मरकुस 9:31 - Sirmouri

³¹ किन्देंखे के प्रभू यीशू आप्णे चैले खे शिक्क्षा देंदे बुलो थिऐ, के “आदमी का बैटा, आदमी के हाथे थँम्ब्ड़ाया ज़ाँदा, अरह् से तेसी मारी देले; अरह् से हजो च़ीज़े का ऊबा जीऊँदा।”

सिरमौरी नौवाँ नियम

³¹ जिथुकै यीशु आपणै चैलै खै साथी जादा वकत बितायेबा तिनुकै शिखाणौ चांव थिया। औरौ तिनुखै बौल़ौ थिया, “हांव आदमी का बैटा, बौयरै कै हाथौ लैई थोम्बाया जांदा, औरौ ऐजै लोग मुखै मारै दैंदै; औरौ हांव मौरणौ कै ती दूसौ कै बाद हौजौ जियुंदा हौए जोऊंबा।”

मरकुस 9:31 ပူးပေါင်းရင်းမြစ်များ

मत्ती 16:21

तेसी बख्तो शुभें प्रभू यीशू आप्णे चैले खे बुल्दे लागे, “जरूर असो, के हाँव यरूशलेम खे ज़ाऊँ, अरह् यहूदी लोगो के ठगड़े अरह् प्रधान-याजकों, अरह् यहूदी-निय्म के शिखाँणों वाल़े के हाथे बैजाऐ भहिते दु:ख पाऊँ; अरह् मारा ज़ाऊँ; अरह् च़ीज़े का ऊबा जीऊँ।”

मत्ती 20:28

ठीक तेष्णा के आदमी का बैटा; ईथै ईन्देंखे ने आई, के आप्णीं सेवा कराँव; परह् से ईन्देखे आया, के सेवा करह्, अरह् भहिते लोग छुड़ोणों की ताईऐ आप्णा जीवन पराँण भे बल़ीदाँण करी दियों।”

मत्ती 26:2

“तुँऐं जाँणों के दू देसो पाछ़ी फ़सह को तियार असो, अरह् आदमी का बैटा शुँल़ी-फ़ाँशी चढ़ाणों खे थंम्बड़ाया ज़ादा।”

मत्ती 27:63

“महाँ-राजा, अमाँरें चींत्ते असो, के तेसी दुरंताणों भरमाणों वाल़े, ऐ जबे से जीऊँदा थिया, तअ से बुलो थियों, ‘हाँव च़ींन देसो पाछ़ी ऊबा जींऊँबा।’

मरकुस 10:34

से तेसी ठाठे खे कर्ले, तेंस्दो थूक्ले, से तेसी चाँम्बड़े की बैड़ी लई मारले जियों बैड़ी दे कींल लागे अंदे हले, अरह् तेसी जीयाँनिऐं मार्दे, परह् से च़ीज़े का ऊबा जिऊँदा।”

मरकुस 8:31

तबे प्रभू यीशू मसीया तिनू कैई शो ऐजो शिखाँदे लागे, के ऐजो जरूरी असो, के आदमी का बैटा बैजाऐ दु:ख भोग्दे, अरह् यहूदी लोगो के ठग्ड़ै, प्रधान-याजकों, अरह् यहूदी-निय्म, शिखाणों वाल़े, तिनू छुटे बाँण्ले, अरह् तेस्की हंत्त्या करी देले, अरह् से च़ींन देसो पाछी मरे अंदे मुँझ शे जीऊँदे हले।

मरकुस 9:12

प्रभू यीशू ऐ तिनखे जबाब दिता, “ऋषी-एलिय्याह सत्तिखे आगे आऐयों बादो सुवाँरीं देंदा, परह् आदमी के बैटे के बारे दो ऐजो कैई लिखी थो, के से बैजाऐ दु:ख भोग्दा, अरह् छूटा माँना ज़ाला?

लूका 24:26

कियों जरूरी थी ने, के मसीया ऐजा बादा दु:ख्ह भूगों, अरह् ऐषी ही दाँई आप्णी बड़ियाई लंई दाखिल हंदें?”

लूका 9:44

“तुँऐं लोग ऐजी बात काँन लाऐयों शुणों! आदमी का बैटा आदमी के हाथै थंम्बड़ाया ज़ाँदा।”

यूहन्ना 10:18

कुँऐ भे मेरी जीयाँन-प्राण मुँह कैई शी आगु ने करी-द्ड़ी सक्दा, परह् मुँऐ आप्णीं जियाँन-प्राँण आप्णीं ही हिछ़या शे भेंट करी लऐं, अरह् मुँखे हजों आप्णीं जीयाँन-प्राण पाँछ़ू लणों का हंक-अधिकार भे बाबा ऐ आपु ही देऐ थुवा; जुण्जा के मुँह बाबा की ही तरफ़ शा भेटी रूवा।”

यूहन्ना 2:19

प्रभू यीशू ऐ तिनखे जबाब दिता, “ईयों देऊँठी ढाल़ी दियों, अरह् हाँव ईयों देऊँठी च़ीज़े के हजो पाछ़ू खह्ड़ी करियों देखाँऊबा।”

यूहन्ना 3:14

अरह् जेष्णाँ ऋषी-मूसा ऐ जाँगल़ों दा शंगाव ऊगला टाँगा थिया, तेष्णाँ ही आदमी का बैटा भे ऊँबा ऊगल़ा टाँगंणाँ जरूरी ही असो।

2 तीमुथियुस 2:12

जे आँमें दु:ख्ह सबैर माँरियों संह्दे भे रंऊँबे: तअ तिनकी गईलो आँमें राज भे जरूर कर्दे; जे आँमें तिनू छुड़ी देऊँबे, तअ से भे आँमों छुड़ी देंदे।