फिलिप्पियों 1:21 - Sirmouri

²¹ किन्देंखे के मुँखे जीऊँदो रंहणों मसीया असो, अरह् मँरी ज़ाँणों लाभ असो।

सिरमौरी नौवाँ नियम

²¹ जिथुकै जै हांव जियुंदी रोऊं तौ ऐजौ मसीह कै आदर कारिए हौंदौ, औरौ जोबै हांव मौरे जोऊं तौ मुं कारिए ऐजौ आछौ हौंदौ जिथुकै हांव तोबै बै मसीह कै साथै रौंदा।

फिलिप्पियों 1:21 ပူးပေါင်းရင်းမြစ်များ

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

1 कुरिन्थियों 3:22

का पौलुस, का अपुल्लोस, का कैफा, का संईसारी, का जीवन, का मंरण, का ऐजो जू होंदो लागो, अरह् का सेजो जू हंणों वाल़ो असो; ऐजो सब-कुछ तुवाँरो असो,

2 कुरिन्थियों 5:1

किन्देंखे के आँमें जाँणों ऐ, के अमाँरो धर्ती गाशी डेरा जिया घर ऊदा ढाल़ी देईदा, तअ आँमों खे पंण्मिश्वर की ढबे शो ऐक ऐशो भवन स्वर्गो दो भेट्दो जू हाथो शो बंणाँव घर ने आथी, परह् हमेशा को घर असो।

2 कुरिन्थियों 5:6

तअ: आँमें सदा हिम्मत थंह्, अरह् ऐजो जाँणों ऐ, के जाँव तोड़ी आँमें नाँष बाँन देह्-शरीर दे रंह्, ताँव-तोड़ी प्रभू शे ज़ई असो;

2 कुरिन्थियों 5:8

ईन्देंखे आँमें हिम्मत्त थंह्, अरह् देह्-शरीर शे ज़ई रंऐयों, प्रभू आरी रंहणों आछ़ो जाँणों।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

गलातियौं 6:14

परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 1:22

परह् जे देह्-शरीर दो जीऊँदो रंहणों ही मेरी काँम-काज़ खे फाय्दे बंद असो, तअ हाँव ने जाँण्दा के का चूणु अरह् का छ़ाँटू।

फिलिप्पियों 1:23

किन्देंखे के हाँव दूई के बिचो दा अदमो दा लटकी रूआ, दिल तअ ऐशो चहाँव, के आप्णीं ऐजी देह्-शरीर छ़ुड़ियों ऐकदंम मसीया कैई ज़ाऊँ; किन्देंखे के ऐजो मुँखे बैजाऐ आछो असो।

फिलिप्पियों 2:21

किन्देंखे के बादे आप्णे-आप्णे मतल्व की खोज दे रंह्, ना के यीशू मसीया की खोज दे।

कुलुस्सियों 3:4

जबे मसीया जू अमाँरा जीवन असो से पर्गट हंदा; तबे तुँऐं भे तिनकी गईलो बड़ियाऐ आरी पर्गट करे ज़ाँदे।

प्रकाशितवाक्य 14:13

तबे मुँऐ स्वर्गो शी ऐजी धाव शुणीं, “लिख: भागोईत हंदें से मंरे अंदे, किन्देंखे के ऐबे तिनकी मंऊँत प्रभू दे हंदी,” ऐजो “साच्चो असो!” पबित्र-आत्त्मा बुलो, “होर, से आप्णी कष्टो-मेंह्नत शा बिषाँव कर्दे, किन्देखे के तिनके भले काँम-काज़ तिनकी ही गईलो असो।”