फिलिप्पियों 2:10 - Sirmouri

¹⁰ के जू स्वर्गो दे अरह् धर्ती दे अरह् पताल़ो दे असो, से बादे प्रभू यीशू के नाँव शे घुडकुँणिऐं नमंष्कार करह्;

सिरमौरी नौवाँ नियम

¹⁰ कै जू स्वर्ग दा औरौ धोरती पांदी औरौ धोरती तौड़ी औसौ; सै सौबै लोग यीशु कै नांव कै आदर दैणौ कारिए घुंडू नियुड़ाव,

फिलिप्पियों 2:10 ပူးပေါင်းရင်းမြစ်များ

मत्ती 12:40

ठीक जेष्णा ऋषी-योना च़ींन देसो अरह् च़ींन रात्ती बैजाऐ बड़ी माँछी के पैटो दा रूवा, तेष्णा ही आदमी का बैटा भे च़ींन देसो, च़ींन रात्ती धर्ती गाशी भूंम्मी थाँई माँटी मुँझी रंह्दा।

मत्ती 27:29

अरह् काँडे को ताज बुणियों यीशू के मुँढो गाशी थुओं, अरह् तेस्के सुऐं हाथों दो सुरवाँठ दितो, अरह् तेस्के साम्णें घुन्ढू नाँऐयों ठाठै खे कर्दे लागे, अरह् बुलो, “हे यहूदियों के राजा, नंमष्कार!”

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

रोमियों 11:4

परह् पंणमिश्वर कैई शा तेसी का जबाब भेटा? “मुँऐ आपु खे सात्त हजार मरोद् थऐ थुवे, जिन्ऐं बाअल देव के साम्णें घुढू ने नाँऐं थई।”

इफिसियों 1:10

पंण्मिश्वर का सेजा पलाण थिया के ठीक बख्त आँणों गाशी स्वर्गो की अरह् धर्ती गाशली बादी चींजो मसीया दी कंट्ठी करह्।

इफिसियों 3:14

हाँव ईन्दी के ताँईऐं तेसी परमं-पिता पंण्मिश्वर के साम्णें घुन्डू नुवाँऊ,

इफिसियों 4:9

(से ऊबे हुटे, अरह् ईन्देका मतल्व ऐजा असो; के से आगे धर्ती दे ऊँदे आऐ रूऐ थिऐ,

इब्रानियों 1:6

अरह् तबे से आप्णाँ जैठा बैटा संईसारी के सहाँम्णें हाजीर कर्दे बख्त्ते बुलो: “पंण्मिश्वर के बादे स्वर्गदूत्त तेस्खे लाँम्बे पसरियों प्रणाँम करह्।”

प्रकाशितवाक्य 20:13

समुँन्द्र ऐ सेजे मंरे अंदे हाजीर करे, जुण्दें तिन्दे समाँऐ रूऐ थिऐ; अरह् तबे मंऊँत्त अरह् अंधलोक ऐ भे सेजे लोग हाजीर करे, जुण्जे तिन्दे मँरी रूऐ थिऐ; अरह् तबे तिनू सोभी का ऐक-ऐक करियों तिनके कर्मों के मुँताबिक नियाँव करा गुवा।

प्रकाशितवाक्य 4:10

सेजे च़ौबीष अगुऐ सिंगाँस्हणों गाशी बईठणों वाल़े के सहाँम्णें लाँम्बे पसरियों, आप्णें-आप्णें ताज-मुँकुट तिनखे स्मर्पित करियों तिनकी आरार्धना करह्।

प्रकाशितवाक्य 5:3

परह् ना स्वर्गो दा अरह् ना धर्ती गाशी, अरह् ना कुँऐं धर्ती शा ऊदा पताल़ो दा, कुऐं भे ईयों कताबे खुल्णों ज़ूगा, अरह् ना ईयों कताबे दी नंजर-झ़ैठ पाँणों ज़ूगा निक्ल़ी।