फिलिप्पियों 2:14 - Sirmouri

¹⁴ बादे काँम-काज़ बिना तूड़-खुड़ाई अरह् बिना बाद-बिबाद शा करिया करह्,

सिरमौरी नौवाँ नियम

¹⁴ सौबै काम बिना कुड़कुड़ाए औरौ बिना बैहस कै कौरेया कौरौ।

फिलिप्पियों 2:14 ပူးပေါင်းရင်းမြစ်များ

मत्ती 20:11

जबे सेजी धियाड़ी भेंटी गऐ, तअ से तेसी खेच़ौ के मालिक के बिरूध दे तुड़-खुड़ाऐयों बुल्दे लागे,

मरकुस 14:5

किन्देंखे के सेजो तेल तअ बैजाऐ मंह्गो थियों, मतल्व तेथू च़ीन षौ दीनार को बिको ज़ाँदो थियों; अरह् आँमें गरीब कंगालो खे बाँडी देंदे थिऐ, अरह् सेजे लोग तियों तिरंई झ़ीड़क्दें लागे।

मरकुस 9:14

जबे प्रभू यीशू चैले कैई आऐयो दे:खो, के तिन कैई चोऊ ढबे लोगो की बैजाऐ बड़ी भीड़ लागी रऐ, अरह् यहूदी-निय्म के शिखाँणों वाल़े ऐ तिनू आरी भंऐस करी लई थी।

लूका 5:30

ईन्दें गाशी यहूदी भाट-बाँम्ण अरह् यहूदी-निय्म के शिखाँणों वाल़े लोग, प्रभू यीशू के चैले कैई तुड़-खुड़ाँदे लागे, के “तुँऐं लोग चूंगी लअणों वाल़े; अरह् पापियों की गईलो खाँदे-पींदे कैई धूईयों?”

प्रेरितो कै काम 15:2

ईयों बातों दे संत्त-पौलुस अरह् संत्त-बरनबास के तिनू लोगो आरी बैजाऐ बोल-चाल हंऐ; अरह् तबे ऐजी पाक्की ठाट हऐ, के संत्त-पौलुस, अरह् संत्त-बरनबास, अन्ताकिया के कुछ लोगो आरी; यरूशलेम खे ज़ाले, अरह् ईयों बातो के चर्चा खास-चैले, अरह् यरूशलेम के बादे बुड़े-बुजूर्गो आरी कर्ले।

प्रेरितो कै काम 15:39

तबे: ईन्दें गाशी दुई मुँझी, ऐत्रा जादा मंत्त-भेद् हऐ गुवा; के से ओका ओकी शे ज़ोई हऐ गुऐ; तबे संत्त-बरनबास ऐ मरकुस आप्णी गंईलो नींहयों पाँणी के जहाँजो दे कुप्रुस टापु दे हुटे।

प्रेरितो कै काम 15:7

जबे बैजाऐ बाद-बिबाद हंदा लागा, तबे संत्त-पतरस ऐं ऊबे खह्ड़े हऐयों बुलो: “हे भाईयों! तुऐं जाँणों ऐ के पंण्मिश्वर ऐ शुरू शा ही तुओं लोगो मुँझ्शा मुँह ही च़ूणीं-छ़ाँटी थुवा; के गऐर-यहूदी लोग मेरे मुँख्ह शी खुषख्बरी का बचन शुँणों अरह् बिश्वाष करह्।

प्रेरितो कै काम 6:1

तोदी तिनू देसे जबे चैले की तादाऐत-गिन्त्ती बैजाऐ बड़्दी लागी, तबे यूनानी भाषा बुल़्णों वाल़े यहूदी बिश्वाषी लोग, इब्रानी भाषा बोल़्णों वाल़े बिश्वाषी यहूदी लोगो के बिरूध दे तुड़-खुड़ाऐ के रोज की सेंवकाई दी अमाँरी बिध्वायों के किऐ भे सुद्धी-खबर ने लंऐ ज़ाँदी।

रोमियों 12:18

जेथै तोड़ी हऐ सको, तुँऐं बादे आदमी आरी मिली-चालियों रूऐ।

रोमियों 14:1

जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

1 कुरिन्थियों 10:10

अरह् ना तुँऐं तुड़-खुड़ाऐ, जेष्णों तिनू मुझ्शो कईऐं कोरो, अरह् से नाँष कर्णो वाल़े के जाँणें नाँष करे गुऐ।

2 कुरिन्थियों 12:20

किन्देंखे के मुँह डरह् असो, कद्दी ऐशो ने हईयों के हाँव आऐयों जेष्णों चहाँऊ, तेष्णें तुँओं ने दे:खू; अरह् मुँह भी जेष्णाँ तुँऐं ने चहाँदें तेष्णा ही दे:खो; अरह् तुँओं मुंझी झगड़ा, डाह, कोरूध, बिरोध, रीष, चुगली, घमन्ड, अरह् बखैड़ा हों;

गलातियौं 5:15

परह् जे तुँऐं ओका ओकी दे झ़ाटी दियों, अरह् धूणियों ऊपाड़ियों खाँव, तअ च़ौक्क्ष रूऐ, के ओका ओकी को ऊगाल़ी ने दियों।

गलातियौं 5:26

आँमें घमंन्डी हऐयों ओका ओकी ने छेड़ो, अरह् ना ओका ओकी शी जल़्ण-डाह् करह्।

फिलिप्पियों 2:3

बिरूध, झूठी बड़ियाऐं, तारीफ, खे किऐ ने करे, परह् नंरमाँऐं, शे ओका ओकी खे आपु शा आछा जाँणे।

1 थिस्सलुनीकियों 5:13

अरह् तिनकी काँम-काज़ के जाँणें प्यारो आरी, तिनू बैजाऐ आदर-ईज्ज्त्त ज़ूग्गै ज़ाँणों; अरह् आपु आरी मिली-झ़ुलियों रूओं।

1 थिस्सलुनीकियों 5:15

सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

याकूब 1:20

किन्देंखे के गुस्सै-कुरूध वाल़ा आदमी पंणमिश्वर कि हिछ़या के मुँताबिको शो किऐ करीने संक्दा।

याकूब 3:14

परह् जे तुवाँरा मंन-सास डाह्-जल़ण अरह् सुवार्थी हिछ़्या शा भरा अंदा असो, अरह् तिन्दा तुँऐं किऐ धमंन्ड करियों साचे को झूठो बाँणियों ने बुल़े।

याकूब 5:9

हे, भाऐ बंईणों, ओका, ओकी गाशी दोष-बोद्दी ने किन्देंखे के नियाँव कर्णो वाल़ा तुँवारी देव्ल़ी गाशी खल़िया अंदा असो।

1 पतरस 3:11

परह् बुराई का साथ छुड़ो, अरह् भलाऐ ही करह्; सेजी शाँण्त्ति की खोज करह्, अरह् तिन्दे का पालन करह्।

1 पतरस 4:9

बिना तुड़-खुढ़ाई ओका ओकी की पऊँणाँई दी आदर-सत्तकार करह्।

यहूदा 1:16

से सेजे लोग असो, जुण्जे तुड़-खुड़ा दें रंह्, अरह् सदा गलती निंकाल़्दें रंह्, अरह् से आप्णी हिछ़्या शे कू-कर्णी के लूभी-लाल़्चि, अरह् घमंन्डी अरह् आप्णें फाय्दे खे चाप-लुसी कर्णों वाल़े हों।