फिलिप्पियों 1:16 - Sirmouri

¹⁶ कुँऐं तअ ऐजो जाँणियों के मुँह खुषख्बरी देणों की जबाब खे चूणी थुवा, अरह् से प्यार शा प्रचार करह्।

सिरमौरी नौवाँ नियम

¹⁶ ऐजै लोग मुंआरी प्यार कौरणौ की बौजैह शै प्रचार कौरौ जिथुकै सै जाणौए कै मसीह कै बारै मुंजी सुसमाचार कै रक्षा कौरणौ कै बौजैह शै मुखै कोयदै दा पाए राए।

फिलिप्पियों 1:16 ပူးပေါင်းရင်းမြစ်များ

1 कुरिन्थियों 9:17

किन्देंखे के जे हाँव आप्णी हिछ़या शी खुषख्बरी प्रचार करू, तअ मुँह तिन्दे का प्रत्तिफल़ भेट्दा; अरह् जे हाँव आप्णी हिछ़या शा प्रचार ने करदा, तबे भे ऐजी मेरी जुमेंबारी असो।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

फिलिप्पियों 1:12

हे भाऐ-बईणों, हाँव चहाऊँ के तुँऐं ऐजो जाँणी पाव के मुँह गाशी जू बिती रंऐ, तिन्दे लई खुषख्बरी की ही बड़ोत्री हऐ रंऐ।

फिलिप्पियों 1:5

ईन्देंखे के तुँऐं आगले देसो शे ऊबे ऐतलो तोड़ी खुषख्बरी देणों खे अमाँरें साथी असो।

फिलिप्पियों 1:7

ठीक असो, के हाँव तुँओं सोभिखे ऐष्णा ही सोंच-बिचार करू, किन्देंखे के तुँऐं मेरे सासो दे बसी रूऐ; अरह् मेरी कय्दी दे अरह् खुषख्बरी खे जबाब अरह् नंतीजा देणों खे तुँऐं बाद्दे झुणे मेरी गईलो पंण्मिश्वर की कृपा के साथी असो।

फिलिप्पियों 2:22

परह् तेसी तअ तुँऐं परख-अजमाँणों अरह् जाँणी थुवा, के जेष्णो बैटा बाबा की गऐलो करह् तैष्णों ही तेने खुषख्बरी फईलाँणों खे मेरी गईलो मेंह्नत करी थंऐ।

फिलिप्पियों 4:15

हे फिलिप्पियों, तुँऐं आपु भे जाँणोंऐं के खुषख्बरी के प्रचार के शुरू दे जबे हाँव मकिदुनिया शा बिदा हुआ, तबे तुँओं छुड़ियों ओकी कोसी भी कलीसिया शी मुँखे किऐ भे मंद्दत्त-साय्ता ने भेटी।

फिलिप्पियों 4:3

हे साच्चै साथी, हाँव तुँओं खे भे ढाल-अरज करू, के तिनू तिरंई की साय्ता करह्, किन्देंखे के तिन्ऐं मेरी गईलो खुषख्बरी फईलाँणों खे, भाऐ-क्लेमेंस अरह् मेरे ओके साथी, समेंत मेंह्नत करी थऐ, जिनके नाँव जीवन की कताबे दे लिखे अंदें असो।