मरकुस 9:43 - Sirmouri

⁴³ जे तेरा हाथ ताँव कैई शो पाप कराँव, तअ तेसी काटी दे, किन्देंखे के तेसी दुई हाथे नंर्को दो ज़ाणों पड़ो; तअ तेस्खे ऐजो आछो असो, के तू टूडा हऐयों ऐसी जीवन शा स्वर्गो दा हुटे, किन्देंखे के नंर्को के आग कद्दी ने हिष्दी,

सिरमौरी नौवाँ नियम

⁴³ पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तुऐं आपणा ऐक हाथ काटै लौआ, जू कै तुऔं लैई पाप कौरांव। पौरौ तुऔं खै ऐजौ ठीक औसौ कै तुऐं दुईनै हाथ हौयौ बै नरको दै जाणौ शै स्वर्ग दै टुंडै हौयौ जालै।

मरकुस 9:43 ပူးပေါင်းရင်းမြစ်များ

मत्ती 17:27

तबे भे ऐष्णों हुओं ने चेंई, के से आँमों शे निंराज हों; झील, दे ज़ाव, अरह् जुण्जी माँच्छ़ी तुँऐं आगे थाँम्बड़ो तियारो मुँह खुलो, अरह् तियाँरे मुँहों दा तुओं ऐक सिक्का भेट्दा सेजा ही सिक्का तुँऐं मेरी अरह् आप्णी ढबे शा तिन्खे कंण-माँमंले के रूप दा दिऐ।”

मत्ती 25:41

“तबे राजा आप्णें डेरे ढबे के लोगों खे टाटी नाँऐयों बुल़्ला, ‘मुँह कैई शे दुर्के ज़ाव, श्रापित्त लोग! हमेशा के नंरक की आगी दे ज़ाव, जुण्जी शैतान अरह् तेस्के दूत्तों खे आगे ही तियार असो।

मत्ती 3:12

तिनको शूपो तिनके हाथो दो असो, अरह् से आप्णा खह्ल़ा खह्ल़ियाँन सुवों पुणीं-कारोऐयों साफ कर्दें, अरह् आप्णें गींऊँ कुठारी दे कठे कर्दें, परह् भुस तियों आगी दो जल़ादें जू हिष्णों वाल़ी ने आथी।”

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मरकुस 9:44

(जेथै नंर्को का किड़ा कद्दी ने मरदा, अरह् ना तेथै के आग कद्दी भे हिष्दी)

लूका 14:13

परह् जबे तू भोज खाँणा दिऐं, तअ कंगाल-गरीब, टूण्डे, लगड़े, अरह् शैड़े बईदे।

लूका 14:21

तेने दास ऐ आप्णे माँलिक कैई आऐयों ऐजी बादी बातो आगू बुली, तबे घरह् के माँलिक दा रोष आया, अरह् तैने घीपियों आप्णे दास खे बुलो; के ‘हेभी नंगर के बईजारो अरह् गल़ियों दे ज़ाऐयों, कंगाल-गरीब, टूण्डे, लंग्ड़े, अरह् शैड़े ईथै बऐदियों आँणों।’

लूका 3:17

तिन को शुपौ तिन के हाथो दो असो, से आप्णा खल़ा-खल़्यान सुओं करियों कारोंदे, अरह् गींऊँ तअ कुठारी दे थंह्दे, अरह् भूस तियों आगी दो पाऐ देंदे जुण्जी कद्दी ने हिष्दी।”

रोमियों 8:13

किन्देंखे के जे तुँऐं पाप के सुभाव के मुँताबिक देसो काट्ले तअ जरूर मर्ले, परह् जे पबित्र-आत्त्मा के जाँणें आप्णें पाप वाल़े सुभाव आप्णे बष दा थंले तअ तुँऐं जीऊँदें रंह्ले।

1 कुरिन्थियों 9:27

परह् हाँव आप्णी देह्-शरीर खे कष्ट देऐयों तियों आप्णें बष दी थंऊँ; के कोदी ऐशो ने हईयों के हाँव ओकी खे प्रचार करियों अरह् आपु तेसी प्रचारो के प्रत्तिफल़ शा बाँईडा ने होऊँ।

गलातियौं 5:24

अरह् जू प्रभू यीशू मसीया के असो, तिन्ऐ देह्-शरीर की बुरी हिछा, अरह् तिन्दें के शोक, समेत शुँल़ी-फ़ाँशी चढ़ाऐ पाँव।

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

1 पतरस 2:1

ईन्देंखे बादी साँत्त-भाँत्ती बुराई अरह् बईर भाव, छल़-कप्ट, जल़्ण-डाह्, अरह् नीदया-चुगली आपु शी दुर्की करह्,