मरकुस 5:34 - Sirmouri

³⁴ प्रभू यीशू ऐ तियों तिरंई खे अज्ञाँ दिती, “बेटी तेरे बिश्वाष ऐ ताँव चाँगी करी थऐ, शाँण्त्ति शी ज़ा, अरह् आछी रंह्।”

सिरमौरी नौवाँ नियम

³⁴ यीशुए तियौंकै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा, औरौ ऐबै तू आपणै बीमारी शै बिल्कुल ठीक हौए गौए।”

मरकुस 5:34 ပူးပေါင်းရင်းမြစ်များ

मत्ती 9:2

अरह् दे:खो, कंई लोगे अदरंगो का ऐक दु:खिया लुह्थों दा थागियों तिन कैई आँणा। प्रभू यीशू ऐ तिनका बिश्वाष देखियों, तेसी अदरंगो के दुखिया खे बुलो, “हे बैटा हिम्मत थह्, तेरे पाप माँफ़ हुऐ।”

मत्ती 9:22

प्रभू यीशू ऐ पाछू फीरियों तियों दे:खी अरह् बुलो, “बेटी हिम्मत थंह्; तेरे बिश्वाष ऐ ताँव चाँगी करी थऐ।”, तबे: सेजी तिरंई तेख्णी चाँगी हऐ गऐ।

मरकुस 10:52

प्रभू यीशू ऐ बुलो, “ज़ा, तेरे बिश्वाष ऐ ताँव बंचाऐयों चाँगा करा” अरह् से तैख्णी दे:ख्दा लागा, अरह् से प्रभू यीशू की गईलो हुटा।

मरकुस 3:10

प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया।

मरकुस 5:29

प्रभू यीशू का पाला छूदें ही तियाँरा लह्ऊँ ढाल़ा तेख्णी खत्त्म हुवा; अरह् तिऐं चग्री पाव के हाँव हेबी आप्णी बीमारी शी चाँगी हऐ गऐ।

मरकुस 5:33

सेजी तिरंऐ ऐजो जाँणियों के मुँह गाशी कैत्री बड़ी कृपा-रंय्म करी थऐ, तबे से डरंदु-डरंदु अरह् काँम्बलियों प्रभू यीशू के लातो गाशी पड़ी, अरह् तिन कैई बादी सचाऐं बुली दिती।

लूका 17:19

तबे प्रभू यीशू ऐ तैस्खे बुलो, “ऊबा बींऊँजियों आगू ज़ा, तेरे बिश्वाषे ही ताँव चाँग्गा करा।”

लूका 18:42

प्रभू यीशू ऐ तैस्खे बुलो, “दे:ख्दा लाग: तेरे बिश्वाषे ताँव भला-चाँग्गा करी दिता।”

लूका 7:50

प्रभू यीशू ऐ तियों तिरंई खे बुलो, “तेरे बिश्वाषे ताँव बचाऐ पाऐ, खुशी शाँण्त्ति शी ज़ा।”

लूका 8:48

प्रभू यीशू ऐ बुलो, “बैटी, तेरे बिश्वाषे ताँव चाँग्गी करी; ऐबै शाँन्त्ति खुशी शी ज़ा।”

प्रेरितो कै काम 14:9

तेने आदमी ऐ संत्त-पौलुस कैई शे बचन शुँणी लुऐ थिऐ, तबे संत्त-पौलुस ऐ तेस्की ढबे निजाऐयों देखो के ऐस्के मंन दा चाँग्गै हणों का बिश्वाष असो।

प्रेरितो कै काम 15:33

से किऐ देसे तेथै रंऐयों, बिश्वाषी भाऐ-बंईणों शी शाँण्त्ति भेटियों बिदा हुऐ; अरह् से आप्णें डेयाल़्णों वाल़े कैई पाछ़ू हुटे।

प्रेरितो कै काम 16:36

तबे तेने ठाँणेंदारे ऐ सेजी बातो संत्त-पौलुस कैई बुली, के “हाकम ऐ तुँओं छुड़ी देणों की अज्ञाँ देऐ थऐ, ईन्देंखे ऐबे सोंऐं करियों ज़ाओ।”

याकूब 2:16

अरह् तुँओं मुँझ्शो कुँऐं तिनखे ऐशो बुल़्ले, के “खुशी शे ज़ाव अरह् नियाँत्ते रंह्, अरह् रज्जै-पुज्जै रंह्” परह् जुण्जी चींजो देह्-शरीर खे जरूरी असो, सेजी चींजो ने तुँऐं तिनखे ने दियों, तअ तबे तेष्णों बुल्णों लई तिन्देका का फाय्दा असो?