो, अरह् झ़ीषौ बियाँणीं दा चंमम्कणों वाल़ा तारा असो।”

प्रकाशितवाक्य 22:6

तेने स्वर्गदूत्ते हजो मुँखे बुलो, “जुण्जो किऐ हेभी तोड़ी बुलो गुवो; सेजो साच्चो अरह् बिश्वाष ज़ुगौ असो, प्रभू ऐ, जुण्जे ऋषियों की आत्त्माओं के पंण्मिश्वर असो, तिन्ऐं आप्णें स्वर्गदूत्त आप्णें दासो कैई सेजो सब-कुछ पर्गट कर्दे डेयाल़े, जुण्जो शीघों हंणों वाल़ो असो।”

प्रकाशितवाक्य 22:8

हाँव सेजा ही यूहन्ना असो, जेने आपु ऐजो सब-कुछ शुँणों, अरह् देखो; ऐजो सब-कुछ शुँण्णों अरह् देख्णों गाशी; हाँव तेसी स्वर्गदूत्त के जेने ऐजो सब-कुछ मुँह कैई शो देखाव तेस्खे लाँम्बें पसरियो तेस्के लातो गाशी आगमुँईऐ पड़ा।

प्रकाशितवाक्य 22:9

परह् तेने स्वर्गदूत्तें मुँखे बुलो, “देख, ऐष्णों ने करे! किन्देंखे के हाँव तेरा अरह् तेरे भाऐ ऋषियों, अरह् ईयों कताबी की बातो माँनणों वाल़े का संगी-साथी दास असो, तुँऐं सिर्फ पंण्मिश्वर के सहाँम्णें आगुमुँईऐ लाँम्बे पसरियों तिनकी ही आरार्धना करे।”

प्रकाशितवाक्य 4:1

इन बातो पाछी मुँऐं संईसारी दी देखियों झ़ैठ पाऐयों का देखी लो, के स्वर्गो दो ऐक दुवार खुली अंदो असो, अरह् जेसी मुँऐं आगे रंणशिंगै-कनाँल़ी की जेई गूँह्ज दा आपु आरी बात कर्दे शुँणाँ थिया, से ही बुलो, के “ईथै ऊँबा आ; अरह् हाँव सेजी बातो ताँव कैई शी देखाऊँबा, जुण्जी बातो ईन्दें पाछी हंणीं जरूरी ही असो।”

प्रकाशितवाक्य 5:7

तेने आऐयों तेस्के सुँऐं हाथो शी जू सिंगाँस्हणों गाशी बऐठी रूआ थिया, सेजी कताब ऊँडी करी।