फिलिप्पियों 3:13 - Sirmouri

¹³ हे भाऐ-बईणों मेरी हिछा ऐजी ने आथी, के मुँह थाँम्बड़ी थुवा; परह् सिर्फ ऐजा ऐक काँम-काज़ करू, के जुण्जी बातो पाछु छुटी गई, तिनू बिसरियों आगे की बातो की ढबे, बड़दा ज़ाँऊ,

सिरमौरी नौवाँ नियम

¹³ ओए रै बिशवाशी भाईयों हांव ऐजा दावा ना कौरु कै मोऐं सैजा मकसद पाए राए; पौरौ ऐजा ऐक काम कौरु कै जू आगै हौए गौ सैजौ मोऐं बैसरेयौ भविष्‍य कै मकसद कारिए कड़ी मैहनत कौरणी जारी राखै।

फिलिप्पियों 3:13 ပူးပေါင်းရင်းမြစ်များ

लूका 10:42

परह् ऐक ऐजी बात जरूर असो, के सोभी शा आच्छ़ा शुद्ध भाग हिस्सा मरियम ऐ चूंणी थुवा, अरह् ऐजा भाग हिस्सा ईयों कैई शा कुँऐं ने दड़ी सक्दा।”

लूका 9:62

प्रभू यीशू ऐ तैस्खे बुलो, “हंल़ो की आड़ी गाशी हाथ थऐयों जुण्जा कुँऐ पाछ़्खे दे:खो, सैजा पंण्मिश्वर के राज्य ज़ूगा ने आथी।”

2 कुरिन्थियों 5:16

तअ: ऐबे शे आँमें कोसी देह्-शरीर के मुँताबिक ने जाँणों, परह् आँमें मसीया भे देह्-शरीर के मुताबिक जाँणें थिऐ, तबे भे ऐबे ऐष्णा ने जाँण्दी।

फिलिप्पियों 2:12

ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;

फिलिप्पियों 3:12

ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

इब्रानियों 6:1

ईन्देंखे आँमें सीद्धत्ता आप्णाँ निशाणाँ बाणियों, मसीया शी मेल-झ़ोल थंणों वाल़ी पंह्-नींव की शिक्क्षाओं शे ऊबे बीऊँजियों पंबित्रत्ता की ढंबै बंड़ो; अरह् किऐ ओकी पंह्-नींव ने पाँव, ऐबे आँमें मंऊँत्ती की ढ़बै ज़ाँणों वाल़े कर्मो शे आप्णाँ मंन बंद्ल़ियों, पंण्मिश्वर दा बिश्वाष करह्।

2 पतरस 3:8

हे प्यारे साथियों, ऐजी बात तुँओं शी चुप्पी ने रंह्, के प्रभू कैई ऐक देस भे हजार सालो जै-तोड़ो हों; अरह् हजार साल भे ऐक देस जियो असो।