मरकुस 8:22 - Sirmouri

²² प्रभू यीशू अरह् चैले बैतसैदा दे आऐ, अरह् लोगे ऐक शैड़ा तिन कैई लियाऐया, अरह् ढाल-अरज करी के ऐसी छुवों।

सिरमौरी नौवाँ नियम

²² तोबै यीशु औरौ तैसकै चैलै बैतसैदा शहर दै ओऊवे; औरौ लोगै ऐकी आन्धै खै तैसकै धोरे लियोऊवा औरौ तैसी कैईंदी बिन्ती कौरे कै तैसीखै छुंयो ठीक कौरो।

मरकुस 8:22 ပူးပေါင်းရင်းမြစ်များ

मत्ती 11:21

“फींटकारा असो, खुराजीन! नंगर के लोगो गाशी, अरह् फींटकारा असो, बैतसैदा! नंगर गाशी, जेथै ऐत्रे चींन-चंम्त्तकार करे गुऐ; अरह् जे सेजे ही चींन-चंम्त्तकार सूर अरह् सैदा दे करे ज़ाँदे, तअ से टाटो लई मेंठियों अरह् खेऊँड़ों गाशी बऐठियों आप्णा मंन बंद्ल़्दे।

मत्ती 14:36

तबे तेथै के लोग प्रभू यीशू खे ढालो-बिनती कर्दे लागे, के तुँऐं ईनू बीमार लोग आप्णें चोगै का पाला ही छूणों दियो; अरह् जै-तोड़े लोगे ऐ प्रभू यीशू छ़ूऐं, ते-तोड़े लोग चाँगे हऐ गुऐ।

मत्ती 8:15

प्रभू यीशू ऐ तियारा हाथ छुवा, अरह् तियाँरा ठोंह्-ऐकाँन्द्रा तेख्णी च़ूटा, अरह् से बींऊँजियों तिनकी सेवा भगत्त कर्दी लागी।

मत्ती 8:3

प्रभू यीशू ऐ तेसी आप्णें हाथे छूवाँ, अरह् बुलो, “हाँव चहाऊँ के तू शुद्ध हऐ ज़ाऐं।” अरह् से तेख्णी कोढ़ शा शुद्ध हुआ।

मत्ती 9:29

तबे प्रभू यीशू ऐ तिनकी आँ:खी छ़ूऐंयों बुलो, “तुवाँरे बिश्वाष के मुताबिक तुँओं आरी ऐष्णों ही हों।”

मरकुस 2:3

लोगे ऐक अदरंगो का दु:खिया चौऊँ आदमी ऐ लूह्थों दा टीपियों प्रभू यीशू कैई आँणा।

मरकुस 3:10

प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया।

मरकुस 6:45

तैख्णी ही मसीया ऐ आप्णे चैले जूँरें नाँव गाशी बंईठाल़ियों झील शे पाँडे पाईले ढबे खे डियाल़े जेथै खे बैतसैदा बुली तेथै पंईचणों खे बिदा करे, अरह् तिन्ऐं आपु लोगों के भीड़ बिदा करी लऐ थी।

लूका 10:13

“श्राँप-फीट्कारा असो खुराजीन खे! श्राँप-फींटकारा असो, बैतसैदा! खे किन्देंखे के जुण्जे शक्त्तिशाली काँम-काज़ तुँओं मुँझी हऐ; जे सेजी ही काँम-काज़ सूर, अरह् सैदा, दे करी ज़ादी; तअ ऐजो बादो सूर, अरह् सैदा, टाट-बुरी लई मेठियों दु:खो के मारे खेऊड़ो गाशी बऐठियों कद्दी ऐत्तलो खे मंन बद्ल़ी देंदे।

लूका 9:10

तबे प्रभू यीशू के सेजै खास-चैले पाछ़ू आऐ, करह् सेजो जू कुछ़ तिन्ऐ करो थियों सेजो सब-कुछ़ प्रभू यीशू कैई आगू बुलो; तबे: प्रभू यीशू ऐ तिनू आप्णी गईलो बेतसैदा नंगर की ढबै नींऐ, अरह् से बादे कैथी ऐकाँन्त्त दे हुटे।

यूहन्ना 1:44

फिलिप्पुस, बेतसैदा नंगर का रंहणों वाल़ा थिया; अरह् तेथै के ही अन्द्रियास अरह् पतरस भे थिऐ।

यूहन्ना 12:21

तिन्ऐ गलील ईलाके के बैतसैदा का रंहणों वाल़ा, फ़िलिप्पुस कैई आऐयों ऐजी अरज करी; के “हे, श्रीमान! आँमें प्रभू यीशू कैई शी भेंट कर्णी चहाँव।”