फिलेमोन 1:9 - Sirmouri

⁹ तबे भे हाँव पियार शी ताँव्खे ढाल-अरज कर्णी जादा आछो जाँणू, हाँव पौलुस जू ऐबे बुड़ी रूवा, अचकालिऐं प्रभू यीशू मसीया के ताँईऐं कय्दी दा असो,

फिलेमोन 1:9 ပူးပေါင်းရင်းမြစ်များ

रोमियों 12:1

ईन्देखे हे भाऐ बंईणों हाँव तुँओं कैई शी पंणमिश्वर कि दया-रंय्म कृपा चींत्ते कराऐयों, ढाल-अरज करू के आप्णी देह्-शरीर जींऊँदें, पबित्र, पंणमिश्वर खे भाव्णों वाल़ी बल़ी-कुरबाँणीं देऐयों चढ़ाव। ऐजी ही तुँवारी आत्त्मिक सेवा असो।

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

इफिसियों 3:1

ईन्दीखे हाँव पौलुस जू तुँओं गऐर यहूदी की भलाई की ताँईऐं मसीया यीशू दा कय्दी असो,

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 6:20

जिन्देकी ताँईऐं हाँव शाँगल़ी दा हिड़कऐयों अंदा राजदूत्त असो; अरह् ऐजो भे के मुँह तिनके बारे दो जेष्णों बुल्णों पड़ो, हाँव तेष्णों ही दिड़्-हिम्मत्त करियों बुली सकू।

1 तीमुथियुस 1:12

हाँव आप्णे प्रभू मसीया का जिन्ऐं मुँखे शक्त्ति देऐ थऐ, धन्यबाद करू, के तिन्ऐ मुँह बिश्वाष ज़ूगा सम्झियों आप्णी सेंवा कर्णो वाल़ा बाँणा।

तीतुस 2:2

मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

इब्रानियों 13:19

हाँव तुवों खे खास करियों ढाल-अरज करू, के तुँऐं प्रार्थना करिया करह्, के हाँव तुँओं कैई शी शीघी भेंट मील करी सकू।

1 पतरस 2:11

हे प्यारों, हाँव तुँओं शी अरज करू के तुँऐं आपु खे प्रदेशी अरह् मुसाफर जाँणियों ईयों संईसारी की बुरी हिछ़या शे दुर्के रूऐ; जू तुँवारी आत्त्मा आरी ज़ूद्ध करह्।