मरकुस 3:7 - Sirmouri

⁷ प्रभू यीशू आप्णे चैले आरी झीलो के ढबे हुटे: तअ गलील, अरह् यहूदिया, ईलाके शी लोगो के ऐक बैजाऐ बैशुमाँर बड़ी भीड़ तिनू पाछी चाली।

सिरमौरी नौवाँ नियम

⁷ यीशु आपणै चैलै कै साथै गलील झील कै ढौबौ हौटै गौआ: औरौ गलील जिले शै ऐक बैजाए बौड़ी भीड़ तैसकै पौछौड़ियौ हौए गौए।

मरकुस 3:7 ပူးပေါင်းရင်းမြစ်များ

मत्ती 10:23

जबे से तुँओं ऐकी नंगर दे सताले तअ ओकी नंगर खे भागी ज़ाऐ। हाँव तुँओं खे खास बात बुलू, के जबे तुँऐं इस्राएल के बादे नंगर दे रिटी-फिरी ज़ाले, ताँव-तोड़ी आदमी का बैटा भे आऐ ज़ाला।”

मत्ती 12:15

ऐजो जाँणियों प्रभू यीशू तेथै शे आगू हुटे, अरह् बैजाऐ भहिते लोग तिनू पाछी हुटे, अरह् तिन्ऐ बादे लोग चाँगे-भले करे,

मत्ती 12:16

अरह् तिनू खे सकंनें करियों ऐजी अज्ञाँ दिती, के ईन्दें के बारे दा पता ने लागा चेंई के हाँव कुँण असो।

मत्ती 4:25

गलील ईलाके शे, अरह् दिकापुलिस ईलाके शे, अरह् यरूशलेम नंगर, शे अरह् यहूदिया ईलाके शे, अरह् यरदन नंदी शे पाईले ढबे के लोगों की बेशुमाँर भीड़ तिनू पाछी चाली।

मरकुस 1:39

से बादे गलील ईलाके दे घूंम्दे-फीर्दे अरह् यहूदी-च़ोंतरे दे ज़ाऐ ज़ाऐयों खुषख्बरी का प्रचार कर्दे रूऐ, अरह् लोगो शी दुष्ट-आत्त्मा गाड़दे गुऐ।

मरकुस 1:45

परह् तेसी आदमी ऐ ज़ाऐयों खुल्मं-खुला तियों बातो का प्रचार ऐते ज़ूगा फएलाऐ दिता के प्रभू यीशू मसीया तबे नंगर दे खुल्म-खुला ने ज़ाऐ सकी, अरह् तिनू नंगर शे बाऐर शुन-शाँन जागा दो रंहणों पड़ो, तबे भे ढिक्कों च़ौऊ ढबे शे लोग तिन कैई आँदें लागे।

मरकुस 3:20

जबे प्रभू यीशू मसीया कोसी के घर दे थिऐ, तअ हजो लोगो के ऐक बैशुमाँर बड़ी भीड़ तिन कैई कठी हऐ, ऐते ज़ूगी के तिनके भोजन करणा भे मुँशकिल हुवा।

मरकुस 4:1

प्रभू यीशू हजो झीलो की टिराँव्टी गाशी बचन का बखाँण कर्दे लागे: अरह् तबे लोगो के ऐत्री बैशुमाँर बड़ी भीड़ तिन कैई कठी हऐ, अरह् तिनू ऐक नहाँन्होड़ी नाँव गाशी झील दो बईठ्णों पड़ो; अरह् लोगो की सेजी भीड़ धनियों काटलो गाशी खड़ी रंऐ।

लूका 23:5

तिनू लोगे हुम्कियों बुलो, के “ऐ गलील प्रदेश शा ऊँडा ईथै तोड़ी बादे यहूदा प्रदेश के कुँणें-कुँणें दे आप्णी शिक्क्षा शे बादी जनता बिरूध कर्णों खे भड़काँदा लागी रूवा।”

लूका 6:12

तेसी देसे प्रभू यीशू धारंह् गाशी पंण्मिश्वर शी बिनती कर्दें लागे, अरह् तिन्ऐं बादी रात्त तियों धारंह् गाशी काटी।

लूका 6:17

प्रभू यीशू तिनू बारंह् खास-चैले की गईलो तियों धारोह् गाच्छ़ै ऊदे ज़ुब्ड़ी दे आऐयों खड़े हुऐ। अरह् तेथै तिन के बैजाऐ चैले थिऐ, अरह् ऐक बैशुमार लोगो के बड़ी भिड़ थी; सेजै बादे लोग यहूदा प्रदेश, यरूशलेम नंगर, अरह् सूर, सेंदा, के संमुन्द्रो के टिराँव्टी शे भहुते लोग आऐ रूऐ थिऐ,

यूहन्ना 7:41

परह् कंई लोगे ऐं बुलो, “ऐजा मसीया असो।” परह् कंई लोगे ऐं बुलो, “कियों मसीया गलील ईलाके शे आँदे?

यूहन्ना 7:52

तिन्ऐ नीकोदेमुस खे जबाब दिता, “कियों तू भे तअ कुँऐं गलीली तअ ने असो? पबित्र-ग्रन्थों दो खोज करियों देख; के गलील शा कुँऐ भे ऋषी पर्गट हऐ सको।”

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:14

ईन्देंखे बिश्वाषी भाऐ-बंईणिऐं तेख्णी संत्त-पौलुस तेथै शा बिदा करा, के संमुन्द्रो के टिराँव्टी गाशी ज़ाँव; अरह् तबे सीलास अरह् तीमुथियुस तैथी बिरीया नंगर दे ही रूऐ।