फिलिप्पियों 4:19 - Sirmouri

¹⁹ मेरा पंण्मिश्वर भे आप्णे तेसी धन के मुँताबिक शो जू बड़ियाऐ लई, मसीया यीशू दा असो, तुँवारी ऐक नाँम घटी पुरी कर्ले।

सिरमौरी नौवाँ नियम

¹⁹ औरौ मैरा पौरमेशवर बै आपणै तैसी धन कै हिसाब शै जू महिमा सहित मसीह यीशु दै औसौ, तोंवारै हरेक जौरुरत कै पूरै कौरदा।

फिलिप्पियों 4:19 ပူးပေါင်းရင်းမြစ်များ

मत्ती 6:32

किन्देखे के गऐर यहूदी लोग ईनू सोभी चीजो की खोज दे रंह, अरह् तुवाँरा स्वर्गो का पिता ऐजो जाँणों ऐं के तुओं ईनू बादी चीजो के जरूरत असो।

यूहन्ना 20:17

प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।”

यूहन्ना 20:27

तबे प्रभू यीशू ऐ थोंमा खे बुलो, “आप्णीं गुट्ठी लंई मेरे हाथ छ़ुऐयों देख, अरह् आप्णा हाथ मेरी शाफ़्ड़ी के बीचों दा पाऐयों देख; अरह् बै-बिश्वाषी ने, परह् बिश्वाषी बंण।”

रोमियों 1:8

सोभी शा आगे हाँव तुँओं सोभी खे यीशू मसीया के जाँणें आप्णे पंणमिश्वर का धन्यबाद करू, किन्देंखे के तुवाँरे बिश्वाष के चर्चा बादी संईसारी दी हऐ रंऐ।

रोमियों 11:33

आहा! पंणमिश्वर को धन, अरह् बुद्धी, ज्ञाँन का ही बड़िया असो! तिनके बिचार कैशे अथाऐं, अरह् तिनकी बाटो ऐत्री शुभाल़ी असो जिन्दें का किऐं बखाँण ने करा ज़ादा!

रोमियों 2:4

कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

रोमियों 8:18

किन्देंखे के मेरे जाँणियों के ऐसी बख्तो की अमाँरी परेशानी अरह् कल़ेष तियों बड़ियाऐं के साम्णें किऐं ने आथी, जुण्जी के आँमों गाशी पर्गट हणों वाल़ी असो।

रोमियों 9:23

पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

2 कुरिन्थियों 12:21

कद्दी ऐशो ने हऐयों, के जबे हाँव पाछ़ू तुओं कैई आँऊ; तअ मेरा पंण्मिश्वर मुँह हजो तुवाँरे सहाम्णें शर्मिन्दा करह्; अरह् मुँह बैजाऐ लोगो खे शोक मनाणाँ पड़ो; जिन्ऐं आगे पाप करा; अरह् आप्णीं गंन्दगी, चूरी-जारी, अरह् लुचपंण करियों आप्णा मंन बद्ल़ियों पसतावा ने करी।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

इफिसियों 1:18

हाँव प्रार्थना करू, के आप्णें मंन की आखें के त्तेज-प्रकाष शो तुऐं जाँणी पाँव, के तिनका बुलावे के कारण, तुँओं लोगों का भूर्षा कैत्रा बंडा असो; अरह् तिनू पबित्र लोगो के जजाऐत्त की बंड़ियाई को धंन कैष्णों असो।

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

इफिसियों 2:7

पंण्मिश्वर ऐ आँमों खे जुण्जी दयालुत्ता यीशू मसीया दे देंखाऐ, तिन्दें लंई आँमों खे आँणों वाल़े ज़ूगौ दे आप्णी अपार कृपा के मुँताबिक देखाऐ दिती;

इफिसियों 3:16

के से आप्णी बड़ियाऐ के धन के मुँताबिक तुँओं खे ऐजो दाँण दियों; के तुँऐं तिनके पबित्र-आत्त्मा शे आप्णें भत्ले आछे बिचार दे शक्त्ति पाँऐयों तागतबर बंणदे ज़ाँव,

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

फिलिप्पियों 4:7

तबे पंण्मिश्वर के शाँण्त्ति, जू बादी संम्झ शे बाऐर असो, तुवाँरें दिल अरह् तुवाँरे बिचार मसीया प्रभू यीशू दे बचाऐं दियों।

कुलुस्सियों 1:27

जिन कैई पंण्मिश्वर ऐ पर्गट करणा चाया, के तिन कैई ऐजा ज्ञाँन हों, के गऐर यहूदी कैई तेसी भेद् की बड़ियाऐ का मोल का असो, अरह् से ऐजो असो, के मसीया जेस्दा बड़ियाऐ का भूर्षा असो, से तुँओं दे बास करह्।

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

1 थिस्सलुनीकियों 2:12

के तुँवारी चाल-ढाल पंण्मिश्वर ज़ूगी हों, जुण्जे तुँओं आप्णे राज अरह् बड़ियाई खे बईदो।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

फिलेमोन 1:4

हाँव सदा पंण्मिश्वर का धन्यबाद करू, अरह् आप्णी प्रार्थना दा भे ताँव चित्तै करू,

1 पतरस 5:1

तुँओं मुँझी जुण्जे ठग्ड़ै आदमी असो, हाँव, तिनू जैष्णा ठग्डा अरह् मसीया के दु:खों का गुवाह्-शाज़्त अरह् पर्गट हंणों वाल़ी बड़ियाऐं दा साजी हऐयों तिनू ऐशे सम्झाऊँ

1 पतरस 5:10

ऐबे पंणमिश्वर जू बादी कृपा का दाता असो, जिन्ऐं तुँओं मसीया दे आप्णी सदा की बड़ियाऐ खे बय्दी थुऐं, तुवाँरे ऐगड़ी खे दु:ख भूगणों पाछ़ी, आपु ही तुँओं साचे-पाके अरह् तागतबर कर्ले।