मरकुस 2:1 - Sirmouri

¹ कंई देसो बेत्तणों गाशी प्रभू यीशू कफरनहूम नगर दे पाछू आऐं, अरह् शुण्णों दो आओ के प्रभू यीशू घरे असो।

सिरमौरी नौवाँ नियम

¹ बौहितै दूसौ कै बाद यीशु हौजौ कफरनहूम नगर दा ओऊवा, औरौ लोगौ कै पौता लागा कै सै घोरे औसौ।

मरकुस 2:1 ပူးပေါင်းရင်းမြစ်များ

मत्ती 4:13

अरह् प्रभू यीशू नासरत गाँव छुड़ियों, कफरनहूम नंगर दे, जू झीलो के टिराँव्टी दे असो, से जबूलून अरह् नाप्तली के ईलाके दी असो, अरह् प्रभू तेथै रंह्दें लागे।

मत्ती 9:1

तबे प्रभू यीशू नाँव गाशी बऐठियों झील शे पाँडे पाईले ढबे हुटे, अरह् आप्णे नगर दे आऐ।

मरकुस 1:45

परह् तेसी आदमी ऐ ज़ाऐयों खुल्मं-खुला तियों बातो का प्रचार ऐते ज़ूगा फएलाऐ दिता के प्रभू यीशू मसीया तबे नंगर दे खुल्म-खुला ने ज़ाऐ सकी, अरह् तिनू नंगर शे बाऐर शुन-शाँन जागा दो रंहणों पड़ो, तबे भे ढिक्कों च़ौऊ ढबे शे लोग तिन कैई आँदें लागे।

मरकुस 2:2

तबे तेथै ऐत्री बड़ी बैशुमाँर लोगों के भीड़ कठी हुऐ, के देऊँल़ी दे भे जागा ने रोही, अरह् प्रभू यीशू तिन कैई शे पंणमिश्वर के बचन शुणाँदे लागे।

मरकुस 3:20

जबे प्रभू यीशू मसीया कोसी के घर दे थिऐ, तअ हजो लोगो के ऐक बैशुमाँर बड़ी भीड़ तिन कैई कठी हऐ, ऐते ज़ूगी के तिनके भोजन करणा भे मुँशकिल हुवा।

मरकुस 7:17

जबे प्रभू यीशू लोगो के भीड़ो कैई शे घरे हुटे, तअ तिनके चैले ऐ तिन कैई शो तेसी अनाँणें के बारे दो पुछो।

मरकुस 7:24

प्रभू यीशू तेथै शे बिऊँजिऐयों सूर अरह् सैदा के इलाके दे आऐ, अरह् ऐकि घर दे हुटे, ऐजो जाँणियों के कोसी कैई पता ने लागो, परह् प्रभू लोगो कैई शे छूटी ने सकी।

मरकुस 9:28

जबे प्रभू यीशू घरे आऐ, तअ चैले ऐ ऐकलाल़े दो तिन कैई शो पुछो, “अमाँरी जाँणे ऐजी दुष्ट-आत्त्मा कैई ने निक्ल़ी?”

लूका 4:23

तबे प्रभू यीशू ऐ तिनखे बुलो, “तुँऐं मुँखे ऐजा ताँना जरूर मार्दें के ‘हें जड़यारे आगे आपु तअ चाँगा करो! जुण्जो आँमें शुण्णों के कफरनहूम दो तुँऐं का कोरो, सेजो ईथै आप्णें गाँव-नंगर दो भे करह्।’”

लूका 5:18

तैख्णी किऐ लोगे ऐक अदरंगो का दु:खिया लोह्थों दा टीपियों आँणा, अरह् सेजे लोग तैसी दु:खिया आदमी भितोर प्रभू यीशू के साम्णें थंहणा चाँव थिऐ।

यूहन्ना 4:47

जबे तेने हाकम ऐ ऐजो शुँणों, के प्रभू यीशू यहूदा प्रदेश शे गलील ईलाके दे आऐ रूऐ; तअ से तिन कैई भेंट करदा आया, अरह् प्रभू यीशू ढह्लयाँदा लागा, के तुँऐं मेरी गंईलो चालियों मेरा बैटा चाँग्गा करह्: किन्देंखे के से मंर्णों वाल़ा असो।

प्रेरितो कै काम 2:6

जबे ऐजी गुड़ाक-धोमंराल़ जेऐ पड़ी, तअ तिनू देख्णों खे लोगो की बै-शुमार भीड़ लागी; अरह् बादे लोग डरी-हड़बड़ाऐ गुऐ, किन्देंखे के तिनू ऐकी-नाँमों के ऐजो ही जाँणियों के ईन्ऐं अमाँरी ही भाषा दो किऐ बुली लो, ऐजो ही सोभी के शुँणाँई पड़ी रूओ थियों।