फिलिप्पियों 3:3 - Sirmouri

³ किन्देंखे के खतना वाल़े तअ आँमें ही असो, जू पंण्मिश्वर की आत्त्मा के गुवाह्-शाज़्त्ति शी आरार्धना करह्, अरह् मसीया यीशू गाशी तारीफ करह्, अरह् आप्णी देह्-शरीर की बातो गाशी भूर्षा ने कर्दे।

सिरमौरी नौवाँ नियम

³ जिथुकै पौरमेशवर कै साची लोग आमु औसौ, जू पौरमेशवर कै आराधना तैसकै आत्मा कै दवारा कौरु, औरौ आपणै जिन्दगी दै मसीह यीशु कै साथै एकता दै खुश हौंव; औरौ तिनु चीज़ौ पांदी भोरोशा ना कौरौ जू आमुए कौरे राए।

फिलिप्पियों 3:3 ပူးပေါင်းရင်းမြစ်များ

रोमियों 1:9

पंणमिश्वर जिनकी सेवा हाँव आप्णें पुरे दिल शी तिनके बैटे की खुषख्बरी के बारे दी करू, से मेरे गुवाह्-शाज़्त असो, के हाँव तुँओं केष्णें हमेशा चिंतोंदा रंहू।

रोमियों 15:17

ईन्देंखे हाँव यीशू मसीया के जाँणें पंणमिश्वर खे आप्णी सेवा की बंड़ियाऐ करू।

रोमियों 7:6

परह् ऐबे आँमें जू ऋषी-मूसा खे भेटे गुऐ निय्म दे जक्ड़े आँदें थिऐ, तेसी बंधण शे आछ़ै करियों मुँक्त्ति पाऐयों मुँक्त्त हऐ गुऐ। ऐशे दाँई ऐबे आँमें पुराँणें लिखे आँदें निय्म के मुताबिक ने; परह् पबित्र-आत्त्मा के नुऐं निय्म के मुताबिक परमिश्वर की सेवा करी सको।

रोमियों 8:15

किन्देंखे के तुँओं खे गुलामी की आत्त्मा ने भेंटी रंंई, के हजो भे डरियों रंह्, परह् आँमों खे गोद् लुऐं गुऐ बैटे की आत्त्मा भेटी रंऐ, जिन्दे के सहाँरे आँमें हे अब्बा, हे बाबा, बुलियों पुकारो।

रोमियों 8:39

अरह् ना पताल़ौ की किऐं शक्त्ति, अरह् ना बादी संईसारी मुँझ्शी किऐ भे बात, आँमों पंणमिश्वर के पियारो शे जुण्जा अमाँरे प्रभू यीशू मसीया के जाँणें भेटी रूवा, तेसी पियार शे आँमों कुँऐं भे ज़ंई ने करी सक्दा।

रोमियों 9:6

परह् ऐजो ने आथी, के पंणमिश्वर का बचन टल़ी गुआ, किन्देंखे के जुण्जें लोग इस्राएली के बंष दे पय्दा हऐ रूऐं, सेजे बादे लोग साचे इस्राएली ने आथी;

2 कुरिन्थियों 11:18

जबे के बैजाऐ लोग देह्-शरीर के मुताबिक तारीफ करह्, तअ हाँव भे तारीफ करूबा।

गलातियौं 5:25

जे आँमें पबित्र-आत्त्मा के जाँणें जीऊँदे असो, तअ आँमें पबित्र-आत्त्मा के जाँणें चाले भे चेंई।

गलातियौं 6:16

जै-तोड़े ऐसी निय्म गाशी चाल़्ले, तिन गाशी, अरह् पंण्मिश्वर के इस्राएल गाशी शाँण्त्ति अरह् दया-रंय्म हंदी रंह्।

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

फिलिप्पियों 1:1

मसीया प्रभू यीशू के दास संत्त-पौलुस अरह् तीमुथियुस के ढबे शे बादे फिलिप्पियों के पबित्र लोग मसीया प्रभू यीशू आरी बिश्वाष करियों रंह्, कलीसिया के अगवाँल़ अरह् कलीसिया दे सेंवा कर्णों वाल़े सोभी लोगो खे ऐजी पत्री लिखी थऐ थी;

फिलिप्पियों 3:12

ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

फिलिप्पियों 3:14

अरह् नीशाँणें के ढबे दोऊँड़दा ज़ाँऊ, जू सेजा ईनाँम पाऊँ, जिन्दे की ताँईऐं पंण्मिश्वर मुँह मसीया यीशू दा ऊँबा बय्दी थुवा।

कुलुस्सियों 2:11

मसीया दे करे गुऐ खतना के जाँणें, जबे तुवाँरे बादे पाप का सभाव ऊडा गाड़ा गुवा; तअ तुवाँरा ऐशा खतना करा गुवा, जुण्जा हाथों लंई ने करा ज़ाँदा।

यहूदा 1:20

परह् हे प्यारों! तुँऐं आपु आप्णे आप के बैजाऐ पबित्र बिश्वाष दे बढ़्दे ज़ाव, अरह् पबित्र-आत्त्मा दे प्रार्थना कर्दे रंह्।