मरकुस 5:35 - Sirmouri

³⁵ जबे प्रभू यीशू ऐ ऐजो बुली ही लो थियो, तअ तेसी याईर यहूदी-च़ौंतरे के नंम्बरदार के घर शे लोग आऐ, अरह् तेस्खे बुलो, “तेरी बेटी मरी गऐ, ऐबे गुरू जी, परीशाँन ने करे।”

सिरमौरी नौवाँ नियम

³⁵ जोबै यीशुए तियौं बैटमाणिशौ आरी ऐजै बात कौरे लौए थी कै यहूदी सभा-घोरो कै ठोगड़े कै धोरे दै लोगै आयौ ठोगड़े कै बौल़ौ, “तैरै बैटी तौ मौरे गौए, ऐबै गुरुजी खै पौरैशान नै कौर?”

मरकुस 5:35 ပူးပေါင်းရင်းမြစ်များ

मत्ती 26:10

ऐजो जाँणियों प्रभू यीशू ऐ तिनखे बुलो, “ईयों तिरोंई कैई डाँटी-झाड़ी लऐ? ईऐं मेरी आछ़ी सेवा करी लऐ।

मत्ती 26:18

प्रभू यीशू ऐ बुलो, “नंगर दे कोसी भे आदमी कैई ज़ाऐयों बुलो, के ‘गुरू जी बुलो, के मेरा बख्त्त नंजीक असो। हाँव आप्णें चैले आरी तेरे कागी फ़सह को तियार मंनाँऊ’।”

मत्ती 9:18

जबे तिनिऐं ऐजी बातो तिन कैई बुली ही लई थी, तअ तेथै ऐक यहूदी-चौत्रे का नंम्बरदार आया, अरह् प्रभू यीशू खे ढालो-बिन्ती करियों बुल्दा लागा, “हे प्रभू मेरी बेटी हाग्ड़ी मरी रंऐ, कृपा करियों तुऐं तियों गाशी आप्णा हाथ थंह्, तअ से जीऊँदी हऐ ज़ाली।”

मरकुस 10:17

जबे तेथै शे प्रभू यीशू निक्ल़े, अरह् बाटो पूडे ज़ाँदे लागे, तअ ऐक आदमी आया, अरह् घूडकुँणिऐं तिनके लातो गाशी पड़ियों पुछो, “हे शुद्ध गुरू जी! अमर-जीवन पाणों खे का कर्णो पड़ो?”

मरकुस 5:22

तअ तेथै के यहूदी लोगों के यहूदी-च़ौंतरे का मुख्या नंम्बरदार जेस्को नाँव याईर थियो, से आया, अरह् दे:खियों प्रभू यीशू के लातो गाशी पड़ा।

लूका 8:49

प्रभू यीशू ऐ ऐजो बुली ही लों थियो, के तैसी च़ौऊँ राल़्सी के यहूदी-च़ोंत्रै के ढिमेंदार कागशा कुँऐ आदमी आऐयों तैस्खे बुल्दा लागा, के “तेरी बैटी मंरी गऐ: ऐबे गुरू जी, खे कष्ट ने दिऐ।”

यूहन्ना 11:21

माँर्था ऐ प्रभू यीशू खे बुलो, “हे प्रभू जी! जे तुँऐं ईथै हंदे, तअ मेरा भाऐ बिल्कुल ने मँर्दी थी।

यूहन्ना 11:25

प्रभू यीशू ऐ बुलो, “दुज़ाल़िऐं ऊबो जीऊँणों अरह् जीवन ‘हाँव’ ही असो; जुण्जा कुँऐं मुँह गाशी बिश्वाष करला, सेजा मँर्णो गाशी भे जीऊँदी रंह्दा।

यूहन्ना 11:28

ऐजो बुलियों मार्था पाछ़ू आप्णें घरेह् हुटी, अरह् तिऐं आप्णीं बंईण मरियम ज़ोई बऐदियों तियों खे चुप्पी काँनों पाछ़ी बुलो; के “गुरू जी, ईथै आऐ गुऐ; अरह् ताँव तिन्ऐं बऐदी लई।”

यूहन्ना 11:32

जैई मरियम तेसी जागे दी पह्ऊँची, जेथै प्रभू यीशू थिऐ, तैई से तिनू देख्दे ही तिनके लात्तो गाशी पड़ी; अरह् तिऐ बुलो; “हे, प्रभू जी! जे तुऐं ईथै हंदे तअ मेरा भाऐ मंरदा ने थिया।”

यूहन्ना 11:39

प्रभू यीशू ऐ बुलो, “पाथर आगु गाड़ो।” तेसी मँरे अँदे की बंऐणी मार्था ऐं तिनखे बुलो; “हे प्रभू जी! ऐबे तअ तेस्की मित्तके शी शड़ाँण आँदी लागी हली, किन्देंखे के तेसी मरियों तअ ऐबे चार देसो हऐ गुऐ।”

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।