मरकुस 7:34 - Sirmouri

³⁴ अरह् स्वर्गो के ढबे दे:खियों, शुष्कार भरा, अरह् तेस्खे बुलो, “इप्फतह”! मतल्व “खुल ज़ा।”

सिरमौरी नौवाँ नियम

³⁴ औरौ स्वर्ग कै ढौबौ दैखैयो शुशकार भोरा, औरौ तैसी आदमी खै बौल़ौ, “इप्फतह!” यानी “खोले जा!”

मरकुस 7:34 ပူးပေါင်းရင်းမြစ်များ

मरकुस 1:41

प्रभू यीशू के तेसी आदमी की घिणों-असेरोह् लागी, अरह् तेस गाशी तरष करियों आप्णे हाथो लई छुँऐयों बुलो, “हाँव चहाँऊ के तू चाँगा हऐ ज़ाऐं।”

मरकुस 15:34

देसो ऊछाँणें आरी प्रभू यीशू ऐ जुराल़ो बुलो, “एलोई, एलोई, लमा शबक्त्तनी?” जिन्दे का मतल्व ऐजा असो, “हे मेरे पंणमिश्वर! हे मेरे पंणमिश्वर! तुँऐं मुँह कैई छुड़ी दिता?”

मरकुस 5:41

अरह् प्रभू यीशू ऐ तियों धियाँन्टी का हाथ थाँम्ब्ड़ा अरह् बुलो, “तलीता कूंमीं”! जिन्दे का मतल्व असो, “ओ धियाँण्टी मुँऐ ताँव खे बुली लो, के ऊबी बिऊँज”।

मरकुस 6:41

तबे प्रभू यीशू ऐ पाँच रोटी अरह् दो माँछी करी, अरह् स्वर्गो की ढबे दे:खियों धन्यबाद करा, अरह् तबे सेजी रोटी च़ोड़ियों आप्णें चैले कैई देंदे गुवे, के लोगों की भीड़ खे बाँडदे ज़ाव, तिन्दे आरी तिन्ऐं माछी भी बाँडी दिती।

मरकुस 7:35

तेस्के काँन खुली गुऐ, अरह् तेस्के जीबो की गाँठ भे खुली गऐ, अरह् से साफ-सुथंरा बुल्दा लागा।

मरकुस 8:12

प्रभू यीशू ऐ आप्णी पबित्र-आत्त्मा शो जाँणी पाओ, अरह् शुष्कार छुड़ियों बुलो, “ऐसी ज़ुगौ के लोग चींन-चम्तकार कैई जूवों? हाँव तुँओं खे खास बात बुलू, के ऐसी ज़ुगौ के लोगो खे किऐ चींन-चम्तकार ने दिऐ ज़ाँदे।”

लूका 18:42

प्रभू यीशू ऐ तैस्खे बुलो, “दे:ख्दा लाग: तेरे बिश्वाषे ताँव भला-चाँग्गा करी दिता।”

लूका 19:41

जबे प्रभू यीशू यरूशलेम नंगर के नंजीक पंईचे, तअ तैसी नंगर दे:खियों ऐजो बुलियों रूदे लागे।

लूका 7:14

अरह् नंजीक आऐयों प्रभू यीशू ऐं तियों आर्थी छ़ुई; तबै तियों आर्थी दे काँनों लाँणों वाल़े खड़े हुऐ; अरह् प्रभू यीशू ऐं बुलो, “हे जवाँन! हाँव ताँव खे बुलू, बीऊँज!”

यूहन्ना 11:33

प्रभू यीशू मरियम अरह् तियाँरी गईलो आऐं अंदें यहूदी लोग रूँदे देखियों, से आत्त्मा दे बैजाऐ ऊदास अरह् ब्याकुल हुऐ, अरह् लाँम्बी साँस लंऐयों तिन्ऐं शुष्कार छ़ुड़ा।

यूहन्ना 11:35

प्रभू यीशू भे रूँऐ गुऐ।

यूहन्ना 11:38

प्रभू यीशू ऐ हजो गह्ऐरी साँस लऐ, अरह् से तिनकी गईलो खात्ती-कबर गाशी आऐ; अरह् सेजी खात्त-कबर ऐकी ऊराड़ो दी खुणीं अंदी थी, जिन्दें के मुँहों गाशी ऐक बड़ा पाथर लाया अंदा थिया।

यूहन्ना 11:41

ईन्दे गाशी लोगे ऐ सेजा पाथर आगु गाड़ा। तबे प्रभू यीशू ऐ आप्णी आखी ऊबी स्वर्गो की ढबै देखियों बुलो, “हे, बाबा! हाँव तेरा धन्यबाद करू; के तुऐं मेरी प्रार्थना शुँणीं पाऐ।

यूहन्ना 11:43

ऐजो बुलियों, प्रभू यीशू ऐ जुराल़ो बुलो, “ओ, लाज़र! बाँईडा आ!”

यूहन्ना 17:1

प्रभू यीशू ऐं ऐजी बादी बातो जबे बुली पाई, तअ तिन्ऐ आप्णीं आखी अगाषों की ढबै लाऐयों बुलो; “हे बाबा, सेजी घड़ी आऐ पुझ़ी, ऐबे आप्णें बैटे की बड़ियाऐ करह्; जू बैटा भे तुवाँरी बड़ियाऐ करी सको।

प्रेरितो कै काम 9:34

संत्त-पतरस ऐ तेस्खे बुलो, “हे एनियास! यीशू मसीया ऐ ताँव चाँग्गा करी लुवा; बीऊँज अरह् आप्णा बिछ़ाँव्णा आपु ठीक करह्,” तबे से तेख्णीं ऊबा बींऊँजियों खड़ा हुआ।

प्रेरितो कै काम 9:40

तबे संत्त-पतरस ऐ बादे लोग तेथै शे बाँईडे गाड़े, अरह् तेने घुडकुँणिऐं प्रार्थना करी; ईन्दें पाछ़ी तिन्ऐ तेसी मुँड़्दे के ढबै पाछ़ू फीरियों बुलो, “तबिथा, बीऊँज!” तबे तिऐं आप्णी आँख खुली, अरह् संत्त-पतरस देखियों से ऊँबी बंऐठी।

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।