फिलिप्पियों 4:15 - Sirmouri

¹⁵ हे फिलिप्पियों, तुँऐं आपु भे जाँणोंऐं के खुषख्बरी के प्रचार के शुरू दे जबे हाँव मकिदुनिया शा बिदा हुआ, तबे तुँओं छुड़ियों ओकी कोसी भी कलीसिया शी मुँखे किऐ भे मंद्दत्त-साय्ता ने भेटी।

सिरमौरी नौवाँ नियम

¹⁵ ओए रै फिलिप्‍पी शहर कै लोगौ, तुऐं आपी बै जाणौए कै तोंवारै बीच मुंजी सुसमाचार प्रचार कै शुरुआत दै मकिदुनिया प्रदेश शै आपणै यात्रा शुरु कौरेयौ हांव आगु हौटै गौआ। तोबै तुऔं छोड़ेयौ ओकी कोसी कलीसिया कै लोगै लैण दैण कै बारै मुंजी मैरी मौदद ना कौरी।

फिलिप्पियों 4:15 ပူးပေါင်းရင်းမြစ်များ

प्रेरितो कै काम 16:40

संत्त-पौलुस अरह् सीलास कंय्दी शे नीक्ल़ियों लुदिया कागी हुटे, अरह् तिन्ऐ बिश्वाषी भाऐ-बंईणों शी भेंट-मील करियों शाँण्त्ति दिती; अरह् तबे से तेथै शे आगु हुटे।

रोमियों 15:26

किन्देंखे के मकिदुनिया अरह् अखया के लोगो के ऐजो आछो लागो, के यरूशलेम के पबित्र लोगो मुँझी गरीब कंगालो खे किऐ चहाँदा कठा करू।

फिलिप्पियों 1:12

हे भाऐ-बईणों, हाँव चहाऊँ के तुँऐं ऐजो जाँणी पाव के मुँह गाशी जू बिती रंऐ, तिन्दे लई खुषख्बरी की ही बड़ोत्री हऐ रंऐ।

फिलिप्पियों 1:16

कुँऐं तअ ऐजो जाँणियों के मुँह खुषख्बरी देणों की जबाब खे चूणी थुवा, अरह् से प्यार शा प्रचार करह्।

फिलिप्पियों 1:5

ईन्देंखे के तुँऐं आगले देसो शे ऊबे ऐतलो तोड़ी खुषख्बरी देणों खे अमाँरें साथी असो।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

फिलिप्पियों 2:12

ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;