मरकुस 9:25 - Sirmouri

²⁵ जबे प्रभू यीशू ऐ दे:खो, के लोगे बिच़ड़ियों भीड़ लाऐ लऐ, तअ तियों नींच दुष्ट-आत्त्मा ऐशी बुलियों झाड़ी, “ओ गूँगी अरह् जाईरीं दुष्ट-आत्त्मा, हाँव ताँव्खे अज्ञाँ देऊँ ऐस शी निक्ल़ी ज़ा, अरह् ऐस्दे हजो कद्दी ने आऐं।”

सिरमौरी नौवाँ नियम

²⁵ जोबै यीशुए दैखौ, कै लोगै हौजौ बै दौड़-दौड़ैबा जादा भीड़ कौठी कोरी लोए, तौ तैणै दुष्टआत्मा खै ऐजौ बौलेबा ताडै़, “ओए रै गुंगी औरौ जायरै कौरणौवाल़ै दुष्टआत्मा, हांव ताखै हुकम दियु, तैसी पौरैशै निकल़ै जा, औरौ तैसदै कौलोंई बै पाछु नी आया।”

मरकुस 9:25 ပူးပေါင်းရင်းမြစ်များ

मत्ती 12:22

तबे लोगे ऐक शैड़ा-गूँगा जेस्दी दुष्ट-आत्त्मा थी, प्रभू यीशू कैई आँणा; अरह् तिन्ऐ तेसी आछा करा, अरह् से बुल्दा अरह् दे:ख्दा लागा।

मत्ती 17:18

तबे प्रभू ऐ दुष्ट-आत्त्मा फीटकारी, अरह् से तेसी बालक शी नीकल़ी गऐ, अरह् तबे सेजा टंन्डका तेख्णी तियों ही घड़ी आछा हुआ।

मरकुस 9:15

प्रभू यीशू मसीया ऐ दे:ख्दे ही लोगो के तोंरंबाणच़ूंटे, अरह् बादे लोग बिच़ड़ियों नमंष्कार कर्दे प्रभू की ढबे आऐ।

मरकुस 9:24

बालको के बाबा ऐ तैख्णी प्रभू के हाथे-लात्तें पड़ियों बुलो, “हे प्रभू हाँव बिश्वाष करू, मेरे बै-बिश्वाष का किऐ ऊपाया करह्।”

मरकुस 9:26

तबे सेजी नींच दुष्ट-आत्त्मा लेरंह् मारियों तेसी टंड्के च़ुड़ी-मुछियों, तेस शी आगू निक्ल़ी, अरह् सेजा टडंका अदमंरा जिया हुआ, ऐत्रे ज़ूगा के कंई लोगे बुलो, ऐ मरी गुवा।

लूका 11:14

तबे प्रभू यीशू ऐ ऐकी आदमी शी गूँगी दुष्ट-आत्त्मा आगु गाड़ी, अरह् तियों दुष्ट-आत्त्मा आगु ज़ाँदें, ही सेजा आदमी तैख्णी बुल्दा लागा, अरह् लोगो के तूरंबाणच़ूटे।

लूका 4:35

तबे प्रभू यीशू तैस्खे खाशिऐ अरह् बुलो, “चुप्पी रंह् अरह् ऐस्का पीण्डा छुड़ियों निक्ल़ी ज़ा!” तबे सेजी बिच्की-आत्त्मा ऐ सेजा आदमी बिचो ठाँई पट्का, परह् तैस्के किऐ ने गई, अरह् सेजी बिच्की-आत्त्मा तैच़्छी आगू हुटी।

लूका 4:41

अरह् सेजी दुष्ट-आत्त्मा लेल्याँदू अरह् ऐजो बुलियों के “तुँऐं पंण्मिश्वर का बैटा असो” भहुते लोगो शी दुष्ट-आत्त्मा नीकल़ी, परह् प्रभू यीशू तिनू किऐ फिट्को थिऐ, अरह् बुल्णों ने दियों थिऐ, किन्देंखे के सेजी दुष्ट-आत्त्मा जाँणों थी, के ऐजा ही मसीया असो।

लूका 8:29

किन्देंखे के प्रभू यीशू ऐं तियों दुष्ट-आत्त्मा खे तैसी आदमी शी आगू ज़ाणों के अज्ञाँ देऐ लऐ थी, किन्देंखे के सेजी दुष्ट-आत्त्मा तैसी आदमी दी बार-बार प्रचंन्ड हों थी, अरह् लोग तैसी आदमी आप्णी बष दा कर्णों खे शाँगल़ी अरह् हड़ी-बैड़ी लई बाँनों थिऐ, परह् से तिन्दें के भे च़ूड़ियों रिन्डै-रिन्डै बाँणों थिया, अरह् सैजी दुष्ट-आत्त्मा तैसी आदमी खाल़ै-नाँल़ै दा नींयों थी।

लूका 9:42

सेजा टंड्का नंजीक आँदा ही लागा थिया, के तिऐं दुष्ट-आत्त्मा ऐ तैसी थाँम्बड़ियों धनियों पट्कियों मूँछ़ा-मंरोड़ा, तबे प्रभू यीशू ऐ तियों बिच्की-आत्त्मा डाँटी-झाड़ी अरह् तैसी टंड्का चाँग्गा करियों तैस्की बाबा कैई दिता।

प्रेरितो कै काम 16:18

से बैजाऐ देसो तोड़ी तेष्णों ही कर्दी रंऐ; अरह् संत्त-पौलुस तिदा दुखी हुआ, अरह् तेने पाछू फीरियों तियों दुष्ट-आत्त्मा खे बुलो, “हाँव ताँव्खे यीशू मसीया के नाँव शी अज्ञाँ देऊँ, के ईयों शी निक्ल़ी ज़ा” अरह् से तियों शी तेख्णी नीकल़ी गऐ।

यहूदा 1:9

प्रधान स्वर्गदूत्त मीकाईल ऐ, जबे शैतान शो ऋषी-मूसा की मुँड़्दे-मींत्तके के बारे दे बाद-बिबाद करा, तअ तैस्खे बुरो-भलो बुलियों बैएज्ता ने करी, परह् तैस्खे सिर्फ ऐती बुलो, “पंण्मिश्वर ही ताँव खे फिट्कारा देले।”