मरकुस 4:20 - Sirmouri

²⁰ जू आच्छ़ी बोंन्द्री जीमी दो पड़ो, से ऐजो असो, के जुण्जे लोग पंणमिश्वर का बचन शुणी-माँनियों तिन्दा अमल करह्, सेजा बचन तिनके सासो दा फल़ो ऐ: अरह् से तीष गुँणा, षाठ गुणाँ, अरह् षोंह् गुणाँ फल़-बन्त्तं हों।”

सिरमौरी नौवाँ नियम

²⁰ औरौ किछै बिज़ ऐशणै औसौ जू बोड़िया जोमीनो दै छुटै, ऐजै सैजै लोग औसौ; जू पौरमेशवर का वचन शुणैबा आपणै जीवन दा अपनाएयो बौहुता फोल़ लांव। जैशैकै तीस गुणा बिज़ वाल़ै पोधै, साठ गुणा बिज़ वाल़ै, औरौ शौ गुणा बिज़ वाल़ै पोधै।

मरकुस 4:20 ပူးပေါင်းရင်းမြစ်များ

मत्ती 13:23

सेजी आछी बोंद्री भूँम्मीं, जिंन्दो बींज़ बऐ थो, से सेजा आदमी असो, जुण्जा खुषख्बरी शुणों, अरह् तेसी बचन सम्झों ऐ, से सत्तिखे संईसारी दा षोंह् गुँणा, षाठ गुँणा, अरह् तीष गुँणा फल़ आँणो।”

मत्ती 13:8

परह् किऐ बींज़ धर्ती की आछी बोंन्द्री भुम्मी दो पड़ो, अरह् से फल़बंन्त हुओ, किऐ षौह् गुँणा, किऐ षाठ गुँणा, अरह् किऐ तीष गुँणा।

मरकुस 4:8

परह् किऐ आच्छ़ी बोंन्द्री जिम्मीं दो पड़ो, अरह् से जाँमों, बढ़ो फल़ो-फूलो अरह् तीष गुणाँ, अरह् षाठ गुणाँ, अरह् षोंह् गुणाँ, आछी शाख हऐ।”

लूका 8:15

परह् आच्छ़ी बोंन्दरी जीम्मी दो पड़ो बीज़ सेजो असो, जू बचन शुणियों, आप्णे साच्चे मंन शा सेजा बचन सुवाँ करियों थों, आप्णें सबैर शाँण्त्ति शा तिन्दें का फ़ल़ पाँव।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

रोमियों 7:4

तेष्णें ही हे मेरे भाऐ-बंईंणों, तुँऐं भे मसीया की देह्-शरीर के जाँणें ऋषी-मूसा खे भेटे गुऐ निय्म शे छुटी गुऐ, के तेसी अंण-जाँण के बंणी ज़ाव, जुण्जा के मरे अंदे मुँझ्शा ऊँबा जीयूँदा हुआ: जू तुँऐं आँमें पंणमिश्वर खे फल़ लियाँव।

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

2 पतरस 1:8

किन्देंखे के जे ऐजी बातो तुँओं मुँझी हंदी रंह, अरह् बड़्दी ज़ाव, तअ ऐ तुँओं अमाँरे प्रभू यीशू मसीया की पछ़याँण दे निकारे अरह् निषफल़ ने हणों देंदी।