मरकुस 8:35 - Sirmouri

³⁵ किन्देंखे के जुण्जा कुँऐं आप्णा जीवन बंचाँव, से तेसी गुवाल़ा; परह् जुण्जा कुँऐं मेरे अरह् खुषख्बरी की ताँईऐं आप्णें प्राण गुवाऐं देला से आप्णा जीवन बचादा।

सिरमौरी नौवाँ नियम

³⁵ जिथु जू कुणिए इयौं धोरती पांदी आपणै जिन्दगी बौचाणौ कै कौचिश कौरला, सै हमैशा कै जिन्दगी गवांए दैला, पौरौ जू कुणिए मुं पांदी बिशवाश कौरणै औरौ सुसमाचार प्रचार कौरणौ कै बौजैह आपणै जिन्दगी गंवाला, सै स्वर्ग दै हमैशा खै जिन्दगी पाला।

मरकुस 8:35 ပူးပေါင်းရင်းမြစ်များ

मत्ती 10:22

मेरे नाँव के कारण बादे लोग तुँवारी गईलो बईर कर्लें, परह् जुण्जा आखरी तोड़ी धीरज-सबेर थंह्ला, तेस्खे ही मुँक्त्ति भेट्ली।

मत्ती 10:39

जो अप्णे प्राण बंचाव, से तिनू गुवाऐं देंदा; अरह् जुण्जा मेरे कारण आप्णा प्राण गुवाँव, से तेसी पाला।”

मत्ती 16:25

किन्देखे के जुण्जा कुँऐं आप्णी जियाँन-पराण बंचाणीं चहाँव, से अमर-जीवन गुवाँदा; अरह् जुण्जा कुँऐं मेरी ताँईऐं आप्णा पराण-जीयाँन गुवाल़ा से अमर-जीवन पाँदा।

मत्ती 19:29

ऐक नाँम जेने कुँणिऐं मेरी ताँईऐं जीवन दो किऐ छुड़ी थुओं, किऐ भे, घर, के भाऐ, बऐणीं, के माँ, बाबा, के नहाँन्ड़िया, के जीम्मी, जजाऐत छुड़ी थऐ, तेसी ईनू सोभी मुझी कंई गुणा, भेंट्दो; अरह् से अमर-जीन का बारिस हंदा।

मरकुस 8:36

का फाय्दा असो, के आदमी खे बादी संईसारी को राज भेंट्लो; अरह् से आप्णी जीवन प्राण का नुकसाँन करला?

लूका 17:33

जुण्जा कुँऐं आप्णी जीयाँन-प्राण बंचाँणें चहाँव, से आप्णी जीयाँन-प्राँण गुवाँला; अरह् जुण्जा कुँऐं आप्णी जीयाँन-प्राण गुवाँला से आप्णी जीयाँन-प्राण बंचाला।

लूका 9:24

किन्देंखे के जू कुँऐं आप्णी जीयाँन बचाँणी चहाला, से तियों जीयाँन गवाँला; परह् जुण्जा कुँऐं मेरी ताँईऐ आप्णी जीयाँन गवाँला, सेजा ही आप्णी जीयाँन बंचाला।

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

प्रेरितो कै काम 21:13

ईन्दे गाशी संत्त-पौलुस ऐ जबाब दिता, “तुँऐं लोगे तअ रूऐ-रूऐयों मेरा दिल च़ूड़ी लुवा, अरह् ऐजो बुलियों? हाँव प्रभू यीशू के नाँव के कारण यरूशलेम दा बाँनणों शा ने, परह् मंर्णो खे बे तैयार असो।”

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

1 कुरिन्थियों 9:23

हाँव ऐजो सब-कुछ खुषख्बरी की ताँईऐं करू, के ओकी आरी भे खुषख्बरी का हिस्सेदार बंणी ज़ाऊँ।

2 कुरिन्थियों 12:10

ईन्देखे हाँव मसीया खे कंमजूरी दा, अरह् निदया दा, अरह् गरीबी दा, अरह् हारकुँण्जी दा, अरह् संकटो-असाँनीं दा खुशी असो; किन्देंखे के जबे हाँव कंंमजोर हंऊँ, तबे ही हाँव बलवाँन बंणू।

2 तीमुथियुस 1:8

ईन्देंखे अमाँरे प्रभू के गुवाऐ-शाज़्त्त शे, अरह् मुँह शी जू तिनका कय्दी असो; सरमाऐं ने, परह् तेसी पंण्मिश्वर की शक्त्ति के मुँताबिक शी खुषख्बरी खे मेरी गईलो दु:ख्ह भोगणों खे मेरी गंईलो शामिल हऐ ज़ाव।

इब्रानियों 11:35

तिरंईयों खे आप्णे मँरे अंदे दुज़ाल़िऐं पाछ़ु जीऊँदे भेटे, अरह् किऐ लोग ओके थिऐ, जुण्जे कंष्ट-दुख्ह संह्ऐयों मँरी गुऐ, अरह् तिन्ऐ ईन्देखे छ़ुट्कारा ने माँनीं, के तिन खे खास दुज़ालिऐ पाछू ऊँबो जिऊँजों भेंटी सको।

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 7:14

मुँऐ तैस्खे बुलो: “हे श्री माँन, ऐजो तअ तुँऐं जाँणों।” तेने मुँखे बुलो, “ऐजे सेजे असो, जू बड़े कल़ेष मुँझ शे नींक्ल़ियों आऐ रूऐ; ईनू लोगे आप्णे-आप्णे खोट्णों छ़ैल़्टे के लह्ऊँ लई धुईयों चींट्टे बाँणीं थुऐ।