मरकुस 4:19 - Sirmouri

¹⁹ अरह् संईसारी का फिकर करियों, अरह् धंन दोंल्त का धोखा, अरह् कंई चींजो का लोभ-लाल़्च तिनके मंन दा समाँऐंयों, सेजा बचन दबाऐ दियों, अरह् से निंषफल़ हऐ ज़ाँव।

सिरमौरी नौवाँ नियम

¹⁹ पौरौ आपणै जीवन कै चिन्‍ता, औरौ धन-दोलत का लालच, औरौ ओकी चीज़ौ कै इछावं की बौजैह शै पौरमेशवर कै वचन कै मानणा छोड़े दैंव; औरौ सैजै बिना फोल़ कै जिन्दगी जियौं।

मरकुस 4:19 ပူးပေါင်းရင်းမြစ်များ

मत्ती 13:22

सेजी जीम्मीं जेथै सेजो बींज़ झाल-झाड़ी मुँझी पड़ो, से सेजा आदमी असो, जुण्जा बचन की खुषख्बरी का प्रचार तअ शुणों ऐ; परह् से संईसारी का फिकर, अरह् धनं का धोखा, तेसी बचन तेस्की सासो दा ही दबाँऐ दियों, अरह् से तिन्दें के फल़ के बिना ही रंह्।

मत्ती 19:23

तबे प्रभू यीशू ऐ आप्णें चैले खे बुलो, “हाँव तुँओं खे खास बात बुलू, के सेठो को स्वर्गो के राज्य दो दाखिल हंणों कठींण असो।

मत्ती 3:10

ऐबे कुँराड़ा झ़ैठो गाशी ही असो; अरह् जुण्जा-जुण्जा डाल़ आछा फल़ ने देंदा, तेसी काटी देईदा, अरह् आगी दा फूकी देईदा।”

मरकुस 4:18

जू झाड़ी मुँझी पड़ो, से ऐजो असो, के जिन्ऐं पंणमिश्वर का बचन शुणा।

लूका 10:41

प्रभू यीशू ऐ तियों खे जबाब दिता, “मार्था ओ मार्था, तू भहिती बातो का फीकर करे, अरह् तेबे ही तू परीशाँन हंऐ।

लूका 21:34

“ईन्देंखे आप्णें बारे दे च़ौक्क्ष रूऐ, जू कद्दी ऐशो ने हऐयों; के तुऐ भोग-बिलास दे, अरह् नाँशे दे, अरह् संईसारी की चींन्त्ता-फीकर शा तुवाँरा मंन कुठूर हऐ ज़ाँव; अरह् सेजे देसो फाषी के जिऐ अंचाँण्क तुओं गाशी अब्ल़ी बंणियों आँव।

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

इफिसियों 2:2

किन्देंखे के तुवारा चाल-चल्णँ आगे ऐसी ज़ूगौ के रित्ति-रूवाज के मुँताबिक, जू अस्माँनों दा हंक-अधिकार जमाँनों वाल़े, हाकमों के मुँताबिक थिऐ; जुण्जे तियों आत्त्मा के बंष दे थिऐ, जुण्जी आत्त्मा हेभी तोड़ी पंण्मिश्वर के बिरोधियों आरी काँम-काज़ करह्।

इफिसियों 6:12

किन्देंखे के अमाँरा ऐजा मल़-ज़ूध, आदमी आरी ने; परह् हाकमों शा, अरह् अधिकारियों शा, अरह् ईयों संईसारी की अंधेर कर्णो वाल़े, अरह् अस्माँनों की दुष्ट-आत्त्माँओं आरी असो;

फिलिप्पियों 4:6

कोसी भे बात का फिकर ने करे, परह् बादी बातो दे तुवाँरे ढाल-अरज, प्रार्थना अरह् ढाल-अरज के जाँणें धन्यबाद आरी पंण्मिश्वर के संहाम्णें हाजिर हों।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

2 तीमुथियुस 4:10

किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

2 पतरस 1:8

किन्देंखे के जे ऐजी बातो तुँओं मुँझी हंदी रंह, अरह् बड़्दी ज़ाव, तअ ऐ तुँओं अमाँरे प्रभू यीशू मसीया की पछ़याँण दे निकारे अरह् निषफल़ ने हणों देंदी।

यहूदा 1:12

ऐजे लोग तुँवारी पियार की खुम्ल़ी दो तुँवारी गईलो खाँदें, पींन्दें रंह्, ऐजे लोग संमुन्द्रो दी छुपी कऐड़ी जेई असो; अरह् बै-झीझ्क बै-धड़क आप्णों पेट-ओजरा भरो; से बिना पाँणी के बाद्ल़ो जिऐ असो, जुण्जे बागूरिऐ ऊड़ाऐ ज़ाँव; ऐ बै-मोस्मी फल़ की जेई डाली जुण्जी दूबंई मंरी गुऐ अरह् जंड़ शै ऊखलियों हुटे।