मरकुस 9:42 - Sirmouri

⁴² “जुण्जा कुँऐं ईनू नहाँन्ड़िया मुँझ्षा शा जिन्ऐं मुँह गाशी बिश्वाष करी थुवा, ईनू कसी खे भे ढैस-ठोकंर पाप का कारण बंणों, तअ तेस्खे ऐजो भलो हंदो के ऐक बड़ी चाक्की का पाट तेस्की टाटी दा बानियों तेसी संमुन्द्रो दा पाईदा।

सिरमौरी नौवाँ नियम

⁴² जै कुणिए इनु नानड़ै लोगौ मुंजी शै जू मुं पांदी बिशवाश कौरौ, औरौ तैसकै पाप कौराणौ कै बौजैह बौणौ तैसी कारिए आछौ हौल़ौ कै ऐक बौड़ै चाकी का पाथर तैसकै टाटु दा टांगै दैंई औरौ तैसी समुन्द्र दा पाए दैंई, जिथुकै तैसीकै ऐजै बुरै सौजा औसौ। पौरौ पौरमेशवर तैसीखै इदै बै बुरै सौजा दैला।

मरकुस 9:42 ပူးပေါင်းရင်းမြစ်များ

मत्ती 17:27

तबे भे ऐष्णों हुओं ने चेंई, के से आँमों शे निंराज हों; झील, दे ज़ाव, अरह् जुण्जी माँच्छ़ी तुँऐं आगे थाँम्बड़ो तियारो मुँह खुलो, अरह् तियाँरे मुँहों दा तुओं ऐक सिक्का भेट्दा सेजा ही सिक्का तुँऐं मेरी अरह् आप्णी ढबे शा तिन्खे कंण-माँमंले के रूप दा दिऐ।”

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 18:6

“जुण्जा कुँऐं ईनू बालक खे जुण्जे मुँदा बिश्वाष करह्, ढोकर-ढैस का कारण बंणों, तेस्खे ठीक आछ़ो ऐजो हंदों, के तेस्की टाटी-गल़े दा ऐक चाक्की का पाट लटकाऐयों तेसी संमुन्द्रों की गईराई दा डुबाँऐ देईदा।

प्रेरितो कै काम 9:4

तबे से धनियों धर्त्ती गाशी पड़ा, अरह् तेने ऐक धाव शुँणीं; के मुँखे कुँणिऐं किऐ बुली लो, “शाऊल! शाऊल! तुऐं मुँह कैई स्ताऐ लुवा?”

रोमियों 14:13

तअ: हजो खे आँमें ओका ओकी कसूरबार ने बाँणों; अरह् तुँऐं ऐजो जाँणी पाँव के कुँऐं आप्णें भाऐ के बंईणीं के साम्णें ढैस-ठोकर का कारण ने बंणें।

रोमियों 15:21

परह् जेष्णों पबित्र-ग्रन्थों दो लिखी थो, तैष्णों ही हों, “जिन कैई तिनकी खुषख्बरी ने पऊँची रंई, सेजे ही देख्ले अरह् जिन्ऐं शुँणी ने थई सेजे ही संमझो।”

रोमियों 16:17

ऐबे हे भाऐ बंईणों, हाँव तुँओं खे ढाल-अरज करू के जू लोग तियों शिक्क्षा के बिरूध असो, जुण्जी तुँओं भेटी रंई, फूट पाँणों खे अरह् ढैस-ठूकर का कारण बंणों, तिनू ताड़ी पाव, अरह् तिन्शे दुर्के रूऐ।

2 कुरिन्थियों 6:3

आँमें कोसी भी बातो दी ढेस-ठूकर लागणों का मुक्का ने देंदे, जू अमाँरी सेवा दा किऐ दोष-ईल़जाम ने लागो।

फिलिप्पियों 1:10

ऐथे तोड़ी के तुँऐं आच्छ़ी शी आच्छ़ी बातो प्यारी जाँणो, अरह् मसीया के देसो तोड़ी साच्चै अरह् बै-कसूर बणे अँदें रंह् अरह् तुऐं ढैस-ठूकर ने खाँव,

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

2 पतरस 2:2

भहीते लोग तिनकी जैष्णी चाप्लुसी कर्ले, जिनके जाँणें सच्चाई के बाटो की नींदिया करी ज़ाली।