मरकुस 8:38 - Sirmouri

³⁸ जुण्जा कुँऐं ईयो नाँष बाँन अरह् पाप वाल़े ज़ूंग दा मुँह अरह् मेरे बचन दा सरमाँऐं ज़ाव तेस्खे आदमी का बैटा भे जबे आप्णें पिता की बड़ियाई दा पबित्र स्वर्गदूत्त की गईलो आला, तअ से भे तेसी मानणों दा सरमाँऐं ज़ाँदा।”

सिरमौरी नौवाँ नियम

³⁸ जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

मरकुस 8:38 ပူးပေါင်းရင်းမြစ်များ

मत्ती 12:39

तिनिऐं तिनखे जबाब दिता, “ऐसी ज़ुगौ के बूरे धोखे बाज लोग चींन-चंम्त्तकार जुवों, परह् बरंम्बाँणी कर्णो वाल़े ऋषी-योना की जीवन दो जू किऐ हुओं, तियों चींन-नीशाँणी के सुवाऐ ओकी कुँण्जी भे चींन-नीशाँणी ईनखे देऐ ने ज़ाँदी।”

मत्ती 13:41

आदमी का बैटा आप्णें स्वर्गदूत्त डियाल़्दा, अरह् से तेसी राज्य के नाँष कर्णो के कारण अरह् कू-कर्म कर्णो वाल़े कठै करला,

मत्ती 16:27

आदमी का बैटा आप्णे पिता की बड़ियाऐ दे आप्णें स्वर्गदूत्त की गईलो आला, तबे से ऐक नाँम आदमी खे तिनके काँम-काज के मुताबिक प्रतिफल़ देले।”

मत्ती 16:28

“हाँव तुओं खे खास बात बुलू, के ईथे कुछ लोग असो, जुण्जे ताँव-तोड़ी मंऊँत्ती का सुवाद ने चाख्दी, मतल्व ताँव-तोड़ी ने मंर्दीं जाँव तोड़ी आदमी का बैटा तेसके राज्य दा तेसी राज कर्दे ने दे:खो।”

मत्ती 16:4

ऐसी ज़ुगौ के धोखे बाज लोग चींन-चंम्त्तकार जुह्ओं, परह् ऋषी-योना की जीवन दे जुण्जें चींन-चंम्त्तकार करे गुऐं, तिन्दें के सुवाऐ इन कैई शे ओके किऐं भे चींन-चंम्त्तकार ने दिऐ ज़ाँदे।” अरह् से तिनू छुड़ियों आगू हुटे।

मत्ती 24:30

“तबे आदमी के बैटे के चींन-नीशाँणी अस्माँनों दी दे:खाई पड़ली, अरह् तबे धर्ती के सब कुल़ों के लोग छ़ाँतीं-हिकुड़े पिटले; अरह् आदमी का बैटा बड़ी शक्त्ति अरह् ठाट-बाट आरी अस्माँनों के बाद्ल़ो गाशी आँदे देख्ले।

मत्ती 25:31

“जबे आदमी का बैटा आप्णी बड़ियाऐ आरी आला, अरह् बादे स्वर्गदूत्त तेसी आरी आले, तअ से आप्णी बड़ियाऐं के सिंगास्हणं गाशी बईठला।

मत्ती 26:64

प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 8:20

प्रभू यीशू ऐ तेस्खे बुलो, “सीयाल़ी के भे ढूऐं, अरह् अस्माँनों के चोचेटू-चड़कुले के भे कोलों हों; परह् आदमी के बैटे के मुँढो घुसर्णों खे भे जागा ने आथी।”

मरकुस 13:26

“तबे लोग आदमी का बैटा शक्त्ति अरह् बड़ियाई आरी बाद्ल़ो गाशी आँदे दे:ख्ले।

मरकुस 14:62

प्रभू यीशू मसीया ऐ बुलो, “होर, हाँव ही असो! तुँऐं आदमी का बैटा सर्वशंक्त्तिमान के सोऐं ढबे बईठा अंदा अरह् असमाँनों शा बाद्ल़ो मुँझी आँदे दे:ख्ले।”

मरकुस 8:37

आदमी आप्णे जीवन प्राण के बरा-बरी किदे आरी करह्?

