मरकुस 9:20 - Sirmouri

²⁰ तबे तिन्ऐ तेसी प्रभू यीशू कैई आँणा: अरह् जैई प्रभू ऐ तेसी दे:खा, तैई तेख्णी तियों गूँगी दुष्ट-आत्त्मा ऐ तेसी च़ूड़ी मुँछ़ियों अकेड़ा; अरह् से धनियों पुँड़ा रीड़ा, अरह् तेस्के ज़ात्ति-मुँह शी शैफो लागी, अरह् से धनियों धर्ती गाशी पट्की-पट्कियों अरह् रीड़ीं-रीड़ियों हुटा।

सिरमौरी नौवाँ नियम

²⁰ तोबै तिनुऐ तैसी तैसकै धोरे लियोऊवा। औरौ जोबै दुष्टआत्माएं यीशु खै दैखा, तौ दुष्टआत्माएं तौलोंई तैसी भैईया कै जोमीनो दा पोटकै दिया, औरौ तैसकै मुँओं बाटी शेपो निकल़दी लागी औरौ सै धैनै पुंडा पुलंटिदा लागा।

मरकुस 9:20 ပူးပေါင်းရင်းမြစ်များ

मरकुस 1:26

तबे सेजी दुष्ट-आत्त्मा तेसी आदमी च़ुड़ी मुंछियों अरह् जुराल़ी लेरंह्-च़ाँडों मारियों तेच्छ़ीं निक्ल़ी गऐ;

मरकुस 9:18

किन्देंखे के जबे सेजी गूँगी आत्त्मा ऐस्दी पिच़राल़ी ज़ाँव, तअ ऐसी थाँम्बड़ियों से पंट्की-पंट्कियों लाँव, अरह् ऐस्के ज़ात्ति-मुँहों शी शैफो लागो, अरह् ऐ दाँदो च़ाक्दे दन्दकिलो बईठाल़ों, ऐसी मुँऐ तुओं कैई आँणा थिया, परह् तुवाँरे चैले कैई ईयों दुष्ट-आत्त्मा गाड़णों की ढाल-अरज करी थी, परह् ऐ गाड़ी ने सकी।”

मरकुस 9:19

ऐजो शुणियों, प्रभू यीशू ऐ तिनखे जबाब देऐयों बुलो, “ओ बै-बिश्वाषी लोगो, हाँव कबे तोड़ी तुँवारी गईलो रंह्ऊँबा? अरह् कबे तोड़ी तुँवारी सऐन करूबा? ऐसी मुँह कैई आँणों।”

मरकुस 9:21

प्रभू यीशू ऐ तेस्के बाबा कैई शो पुछो, “ऐस्कि ऐजी दषा कबे-शुभे असो?” तेने बुलो होंदणू शी ऊबी ऐजी ही दषा असो।

मरकुस 9:26

तबे सेजी नींच दुष्ट-आत्त्मा लेरंह् मारियों तेसी टंड्के च़ुड़ी-मुछियों, तेस शी आगू निक्ल़ी, अरह् सेजा टडंका अदमंरा जिया हुआ, ऐत्रे ज़ूगा के कंई लोगे बुलो, ऐ मरी गुवा।

लूका 4:35

तबे प्रभू यीशू तैस्खे खाशिऐ अरह् बुलो, “चुप्पी रंह् अरह् ऐस्का पीण्डा छुड़ियों निक्ल़ी ज़ा!” तबे सेजी बिच्की-आत्त्मा ऐ सेजा आदमी बिचो ठाँई पट्का, परह् तैस्के किऐ ने गई, अरह् सेजी बिच्की-आत्त्मा तैच़्छी आगू हुटी।

लूका 8:29

किन्देंखे के प्रभू यीशू ऐं तियों दुष्ट-आत्त्मा खे तैसी आदमी शी आगू ज़ाणों के अज्ञाँ देऐ लऐ थी, किन्देंखे के सेजी दुष्ट-आत्त्मा तैसी आदमी दी बार-बार प्रचंन्ड हों थी, अरह् लोग तैसी आदमी आप्णी बष दा कर्णों खे शाँगल़ी अरह् हड़ी-बैड़ी लई बाँनों थिऐ, परह् से तिन्दें के भे च़ूड़ियों रिन्डै-रिन्डै बाँणों थिया, अरह् सैजी दुष्ट-आत्त्मा तैसी आदमी खाल़ै-नाँल़ै दा नींयों थी।

लूका 9:39

ऐस्दी ऐक दुष्ट-आत्त्मा संमाँव, जिन्दें लई ऐ ऐक-दंम लेल्लयादा लागो, अरह् सैजी दुष्ट-आत्त्मा ऐसी ऐशा मूछ़ौ-अकैड़ो के ऐस्के मुँह्-ज़ात्ती शी शैफ़ो लागो; सैजी दुष्ट-आत्त्मा ऐस्की चोंरी करो, अरह् ऐसी बड़ी मुष्किल शा छ़ूड़ो।

लूका 9:42

सेजा टंड्का नंजीक आँदा ही लागा थिया, के तिऐं दुष्ट-आत्त्मा ऐ तैसी थाँम्बड़ियों धनियों पट्कियों मूँछ़ा-मंरोड़ा, तबे प्रभू यीशू ऐ तियों बिच्की-आत्त्मा डाँटी-झाड़ी अरह् तैसी टंड्का चाँग्गा करियों तैस्की बाबा कैई दिता।

यूहन्ना 8:44

तुऐं आप्णें बाबा शैतान के असो, अरह् तुऐं आप्णें बाबा के हिछ़या पुरी कर्णी चहाँव; से शुरू शा ही ऊँबा हत्त्यारा असो। अरह् से सच्चाई का हिस्सा कंद्दी ने बंणीं, किन्देंखे के तेस्दी सच्चाऐ ने आथी; किन्देंखे के जबे भे से झुठो बुलो, तअ से आप्णें ही सभाव के कारण बुलो; किन्देंखे के से झुठा, अरह् झुठे का बाबा असो।

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।