मरकुस 6:15 - Sirmouri

¹⁵ कंऐं लोग बुलो थिऐ, के ऐ “ऋषी-एलिय्याह असो!” परह् कंऐं लोग बुलो थिऐ, के “कुँऐ पुराँणें बरंम्बाणीं कर्णो वाल़े, ऋषी के जैष्णा असो!”

सिरमौरी नौवाँ नियम

¹⁵ औरौ ओकी लोगै बौल़ौ, “ऐजा तौ पौरमेशवर कै बातौ बौताणौवाल़ा एलिय्याह औसौ।” पौरौ कैई लोगै ऐशै बौल़ौ, “ऐजा पौरमेशवर कै बातौ बौताणौवाल़ा औसौ, तिनु साए जूंजे पुराणै सौमय दै पौरमेशवर कै बातौ बौताणौवाल़ै थिए।”

मरकुस 6:15 ပူးပေါင်းရင်းမြစ်များ

मत्ती 16:14

चैले ऐ बुलो, “कुँऐं तअ संत्त-यूहन्ना नहाँण-नहाँणों वाल़ा बुलो, अरह् कऐयों ऋषी एलिय्याह, अरह् कुँऐं ऋषी-यिर्मयाह, अरह् कुँऐ पंणमिश्वर की बरंम्बाणीं कर्णो वाल़े मुँझ्शा ऐक ऋषी बुलो।”

मत्ती 21:11

भीड़ के लोगे तिनखे जबाब दिता; “ऐजा ही तअ सेजा बरंम्बाणीं कर्णो वाला, गलील, के नासरत का यीशू असो।”

मरकुस 6:16

परह् राजा हेरोदेस ऐजो शुणियों बुलो, के “जेसी संत्त-यूहन्ना की शीरी-मुँटकरी मुँऐ कटाऐ थी, सेजा ही पाछू ऊबा जिऊँदा हऐ रूवा।”

मरकुस 8:28

चैले ऐ जबाब दिता, “संत्त-यूहन्ना नहाँण-नहाँणों वाल़ा, परह् कुँऐ-कुँऐं बुलो, ऋषी-एलिय्याह, अरह् कुँऐ-कुँऐ बरंम्बाणीं कर्णो वाल़ा कुँऐं ऐक ऋषी जेष्णाँ ऋषी बुलो।”

लूका 1:17

से ऋषी-एलिय्याह के आत्त्मा अरह् शक्त्ति दा प्रभू के आगे-आगे चाल्णों वाल़ा बंणियों, बाबा का मंन अलादी की ढबै फेरी देंदा; अरह् अज्ञाँ ना माँनणों वाल़े लोग धरमाँईतों की संम्झ गाशी लियाँदा, अरह् प्रभू खे ऐक खास प्रजा तियार करदा।”

लूका 7:16

ऐजो दे:खियों बादे लोग डरी गुऐ, अरह् से पंण्मिश्वर के बड़ियाऐ कर्दे लागे, अरह् बुलो “आँमों मुँझी ऐक बड़ा ऋषी पय्दा हऐ रूऐ, अरह् पंण्मिश्वरे आप्णे लोगो गाशी कृपा के नंजर थऐ।”

लूका 7:39

जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

लूका 9:19

तिन्ऐं जबाब दिता, “संत्त-यूहन्ना नहाँण-कराँणों वाल़ा, अरह् कुँऐं बुलो ऋषी-एलिय्याह, अरह् कुँऐं बुलो, के कुँऐ पुराँणा ऋषी जीऊँदा हऐ रूवा।”

लूका 9:8

अरह् कंऐ लोग बुलो थिऐ, के ऋषी-एलिय्याह पर्गट हऐ रूवा, अरह् कंऐ लोग ऐजो बुलो थिऐ; के कुँऐ पुराँणे ऋषी मुझ्षा ऐक ऋषी जीऊँदा हऐ रूवा।

यूहन्ना 1:21

तबे: तिन्ऐ संत्त-यूहन्ना नहाँण-कराँणों वाल़े कैई शो हजो पूछ़ो, “कियों तू एलियाह असो?” तबे तेने जबाब दिता, “ना हाँव ने आथी,” तबे तिन्ऐं पूछ़ो; तअ तबे “कियों तू सेजा ऋषी असो?” तेने जबाब दिता; “हाँव ने सेजा आथी।”

यूहन्ना 1:25

ईन्दें पाछ़ी तिन्ऐ संत्त-यूहन्ना नहाँण-कराँणों वाल़े कैई शो पुछ़ो, के “जबे: तू ना तअ मसीया; अरह् ना ऋषी-एलिय्याह; अरह् ना सेजा ऋषी आथी; तअ तबे तू नहाँण कैई कराँऐ?”

यूहन्ना 6:14

तबे लोगे ऐ प्रभू यीशू का ऐजा चींह्न-चंम्त्तकार देखियों बुलो, “पाक्का ही ऐ सेजा ऋषी हंणाँ, जुण्जा के ईयों संईसारी दा आँणों वाल़ा थिया।”

यूहन्ना 7:40

ऐजो शुँणियों लोगो की भीड़ मुँझ्शो कंई लोगे ऐं बुलो; “ऐ सोत्तिखे सेजा ही ऋषी असो, जुण्जा ऋषी आँणों वाल़ा थिया।”

यूहन्ना 9:17

तबे तिन्ऐ हजो तेसी आदमी कैई शो पुछ़ो, जुण्जा आगे पेट्-आँदा थिया; “जेने आदमी ऐं तेरी आखी खुली थई। तेस्के बारे दो तू का बुले?” तेने जबाब दिता, “से कुँऐ जरूर ऋषी असो।”