मरकुस 6:30 - Sirmouri

³⁰ चैले पाछू आऐ, अरह् तिनू सभिऐं साथी जू किऐ तिन्ऐ करो, अरह् जू किऐ तिन्ऐं शिक्क्षा दिती तिन्दे का बादा बखाँण प्रभू यीशू मसीया कैई शा शुणाँया।

सिरमौरी नौवाँ नियम

³⁰ जोबै चोणेयौंदे चैलै पाछु आयौ यीशु कै धोरे कौठै होवे, तोबै जू किछै तिनुऐ कौरे राव थियु, औरौ शिखोऊ थियु, सौबै तैसीकैईं बौतौऊं।

मरकुस 6:30 ပူးပေါင်းရင်းမြစ်များ

मत्ती 10:2

प्रभू यीशू के तिनू बारंह् खास-चैले के नाँव ऐजे असो: आगला शमौन, जेस्खे संत्त-पतरस बुली थिया, अरह् तेस्का भाऐ अन्द्रियास; जब्दी का बैटा याकूब, अरह् तेस्का भाऐ यूहन्ना;

मरकुस 3:14

तबे प्रभू यीशू ऐ बारह् चैले चूणें-छाँटे, के से तिनकी गईलो-गईलो रंह्, अरह् से तिनू पंणमिश्वर की खुषख्बरी का प्रचार कर्दे डियाल़ो;

मरकुस 6:29

जबे संत्त-यूहन्ना के चैले ऐ सेजो शुणों, तअ से आऐ, अरह् तिनका मड़दा तेथै शा आगु नींयाँ अरह् तिन्ऐं ऐकी खात्ती दा थऐ दिता।

लूका 10:17

तबे सेजे सत्तर चैले पाछु आऐयों बुल्दे लागे, “हे प्रभू! तुवाँरे नाँव के कारण दुष्ट-आत्त्मा भे अमाँरे बष दी रंही।”

लूका 17:5

तबे खास-चैले ऐं प्रभू यीशू खे बुलो, के “अमाँरा बिश्वाष बढ़ाओं।”

लूका 22:14

जबे बियाल़ी खाँणों का बख्त हुवा, तअ प्रभू यीशू आप्णें खास-चैले की गईलो बियाल़ी खाँदे बईठे।

लूका 24:10

जिनू तिरंई ऐं खास-चैले कैई ऐजी बातो शुँणाँई: अरह् सेजी ऐजी तिरंई ऐशी थी, मरियम मगदलीनी, अरह् योअन्ना, अरह् याकूब के माँ मरियम अरह् तिन की गंईलो ऊकी तिरंई भे थी।

लूका 6:13

तबे झ़िषों तिन्ऐं आप्णे चैले बईदे अरह् तिनू मुझ्शे किऐ बारंह् चैले छाँटे अरह् तिनखे प्रभू यीशू के खास-चैले बुले गुऐ,

लूका 9:10

तबे प्रभू यीशू के सेजै खास-चैले पाछ़ू आऐ, करह् सेजो जू कुछ़ तिन्ऐ करो थियों सेजो सब-कुछ़ प्रभू यीशू कैई आगू बुलो; तबे: प्रभू यीशू ऐ तिनू आप्णी गईलो बेतसैदा नंगर की ढबै नींऐ, अरह् से बादे कैथी ऐकाँन्त्त दे हुटे।

प्रेरितो कै काम 1:26

तबे तिनू लोगे ऐं तिनू दुई के नाँव दी पार्ची पाई, अरह् सेजी पार्ची मत्तियाह के नाँव शी नींक्ल़ी; तबे तेसी मत्तियाह भी तिनू गैयारी खास-चैले की गईलो, खास-चैला माँना-गीणा गुवा।