फिलिप्पियों 1:8 - Sirmouri

⁸ ईदा पंण्मिश्वर मेरा गुवाह्-शाज़्त असो, के हाँव मसीया प्रभू यीशू का जिया प्यार करियों; हाँव तुँओं सोभी की हिछ़या करू।

सिरमौरी नौवाँ नियम

⁸ इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

फिलिप्पियों 1:8 ပူးပေါင်းရင်းမြစ်များ

लूका 1:78

ऐजो अमाँरे पंणमिश्वर की तियों बड़ी कृपा के कारण स्वर्गो शा आँमों गाशी प्रकाषमाँन हुवा।

रोमियों 1:9

पंणमिश्वर जिनकी सेवा हाँव आप्णें पुरे दिल शी तिनके बैटे की खुषख्बरी के बारे दी करू, से मेरे गुवाह्-शाज़्त असो, के हाँव तुँओं केष्णें हमेशा चिंतोंदा रंहू।

रोमियों 9:1

हाँव मसीया के नाँव शो साचो बुलू, झूठों ने बुल़्दा, अरह् मेरी अंन्त्तर-आत्त्मा भे पबित्र-आत्त्मा के जाँणें मुँखे बिश्वाष दियाँव,

2 कुरिन्थियों 13:9

जबे आँमें कंंमजोर असो, अरह् तुँऐं बलवाण असो, तअ आँमें आँन्दित्त-खुशी हों, अरह् ऐजी प्रार्थना भे करह्, के तुँऐं शुद्ध हऐ ज़ाँव।

2 कुरिन्थियों 6:12

तुँओं खे अमाँरे मंन दा किऐ खोट ने आथी, परह् तुवाँरे ही मंन दा खोट असो।

2 कुरिन्थियों 7:15

जबे तुँओं खे अज्ञाकारी हंणों को चित्ते आँव, के कैष्णें तुँऐं डर्दें अरह् काँम्लिन्दें तिनू आरी मेल-भेंट करी; तअ तैस्को पियार भे तिवाँरी ढबे बढ़दो ज़ाँव।

गलातियौं 1:20

हाँव पंण्मिश्वर हाजिर जाँणियों बुलू, के जू किऐं मुँऐं लिखी लुओं, तिन्दो किऐं भे झुठों ने आथी।

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

गलातियौं 4:19

हे मेरे नहाँन्ड़िया! जाँव तोड़ी तुँऐं मसीया का रूप जिया ने बणे, ताँव-तोड़ी मुँऐं सुणों की जेई पिड़ो सह्ऐ लई।

फिलिप्पियों 2:1

तअ: जे तुँओं मसीया के नाँव दा किऐ होंसला असो, अरह् प्यारो शी पय्दा हऐ अंदी किऐ ढैह्ट, अरह् पबित्र-आत्त्मा दी किऐ हिस्सेदारी अरह् प्यारो के किऐ भावना के हिछ़या,

फिलिप्पियों 2:26

किन्देंखे के तेस्का जीऊँ तुँओं सोभी दा लगा अंदा थिया, तबे ही से ऊदास रंह् थिया, किन्देंखे के तुँऐं तेस्की बीमारी का हाल-चाल शुँणाँ थिया।

फिलिप्पियों 4:1

ईन्देंखे हे मेरे प्यारे भाऐ-बईणों, जिंदा मेरा जिऊँ लागी रंह्, जू मेरा आनन्द, अरह् शीर का ताज असो, हे मेरे दोस्तो, प्रभू दे ऐष्णें ही अट्ल़ रंह्।

कुलुस्सियों 2:1

हाँव चहाऊँ के तुँऐं जाँणी पाव, के तुवाँरे अरह् तिनखे जुण्जे लौदीकिया नंगर दे असो, अरह् तिनू सोभिखे जिन्ऐं मुँह आँम्णें-सहाँम्णें ने देखी थई, के हाँव केष्णी मेंह्नत्त करू।

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

1 थिस्सलुनीकियों 2:5

किन्देंखे के तुँऐं जाँणोंऐं के आँमें ना तअ कद्दी चाप्पलुसी की बातो करह् थिऐ, अरह् ना लोभ-लाल़्च खे भाने बाँणों थिऐ, ईन्देका पंण्मिश्वर गुवाह्-शाज़्त्त असो;

1 थिस्सलुनीकियों 2:8

अरह् तैष्णी ही आँमें भे तुँवारी हिछ़या कर्दें ना सिर्फ पंण्मिश्वर की खुषख्बरी गाशी आप्णे-आप्णे प्राण भे तुँओं खे देणों खे तैयार थिऐ, ईन्देंखे के तुँऐं अमाँरे प्यारे ज़ाऐ रूऐ थिऐ।

2 तीमुथियुस 1:4

अरह् तुवाँरे आशुओं का शुज़ा करियों देसो रात्ती ताँव आरी भेंट-मिल कर्णो कि हिछ़या करू, के हाँव आनन्द-खुशी शा भरी ज़ाँऊ।

फिलेमोन 1:12

तैसी ही जू मतल्व मेरे काल़जे का टुक्ड़ा असो, मुँऐं तैसी ताँव कैई पाछू डियाल़ी थुवा।

फिलेमोन 1:20

हे भाऐ, ऐजा आँनन्द-खुशी मुँह प्रभू दी ताँव कैई शी भेंटी चेंई। मसीया दा मेरा जीऊँ हरा-भरा करी दे।

1 यूहन्ना 3:17

जे कोसी कैई संईसारी की जजाऐत हंदे भे आप्णें बिश्वाषी भाई-बंईणी की जरूरत के अंण दे:खी करह्; तअ कियों दाँई ऐजो बुलो ज़ाँदों के ऐस्दो पंण्मिश्वर को पियार असो?