लूका 19:26

‘तेने माँलिक ऐं बुलो, हाव तुँओं खे ऐशो बुलू, के जैस कैई आगे भे असो, तैस्खे हजो भे दियो ज़ादो; अरह् जैस कैई आगे भे किऐ ने आथी, तैस कैई शो सेजो भे ऊँडो कर्दो जुण्जो तैस कैई असो ऐ।

लूका 9:26

जू कुँऐ मुँदा अरह् मेरी बातो दा सरमाला, तैसी ‘आदमी का बैटा’ भे, जबे आप्णी अरह् आप्णे परंम-पिता पंण्मिश्वर के अरह् पबित्र-स्वर्गदूत्तो के बड़ियाऐं आरी आला तअ तैस्दा से भे तेथै सरमाई ज़ाँदा।

यूहन्ना 1:14

बचन देह्-धारी हुवा, तेने अमाँरे बीच डेरा पाया; कृपा अरह् संच्चाई शा भर-पुर हंऐयों, आँमें तेस्की ऐशी बंड़ियाऐ देंखी; जेष्णीं पंण्मिश्वर के ऐक्लोत्ते बैटे की बड़ियाऐ हों।

यूहन्ना 1:51

प्रभू यीशू ऐ तेस्खे बुलो, “हाँव तुओं खे खास बात बुलू: तुऐं स्वर्ग खुलो अंदो, अरह् पंण्मिश्वर के स्वर्गदूत्त आदमी के बैटे गाशी ऊँदे आँदें, अरह् ऊँबे ज़ाँदे देख्ले।”

यूहन्ना 12:34

तबे ईन्दें गाशी लोगे ऐं प्रभू यीशू खे जबाब दिता, के “आँमें अज्ञाँ-निय्म दी ऐजी बातो शुँणीं थंई, के मसीया संदा रंह्दा; तबे तुँऐं कैई बुलो, के आदमी का बैटा ऊगला टाँगणा जरूरी असो? परह् ऐजा आदमी का बैटा कुँण असो?”

यूहन्ना 5:27

अरह् तेस्खे आदमी का बैटा हंणों के कारण नियाँव कर्णो का भे हंक-अधिकार देऐ थुवा।

प्रेरितो कै काम 10:22

तिन्ऐं ऐजा जबाब दिता, “सुबेदार कुरनेलियुस जुण्जा धर्मी, अरह् प्रभू! का भगत्त, अरह् पंण्मिश्वर का डर-भय माँनणों वाल़ा असो; अरह् तेस्का बादे यहूदी लोग, भे आदर-ईज्जत्त करह्, अरह् तेस्खे ऐक पबित्र स्वर्गदूत्त ऐं अज्ञाँ देऐ थंऐ; के से तुओं आप्णें कागी बंईदो, अरह् से तुओं कैई शे बचन की खुषख्बरी शुँणों।”

प्रेरितो कै काम 5:41

खास-चैले आँन्दित्त-खुशी हऐयों तियों बड़ी खुम्ल़ी के च़ौत्रें शे आगु हुटे, के आँमों प्रभू यीशू के नाँम शे बै-ईज्त्ते करे गुऐ; ईन्देंखे आँमें बै-जाऐ भागोंईत्त असो!

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

गलातियौं 6:14

परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

1 थिस्सलुनीकियों 2:19

तुँऐं बुलो, अमाँरा भूर्षा के खुशी के बड़ियाऐ को मुँकुट का असो? कियों अमाँरे प्रभू यीशू के सहाँम्णें तिन के आँणों के बंख्त्ते तुऐ हंदी ने?

