मरकुस 4:17 - Sirmouri

¹⁷ परह् आप्णें सासो दे बचन की जड़ ने सारी पाँदे, अरह् से थोड़े ही देसो का दे:खावा हों, जेई बचन की ताँईऐं तिन गाशी सताँव-परिशानी आँव, तेई तिनका बिश्वाष जू बचन शुणियों हुआ, सेजा तेख्णी खत्त्म हों।

सिरमौरी नौवाँ नियम

¹⁷ पौरौ पौरमेशवर कै वचन कै आपणै मनो भीतरा ना बौठाल़ो, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव।

मरकुस 4:17 ပူးပေါင်းရင်းမြစ်များ

मत्ती 11:6

अरह् भागोईत असो सेजे जू मेरे कारण ढैस-ठूकर ने खाँव।”

मत्ती 12:31

“ईन्देंखे हाँव तुँओं खे बुलू, के आदमी का करा अंदा कुँण्जा ही भी पाप, कुँण्जी भे पंणमिश्वर की नीदया, माँफ कर्णो ज़ुगै असो; परह् पबित्र-आत्त्मा की नीदया कर्णो वाल़े खे माँफ ने करो ज़ाँव।”

मत्ती 13:21

परह् ईन्देंखे के तेने तेसी बचन दी जड़ ने सारी पाका ने हई, से ठीके ही बख्त्तो खे टीकी सको; परह् जेई तेस गाशी बचन के कारण दु:ख सताव पड़ो, तेई से तेसी ही बख्ते तेसी मंत्त-ज्ञाँन शा भट्की ज़ाँव।

मरकुस 4:16

तेष्णों ही जू शगाल़ी मुँझी पड़ो, से ऐजो असो, जू पंणमिश्वर का बचन शुणियों तेख्णी मंजे का माँनों।

मरकुस 4:18

जू झाड़ी मुँझी पड़ो, से ऐजो असो, के जिन्ऐं पंणमिश्वर का बचन शुणा।

लूका 12:10

“परह् जे कुँऐं आदमी के बैटे के बिरूध दो किऐ बुल़्ला, तअ तेस्का सेजा कसूर माँफ करा ज़ाला; परह् जुण्जा कुँऐं पबित्र-आत्त्मा के नीदा-चुगली करला तैस्का सेजा दोष-कसूर बिल-कुल भे माँफ ने करा ज़ाँदा।

यूहन्ना 8:31

तबे: प्रभू यीशू ऐ तिनू यहूदियों लोगो खे बुलो, जिन्ऐं तिनू गाशी बिश्वाष करी थुवा थिया; के “जे तुँऐं मेरी शिक्षायों का पाल़्ण कर्दे रंह्ले; तअ तुँऐं सोत्तिखे मेरे चैले बंण्ले।

गलातियौं 6:12

जू लोग देह्-शरीर का आछा दे:खावा करणा चहाँव, सेजे ही तुवाँरा खतना कर्णो खे दबाव पाँव, सिर्फ ईन्देंखे के से ऐष्णों ईन्देंखे करह्, के तिनू मसीया के शुँल़ी-फ़ाँशी के जाँणें सताव ने सहणाँ पड़ो।

2 तीमुथियुस 1:15

तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

2 तीमुथियुस 4:10

किन्देंखे के भाई-देमास ऐ तअ ईयों संईसारी प्यारी जाँणियों मुँह छुड़ी दिता, अरह् थिस्सलुनीकियों नंगर खे हुटी गुवा, अरह् भाऐ-क्रेसकेंस गलातियों नंगर के ढंबै हुटा, अरह् संत्त-तीतुस दलमतिया ईलाके खे हुटा।

2 तीमुथियुस 4:16

शुरू दा जबे मुँऐं आप्णा बंचाव करणा चाया, तअ मेरी ढबे शा कुँऐं भे मेरी मंद्दत्त करदा ने आई; परह् सोभिऐ मुँह ऐकली छुड़ा, पंण्मिश्वर ऐशो करह् के कोसी भे तिन्देका किऐ भे लेखा-ज़ोंखा ने देणाँ पड़ो!

इब्रानियों 10:29

तअ तबे ऐजो सुचों, के सेजे ईन्दें शे भे जादा बड़ी सजा ज़ूगै बंणीं गुऐ; जिन्ऐ पंण्मिश्वर का बैटा आप्णें लातो थाँई घीजणों खे पाया, अरह् वाचा को सेजो लह्ऊँ, जिन्दे के कारण से पबित्र बंणाँया गुवा; तेने सेजो लंह्ऊँ अपबित्र ज़ाँणों, अरह् कृपा की आत्त्मा के बैस्त्ती करी।

1 यूहन्ना 2:19

मसीया का बिरोधी आँमों ही मुँझ्शा असो, परह् से सोतिखे अमाँरा साथी ने, किन्देंखे के जे से सोतिखे अमाँरा साथी हंदा, तअ अमाँरी गईलो रंह्दा। परह् तेने आँमों छुड़ी दिते, जू से ऐजो दे:खाऐ सको, के तिन मुँझ्शा कुँऐं भे सोतिखे अमाँरा साथी ने आथी।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।