मरकुस 9:32 - Sirmouri

³² परह् सेजी बात चैले के बै-सम्झी गऐ, अरह् से सेजो प्रभू यीशू कैई शो पुँछ़णों शे डरह् थिऐ।

सिरमौरी नौवाँ नियम

³² पौरौ ऐजी बात चैलै कै सौमझ दी ना ऐई, औरौ सै तैसी कैईंदु पूछणो शै डौरौ थिए।

मरकुस 9:32 ပူးပေါင်းရင်းမြစ်များ

मरकुस 16:14

तबे प्रभू यीशू मसीया तिनू गियारंह् चैले कैई शे भे दे:खाई पड़े, जुण्जे तैख्णों खाँणा खाँदे बऐठी रूऐ थिऐ, अरह् तिन्ऐं चैले के बै-बिश्वाष अरह् मंन की कुठूरता हठाँवणें पंण की मुँरूख्ता अरह् कुठोर मंन के कारण सम्झाऐं किन्देंखे के जिन्ऐं प्रभू यीशू मसीया दे:खे भे थिऐ; तिनका भे तिन्ऐ बिश्वाष ने करी।

मरकुस 7:18

प्रभू यीशू ऐ तिनखे बुलो, “कियो तुँऐं ऐत्रें ज़ंगोर असो? कियो तुँऐं भे ऐष्णे बै-सम्झ असो? ऐजो सम्झो दे ने, के जुण्जी चीज आदमी खाँव से तिन्दे के जाँणें अशुद्ध ने हंदी?

मरकुस 8:33

परह् प्रभू यीशू तेख्णी पाछू फिरीयों चैले संत्त-पतरस की ढबे दे:खियों झिंड़कियों तेस्खे बुलो, “ओ शैतान, मेरी साम्णें शा दूरका ज़ा; किन्देंखे की तू पंणमिश्वर की बातो गाशी ने, परह् आदमी की बातो दा आप्णा मंन लाऐं।”

मरकुस 9:10

अरह् चैले ऐ सेजी बात चींत्ते थऐ; अरह् आपु मुँझी भंऐस कर्दें लागे, के “मरे अंदे मुँझ्षा जीऊँदा हंदा, ईन्देका का मतल्व असो?”

लूका 18:34

परह् सैजी बातो तिनू खास-चैले के सम्झ दी ने आई; जुण्जी बातो तिन कैई बुली थी; सेजी बादी बातो तिन शी छ़ुप्पी रंई।

लूका 2:50

परह् जुण्जी बातो तेने टंड्कै ऐं आप्णें माँ-बाबा शी करी सेजी तिनके संम्झ दी ने आई।

लूका 24:45

तबे प्रभू यीशू ऐ तिनू चैले के ज्ञान-बुद्धी खोली दिती, के ऐ पबित्र-ग्रन्थ संहम्झी पाँव।

लूका 9:45

परह् चैले के सेजी बात सम्झ दे ने आई, अरह् सेजी बात तिन के सम्झ शी बाऐर थी; अरह् सेजै चैले तियों बात पुछ़्णों शे प्रभू यीशू दे डरह् थिऐ।

यूहन्ना 12:16

तिनके चैले तेख्णों तअ ऐजो संह्म्झी ने रंई थी, परह् जबे प्रभू यीशू के बड़ियाऐ हंदे देखी, तअ तिनके ऐजो सब च़ीत्ते आव; के पबित्र-ग्रन्थों दो ऐजो सब-कुछ़ तिन हीं के बारे दो लिखो गुओं थियों; अरह् लोगो की तियों बड़ी भीड़ ऐ सब-कुछ़ बचन के मुँताबिक ही कोरो थियों।

यूहन्ना 16:19

प्रभू यीशू ऐजो जाँणों थिऐ, के ऐ मुँह कैई शो किऐ पुछ़णों चहाँव, तबे: तिन्ऐं बुलो; “तुऐं आपु मुँझी मेरे ऐशे बुल्णों के मतल्व गाशी का सोंच-बिचार करी लुवा, ‘किऐ बख्त्तो पाछ़ी तुऐं मुँह ने देख्ले; अरह् हजो किऐ बख्त्तो पाछ़ी तुऐं मुँह हजो देख्ले?’

यूहन्ना 4:27

तेतिऐ खे प्रभू यीशू के चैले तेथै पाछू आऐं; अरह् जेई चैले ऐं प्रभू यीशू ऐकी तिरंई की गईलो बातो कर्दे देखे, तैई तिनके तोरंबाँणच़ूटें; अरह् तिन्ऐं बुलो, “तुवाँरे का चैंई?” अरह् “तुऐं ईयों तिरंई आरी का बात करी लंऐ?”