1 थिस्सलुनीकियों 3:13

जू से तुवाँरा मंन ऐशा पाक्का करह्, के जबे अमाँरा प्रभू यीशू आप्णे पबित्र लोगो आरी आँव, तअ से अमाँरे पंण्मिश्वर अरह् पिता के सहाँम्णें पबित्रता दे नीर्दोष-बंणों।

2 तीमुथियुस 1:12

ऐजा ही कारण असो, के हाँव दु:ख्ह भे संऐन करू, परह् तिन्दा हाँव सरमाँदा ने आथी; किन्देंखे के हाँव ऐजो जाँणू ऐं के मुँऐ कंस्दा बिश्वाष करी थुवा, अरह् मेरे ऐजी पुरी ढैठ असो, के से तेसी देसो तोड़ी मेरी रंक्षा पुरी कर्णों ज़ूगै शक्त्ति शाली असो।

2 तीमुथियुस 1:16

भाई-उनेसिफुरूस के घराने गाशी प्रभू दया-रंय्म करह्, किन्देंखे के तेने कई बई मेरे जीयों दी शैल़ाऐ पाड़ी थऐ, किन्देंखे के से मुँह्दा तबे भे सरमाई ने जबे हाँव कय्दी दा थिया।

2 तीमुथियुस 1:8

ईन्देंखे अमाँरे प्रभू के गुवाऐ-शाज़्त्त शे, अरह् मुँह शी जू तिनका कय्दी असो; सरमाऐं ने, परह् तेसी पंण्मिश्वर की शक्त्ति के मुँताबिक शी खुषख्बरी खे मेरी गईलो दु:ख्ह भोगणों खे मेरी गंईलो शामिल हऐ ज़ाव।

इब्रानियों 11:16

परह् से तअ ऐक आच्छ़े आप्णें देश, मंतल्व स्वर्गो की खोज़ दे लागे अंदे थिऐ; ईन्देंखे के पंण्मिश्वर तिनू लोगों का पंण्मिश्वर बुल्णों गाशी तिन्दा संरमाँन्दा ने; किन्देखे के तिन्ऐ तअ तिनू लोगों खे ऐक नंगर बंणाँऐ थुओं थियों।

इब्रानियों 11:26

तेस्की नंजरी दे मसीया की ताँईऐं संह्ई गंई शर्मिन्दगी, मिस्र देश के धंन-खाजाँनें शी भे जादा किमम्त्ति थी; किन्देंखे के तेस्की नंजर जीवन दी आँणों वाल़े ईनाँम गाशी लागी अंदी थी।

इब्रानियों 13:13

ईन्देंखे आँमें भे तिनकी बैस्ती का भार झेल्बै अरह् थागुबै, जाँगी शे बाईडे दाँई तिन कैई चालो,

याकूब 4:4

ओ कू-कर्मी बिगड़े अंदे लोगो, कियों तुँऐं जाँण्दें ने, के संईसारी शी मित्रता कर्णी, पंणमिश्वर आरी बईर कर्णो असो? अरह् जुण्जा कुँऐं संईसारी का मित्र-दोस्त्त बंण्णा चाँव; से आपु आप्खे पंमिश्वर का बऐरी बाँणों।

1 यूहन्ना 2:23

जुण्जा कुँऐं बैटे को ने माँन्दा, तैस कैई स्वर्गो का पिता भे आथी ने: परह् जुण्जा कुँऐं बैटे को माँनी पाँव, तैस कैई स्वर्गो का पिता भे असो ऐ।

1 यूहन्ना 2:28

हे प्यारे नहाँन्ड़िया, तिन्दी पाक्के बंणें अंदे अट्ल़ रूऐ, के जबे प्रभू पर्गट हों, तअ आँमें निडर हुऐ चेंई, अरह् तिनके आँव्णों गाशी आँमें शर्मिन्दें ने हुऐ चेंई।

प्रकाशितवाक्य 14:10

सेजे भे पंण्मिश्वर के रोष, के सूर पीला, जुण्जी पंण्मिश्वर के रोष के बैलूवें दी पाऐ गऐ थी, तेसी पबित्र-स्वर्गदूत्तो, अरह् छ़ैल़्टे के सहाँम्णें आग, अरह् गंन्धक की गईरी बैद्णीं दे पाऐ ज़ाले।