मरकुस 9:47 - Sirmouri

⁴⁷ जे तेरी आँख ताँव कैई शो पाप कराँव तअ तियों ऊँडी गाड़, किन्देंखे के काँणा हऐयों पंणमिश्वर के राज्य दो ज़ाँणों ताँव्खे भलो असो, जू कद्दी ऐशो ने हईयों के ताँव दूई आ:खिऐं नंर्को दा ने पाऐ देंई।

सिरमौरी नौवाँ नियम

⁴⁷ जै तैरै आख तांव लैई पाप कौरांव तौ तियौं निकाल़ै दै। काणा हौयौ पौरमेशवर कै राज्य दो जाणौ ताखै इदु ठीक औसौ कै दु आखी हौंदै बैई बै नरको दा फेराकाए जांव।

मरकुस 9:47 ပူးပေါင်းရင်းမြစ်များ

मत्ती 18:9

जे तेरी आँ:ख ताँव्खे पाप कराँणों का कारण बंणों; तअ तियों ऊडी गाड़ियों, फेरकाऐ दे; काँणा बणियों, अमर-जीवन दो दाखिल हंणों ताँव्खे भलो असो, किन्देखे के कद्दी ऐशो ने हईयों के ताँव दुई, आ:खिऐं भे नंरक की प्रचंन्ड आगी, दा ने पाऐ देंई।”

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मरकुस 9:43

जे तेरा हाथ ताँव कैई शो पाप कराँव, तअ तेसी काटी दे, किन्देंखे के तेसी दुई हाथे नंर्को दो ज़ाणों पड़ो; तअ तेस्खे ऐजो आछो असो, के तू टूडा हऐयों ऐसी जीवन शा स्वर्गो दा हुटे, किन्देंखे के नंर्को के आग कद्दी ने हिष्दी,

मरकुस 9:46

(जेथै ना तअ नंरक का किड़ा कद्दी मरदा, अरह् ना तेथै के आग कंद्दी भे हिष्दी।)

लूका 14:26

“जे कुँऐं मुँह पाछ़ी आऐयों मेरा चैला बंण्णों चहाँव तअ तेसी, आप्णें माँ-बाबा, घरवाल़ी, अलाद, भाऐ-बंईणों, अरह् ऐतै तोड़ी के आप्णी जीयाँन-प्राण भे निष्टे ने करी दियों तअ से मेरा चैला ने हऐ सक्दा।

यूहन्ना 3:3

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँणिंऐ पंण्मिश्वर की तरफ़ शा जन्म ने लों; ताँव तोड़ी से पंण्मिश्वर को राज्य ने देखी सक्दा।”

यूहन्ना 3:5

प्रभू यीशू ऐ तेस्खे जबाब दिता, के “हाँव ताँव्खे ऐक खास बात बुलू; के जाँव तोड़ी कुँऐं आदमी पाँणी अरह् आत्त्मा शा जन्म ने लंह्दा, ताँव-तोड़ी से पंण्मिश्वर के राज्य दा हाजिर ने हऐ सक्दा।

गलातियौं 4:15

तअ तबे तुँवारी सेजी खुशी मंनाँणी केथै गऐ? हाँव तुवाँरा गुवाह्-शाज़्त असो; के जे हऐ सको, तअ तुँऐं आप्णी आँ:खी भे मुँखे गाड़ियों ऊँडी देंदे।