फिलिप्पियों 2:13 - Sirmouri

¹³ पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

सिरमौरी नौवाँ नियम

¹³ जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

फिलिप्पियों 2:13 ပူးပေါင်းရင်းမြစ်များ

लूका 12:32

“ओ, छुटा दल़! डरे ने; किन्देंखे के तुवाँरे स्वर्गो के बाबा के ऐजो भाऐ रूओ, के तुओं खे राज देंणों।

लूका 2:14

“अस्माँनों दे पंण्मिश्वर के बड़ियाऐं, अरह् धर्ती गाशी तिनू आदमी गाशी जिन शे से खुशी असो, तिनू शाँण्त्ति भेंटली।”

यूहन्ना 3:27

तबे संत्त-यूहन्ना नहाँण-कराँणों वाल़े आप्णें चैले खे जबाब दिता, “जाँव तोड़ी आदमी खे स्वर्गो शो ने दियों ज़ाँव, ताँव-तोड़ी तेसी किऐ ने भेट्दो।

यूहन्ना 6:45

ऋषियों ऐ पबित्र-ग्रन्थों दो लिखी थो, के सेजे लोग बादे पंण्मिश्वर कैई शी शिक्क्षा पाँदे; जेने कुँणिऐं बाबा कैई शो शुँणी अरह् शिखी थो, से मुँह कैई आँदा।

यूहन्ना 6:65

प्रभू यीशू ऐ बुलो, “ईन्देंखे मुँऐं तुँओं खे बुलो थियों, के जाँव तोड़ी कोसी खे बाबा कैई शा ऐजा बरदाँन ने भेटो, ताँव-तोड़ी कुँऐ भे मुँह कैई ने आऐ सक्दा।”

प्रेरितो कै काम 11:21

प्रभू की शक्त्ति तिनकी गईलो थी। अरह् बैजाऐ भहित्ते लोग बिश्वाष करियों प्रभू के ढबे फिरे।

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

रोमियों 9:16

ईन्देंखे ऐजो आदमी की हिछ़ा शो ने, अरह् ना तेस्के मेह्नत गाशी आथी, परह् दया-रंय्म कर्णो वाल़ें पंणमिश्वर गाशी दारमदार असो।

1 कुरिन्थियों 12:6

अरह् शक्त्तिशाली काँम-काज़ भे बैजाऐ असो, परह् पंणमिश्वर ऐक ही असो, जू सोभी दा साँत्त-भाँता आप्णा असर पय्दा करह्।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

2 कुरिन्थियों 3:5

ऐजो ने के आँमें आपु-आप्खे ईन्दें ज़ूगै असो, के आप्णी ढबे शे कोसी बातो दा बिचार करी सको, परह् अमाँरी काबलिय्त्त पंण्मिश्वर की ढबे शी असो,

इफिसियों 1:11

तिनही दे तिनके पलान के मुँताबिक, जुण्जे आप्णी हिछ़्या के मुँताबिक संब-कुछ़ चलाँव, आँमों आगे ही तिन्ऐं चूणीं-छ़ाँटियों बाबा की जजाऐत्ती दे हंकदार बाँणें।

इफिसियों 1:5

तिन्ऐं प्यार के जाँणें आप्णी आच्छ़ी हिछ़या के मुँताबिक शुरू दो ही ढाणी थुओं थियों, के आँमों यीशू मसीया के जाँणें तिनके गोद लुऐ बैटे बंण्दे;

इफिसियों 1:9

किन्देंखे के तिन्ऐं आप्णी हिछ़या का भेद् तेसी भले हिछ़या के जाँणें आँमों कैई बुला, जेसी से मसीया के जाँणें आँमों कैई शा देखाणा चहाँव थिऐ।

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

2 थिस्सलुनीकियों 1:11

ईन्देंखे आँमें तुँओं खे सदा प्रार्थना भे करह्, के अमाँरा पंण्मिश्वर तुँओं ईयों बुलाट ज़ूगै सम्झो, अरह् भलाई की बादी हिछा अरह् बिश्वाष की बादे काँम-काज़ के शक्त्ति शी पुरी करह्,

2 तीमुथियुस 1:9

जिन्ऐं आँमों खे छ़ुट्कारा दिता, अरह् पबित्र बुलावे लंई बईदे, ऐष्णों अमाँरी काँम-काज़ के कारण ने हई; परह् तिनके ईरादे अरह् तेसी कृपा के मुँताबिक असो, जू मसीया यीशू के कारण ज़ूगौ-ज़ूगौ शा ऊँबा आँमों गाशी हुआ।

इब्रानियों 13:21

तुँऐं हर ऐक आच्छ़ी अरह् भली बातो खे साच्चै बणों, तिन्दे लई तुँऐं पंण्मिश्वर की हिछ़या पुरी करह्, अरह् जू कुछ तिनू आछो लागो, सेजो प्रभू यीशू मसीया के कारण आँमों दो पर्गट करह्, तिनकी ही बड़ियाऐ सदा ज़ूगौ-ज़ूगौ तोड़ी हंदी रंह्। आमीन।

1 पतरस 1:3

अमाँरे प्रभू यीशू मसीया के पंणमिश्वर अरह् परंम-पिता पंणमिश्वर का धन्यबाद हुआ चेंई, जिन्ऐं प्रभू यीशू मसीया मरे अंदे मुझ्शे पाछु ऊबे जियाल़्णों के जाँणे, आप्णी बैशुमाँर बड़ी दया-कृपा शे आँमों खे पाछ़ू ऊबे जीऊँदे भूर्षे खे नुवाँ जन्म दिता,