फिलिप्पियों 3:20 - Sirmouri

²⁰ परह् अमाँरा आप्णा देश स्वर्गो दा असो, अरह् आँमें ऐक मुँक्त्ति देणों वाल़े प्रभू यीशू मसीया की तेथै शी आँणो के बाट जूई लऐ।

सिरमौरी नौवाँ नियम

²⁰ पौरौ अमारा आपणा देश स्‍वर्ग औसौ, औरौ आमुए ऐक उध्दार कौरणौवाल़ै प्रभु यीशु मसीह का स्वर्ग शै पाछु आणौ का इंतजार कौरे लौआ।

फिलिप्पियों 3:20 ပူးပေါင်းရင်းမြစ်များ

मत्ती 19:21

प्रभू यीशू ऐ तेस्खे बुलो, “जे तू हर बातो दा साचा-पाका बंण्णों चहाँऐं, तअ ज़ा, आप्णों सब-कुछ बीकियों कंगाल-गरीबों खे दे, अरह् मुँह पाछी आ, तबे ताँव्खे स्वर्गो दो धंन भेट्लो।”

लूका 12:21

ऐष्णी ही दषा तिन लोगो के हों; जुण्जे आपु खे धंन-संम्पत्ति कट्ठी करह्; परह् से पंण्मिश्वर की नंजर दे सैठ धंन-वाँन ने हंदी।”

लूका 14:14

तबे तू भागोईत्त बंणला! किन्देंखे के तिन कैई ताँव्खें किऐ पाछू देणों खे ने आथी; अरह् ताँव धर्मी लोगो के दुज़ाल़िऐ ऊँबे जीऊँणों के बख्ते ईन्दें का प्रत्ति फल़ भेटला।”

प्रेरितो कै काम 1:11

अरह् तिनखे बुल्दे लागे, “ओ गलीली मंर्दो! तुँऐं खह्ल़ियों अस्माँनों की ढबे कैई देखी लों? सेजा ही प्रभू यीशू जिनू तुवाँरे बीच शे ऊँबे स्वर्गो दे थागी थुऐ; तिनू तुऐं ऐष्णें ही स्वर्गो शे हजो ऊँदे आँदे भे देख्ले, जेष्णें तुऐं तिनू स्वर्गो दे ऊँबे ज़ाँदे देखी थुऐ।”

1 कुरिन्थियों 1:7

अरह् जाँव तोड़ी तुऐं अमाँरे प्रभू यीशू मसीया के पर्गट हणों के बाट जुह्दें रंह्, ताँव-तोड़ी तुवाँरें कस्सी भी आत्त्मिक बर्दांन की कमी ने हों।

1 कुरिन्थियों 15:48

अरह् जेष्णाँ आगला आदमी माँटी का थिया, तेष्णें ही ईयों सईसारी के बादे लोग भे माँटी के असो; जेष्णाँ ओका आदमी स्वर्गो का थिया, तेष्णे ही सेजे भे असो, जू आत्त्मिक सर्गो के असो।

2 कुरिन्थियों 4:18

अरह् आँमें तअ दे:खी अंदी चींजो ने, परह् बिना दे:खी चींजो दे:ख्दें रंह्; किन्देंखे के दे:खी अंदी चींजो ठीक्के ही देसो की असो, परह् बिना दे:खी चींजो हमेंशा बंणी रंह्दी।

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

गलातियौं 4:26

परह् स्वर्गो को यरूशलेम अजाद असो, अरह् सेजी ही अमाँरी माँ, असो।

इफिसियों 2:19

ईदेखे तुँऐं लोग ऐबे प्रदेशी अरह् शंणराँर्थी ने रंई, परह् पबित्र लोगो के साथी, अरह् आप्णें देश के अरह् पंण्मिश्वर के घराने के लोग बणें।

इफिसियों 2:6

पंण्मिश्वर प्रभू यीशू मसीया के जाँणें, आँमों हजो ऊबे जियाल़े, अरह् स्वर्गो दे प्रभू यीशू मसीया की गईलो बईठाल़ी दिते;

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

कुलुस्सियों 1:5

तुवाँरा बिश्वाष अरह् प्यार तियों भुर्षें गाशी असो, जू स्वर्गो दो तुँओं खे असो, अरह् जिन्दे के बारे दो तुँऐं साच्ची खुषख्बरी के प्रचारो दो शुँणी थो;

1 थिस्सलुनीकियों 1:10

अरह् तेसके बैटे का स्वर्गो शी आँणों की ताक दे रंह्, जेसी तिन्ऐं मँरे अंदे मुझ शा जीयाल़ा, मतल्व प्रभू यीशू, जू आँमों पंण्मिश्वर के तियों सजा शे बंचाव जू संभी पापी गाशी पढ़णों वाल़ी असो।

1 थिस्सलुनीकियों 4:16

किन्देंखे के प्रभू आपु ही स्वर्गो शे ऊदे आँदे; तेसी बख्ते लेल्लापूर, अरह् मुँख्या दूत का शब्द शुँणाई पड़दा, अरह् पंण्मिश्वर की तूरी फूकरी ज़ाँदी; अरह् जू मसीया दे मँरी रूऐ, सेजे ही आगे ऊबे जीऊँदे।

2 तीमुथियुस 4:8

आँणों वाल़े बख्तो दो मुँखे तअ धार्मिक्त्ता को मुँकुट थऐ थो, जैथु प्रभू ऐ, जू धर्मी अरह् नियाँव कर्णो वाल़ा असो, से मुँखे तेसी देसे देंदे, अरह् मुँखे ही ने, परह् तिनू सोभिखे भे जुण्जे तिनकों पर्गट हंणों प्यारो जाँणों।

तीतुस 2:13

अरह् तेसी धन्यबाद के भुर्षें दे मतल्व आप्णे बड़े पंण्मिश्वर अरह् छुट्कारे देणों वाल़े प्रभू यीशू मसीया कि बड़ियाऐं के पर्गट हंणों की ताक दे रंह्।

इब्रानियों 12:22

परह् तुँऐं सिय्योन टिम्बे गाशी जीऊँदे पंण्मिश्वर के नंगरो दे, स्वर्गिऐ यरूशलेम कैई, अरह् लाखो सवर्गदूतों आरी खुशी आँनन्द मंनाँव,

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

प्रकाशितवाक्य 1:7

देखो, से बाद्ल़ो आरी आँणों वाल़े असो, अरह् ऐक नाँम आँख तिनू देख्ली, परह् जिन्ऐं तिनू भिने थिऐ, से भे तिनू देख्लें, अरह् संईसारी-धर्ती के बादे कुल़ो के आदमी रूऐयों आप्णी-आप्णी छ़ाती-हिकुड़े पिट्ले। ऐष्णों जरूर हंदों। आमीन!