मरकुस 9:17 - Sirmouri

¹⁷ लोगों की भीड़ो मुँझ शा ऐकी ऐ जबाब दिता, “हे गुरू जी! मुँऐ आप्णा बैटा जेस्दी गूँगी दुष्ट-आत्त्मा समाऐ रंऐ, तेसी आँमें तुँओं कैई आँणा थिया।

सिरमौरी नौवाँ नियम

¹⁷ भीड़ौ मुंजीदा ऐकीए तैसीखै जोवाब दिया, “ओए रै गुरु, मोऐं आपणा बैटा तैरै धोरे लाए राए, जैसदै ऐक दुष्टआत्मा औसौ, जिंए तैसीकै गुंगा कौरे राखा।

मरकुस 9:17 ပူးပေါင်းရင်းမြစ်များ

मत्ती 12:22

तबे लोगे ऐक शैड़ा-गूँगा जेस्दी दुष्ट-आत्त्मा थी, प्रभू यीशू कैई आँणा; अरह् तिन्ऐ तेसी आछा करा, अरह् से बुल्दा अरह् दे:ख्दा लागा।

मत्ती 17:15

“हे प्रभू, मेरे बैटे गाशी दया-रंय्म करह्! किन्देखे के ऐस्दी मिर्गीं असो, अरह् ऐस्के बैगैही तंक्लिफ हों; अरह् ऐ बार-बार आगी मुँझी, अरह् बार-बार पाँणी मुँझी पड़दा रंह्।

मत्ती 9:32

जबे प्रभू यीशू बाँईडे ज़ाँदे लागे थिऐ, तअ दे:खो, लोगे ऐक गूँगा जुण्जा दुष्ट-आत्त्मा का च़ूड़ा अंदा थिया तेसी तेथै तिन कैई आँणा;

मरकुस 10:13

तबे लोगे आप्णे नहाँन्ड़िया प्रभू यीशू कैई आँणें, के प्रभू आप्णा हाथ ईन गाशी थँऐयों ईनखे आशिर्बाद दियों, परह् चैले तिनू लोग डाँटो-झाड़ो थिऐ।

मरकुस 5:23

अरह् ऐजो बुलियों, प्रभू यीशू खे बैजाऐ ढल्याँदा लागा, के “मेरी बेटी अलाचार दु:खिया असो, जू मंर्दी लागी: तुँऐं मेरी गईलो चालो, अरह् तियों गाशी आप्णा हाथ थंह् जू से बंची ज़ाँव, अरह् जीवदी रंह्।”

मरकुस 7:26

से यूनानी अरह् सुरूफिनीकी गऐर यहूदी थी, तिऐं प्रभू यीशू शी बिनती करी; के मेरी बेटी शी दुष्ट-आत्त्मा निकाल़ी दियो।

मरकुस 9:16

प्रभू यीशू मसीया ऐ तिन कैई शो पुछो, “तुँऐं ईनकी गईलो, का भंऐस करी लऐ थी?”

मरकुस 9:18

किन्देंखे के जबे सेजी गूँगी आत्त्मा ऐस्दी पिच़राल़ी ज़ाँव, तअ ऐसी थाँम्बड़ियों से पंट्की-पंट्कियों लाँव, अरह् ऐस्के ज़ात्ति-मुँहों शी शैफो लागो, अरह् ऐ दाँदो च़ाक्दे दन्दकिलो बईठाल़ों, ऐसी मुँऐ तुओं कैई आँणा थिया, परह् तुवाँरे चैले कैई ईयों दुष्ट-आत्त्मा गाड़णों की ढाल-अरज करी थी, परह् ऐ गाड़ी ने सकी।”

मरकुस 9:25

जबे प्रभू यीशू ऐ दे:खो, के लोगे बिच़ड़ियों भीड़ लाऐ लऐ, तअ तियों नींच दुष्ट-आत्त्मा ऐशी बुलियों झाड़ी, “ओ गूँगी अरह् जाईरीं दुष्ट-आत्त्मा, हाँव ताँव्खे अज्ञाँ देऊँ ऐस शी निक्ल़ी ज़ा, अरह् ऐस्दे हजो कद्दी ने आऐं।”

लूका 11:14

तबे प्रभू यीशू ऐ ऐकी आदमी शी गूँगी दुष्ट-आत्त्मा आगु गाड़ी, अरह् तियों दुष्ट-आत्त्मा आगु ज़ाँदें, ही सेजा आदमी तैख्णी बुल्दा लागा, अरह् लोगो के तूरंबाणच़ूटे।

लूका 9:38

तियों लोगो की बड़ी भीडो मुँझ्शो ऐकी आदमी ऐं लेल्याऐयों बुलो, “हे गुरू जी! मेरी तुँओं शी ऐजी बिनत्ती असो; के तुऐं मेरे बैटे गाशी आप्णी कृपा के नंजर पाव; किन्देंखे के मेरे ऐके बैटा असो।

यूहन्ना 4:47

जबे तेने हाकम ऐ ऐजो शुँणों, के प्रभू यीशू यहूदा प्रदेश शे गलील ईलाके दे आऐ रूऐ; तअ से तिन कैई भेंट करदा आया, अरह् प्रभू यीशू ढह्लयाँदा लागा, के तुँऐं मेरी गंईलो चालियों मेरा बैटा चाँग्गा करह्: किन्देंखे के से मंर्णों वाल़ा असो।