मरकुस 16:19 - Sirmouri

¹⁹ जबे प्रभू यीशू मसीया ऐ तिनू आरी ऐजी बातो करी पाई, तअ तिनू स्वर्गो दे ऊबे थागे; अरह् तेथै से स्वर्गो दे पंणमिश्वर के सोऐं ढबे बऐठी गुवे।

सिरमौरी नौवाँ नियम

¹⁹ चैलै आरी सौब बातौ कौरणौ कै बाद, पौरमेशवरे यीशु खै बादल़ो दा ऊबा स्वर्ग खै निया औरौ सै पौरमेशवर कै सोऐं ढौबौ राज कौरणौ कै बौठै गौआ।

मरकुस 16:19 ပူးပေါင်းရင်းမြစ်များ

मरकुस 16:20

अरह् चैले हुटियों ढीको प्रचार कर्दे लागे, अरह् प्रभू तिनकी गईलो काँम-काज़ कर्दे रूऐ, अरह् से तिनू चींन-चंम्त्तकार के जाँणें आप्णा बाय्दा सचाई आरी बचन पाके करदा रूवा। (“आमीन”)।

लूका 22:69

परह् ऐत्त्‍लो शा ऊबा आदमी का बैटा सर्वशक्त्तिशाली पंण्मिश्वर के सूऐ ढबे बईठाल़ा ज़ाला।”

लूका 9:51

जबे प्रभू यीशू के स्वर्गो दे ऊँबे ज़ाँणों के देसो नंजीक आऐ; तअ तबे तिन्ऐं यरूशलेम खे ज़ाँणों का पाक्का बिचार करा।

यूहन्ना 13:1

(फ़सह) के मेल़ै को देस थियो; अरह् प्रभू यीशू कैई ऐजा पता थिया, के ऐबे मेरा ईयों संईसारी छुड़ियों बाबा कैई पाछू ज़ाँणों का बख्हत्त नंजीक आऐ गुवा; तअ तबे: प्रभू यीशू ऐं जुण्जे तिनके ईयों संईसारी दे आप्णें प्यारे थिऐ, तिनू आरी तिन्ऐं आखरी बख्त्तो तोड़ी तेष्णों ही प्यार करो।

यूहन्ना 16:28

होर, हाँव बाबा के डेयाल़्णों, शा ही ईयों संईसारी दा आया; अरह् ऐबे मुँऐ ईयों संईसारी छ़ुड़ी लऐ, के हाँव हजो बाबा कैई पाछ़ू ज़ाँऊ।”

यूहन्ना 17:13

“ऐबे हाँव तुँओं कैई आँदा लागा, ऐजो सब मुँऐ ईयों संईसारी दो रंह्दें ही बुली थो; के ऐजे लोग मेरी आनन्द-खुशी आपु दे पुरी करह्।

यूहन्ना 20:17

प्रभू यीशू ऐ तियों खे बुलो, “मुँह, ने छुऐं! किन्देंखे के हाँव ऐभी तोड़ी आप्णें बाबा कैई ऊँबा ने हुटी रंई”; परह् मेरे भाईयों कैई ज़ाऐयों ऐजा शुझ़ा दे, के “हाँव आप्णें बाबा, अरह् तुवाँरे बाबा, अरह् आप्णें पंण्मिश्वर, अरह् तुवाँरे पंण्मिश्वर कैई ऊबा ज़ाँदा लागा।”

यूहन्ना 21:15

खाँणा खाऐयों, प्रभू यीशू ऐ शमौन पतरस कैई शो पुह्छ़ो; “हे शमौन यूहन्ना का बैटा! कियो तू ईनू सोभी शो जादा, मुँह आरी प्यार करे?” तेने जबाब दिता; “होर, प्रभू जी! तुऐं जाँणों ऐं; के हाँव तुओं आरी प्यार करू।” तबे प्रभू यीशू ऐ तेस्खे बुलो, “मेरे छैल़्टू चराओं।”

यूहन्ना 21:22

प्रभू यीशू ऐ तेस्खे बुलो, “जे हाँव चहाँऊ, के ऐ मेरी आँणों तोड़ी ईथै रंह्, तअ तेरे ईन्दे शो का लोणों? तू मुँह पाछी चाल।”

यूहन्ना 6:62

तअ तुँऐं तबे का कर्ले, जबे तुऐं आदमी का बैटा स्वर्गो दा ऊबे ज़ाँदे देख्ले, जेथै से आगे थिया; तअ तबे तुऐं का बुल़्लै?

प्रेरितो कै काम 1:22

ठीक असो, के तिनू मुँझ्षा ऐक आदमी अमाँरी गंईलो तिनके पाछु ऊँबे जीवणों का गुवाह्-शाज़्त्त बंणी ज़ाँव।”

प्रेरितो कै काम 2:33

ऐबे से पंण्मिश्वर के सोऐं ढबै खास पद्-भार गाशी बंईठियों, अरह् पंरम-पिता कैई शी सेजी पबित्र-आत्त्मा भेटियों, जिन्दें का बाऐदा पंण्मिश्वरे ऐं आगे ही करी थुवा थिया; तियों पबित्र-आत्त्मा तिन्ऐं आँमों गाशी ऊँदी-पैरी दित्ती; जियों तुऐं आपु देंखी, अरह् शुँणीं लंऐ।

प्रेरितो कै काम 3:21

ऐजो जरूरी असो, के से तेसी बख्हत्तो तोड़ी स्वर्गो दे ही रंह, जाँव तोड़ी तिनू बादी चींजों की हजो: थापनाँ ने हऐ ज़ाँव; जिन्दें के बारे दो पंण्मिश्वर ऐं ज़ूगौ शो ऊँबो आप्णें पबित्र-ऋषियों के मुँख्हों शो बुलो थियों।

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

कुलुस्सियों 3:1

तअ: जबे तुँऐं मसीया आरी ऊबे जियाल़ी थुऐं, तअ सवर्गिऐ चींजों की खोज दे रंह्, जेथै मसीया हाजिर असो; अरह् पंण्मिश्वर के सुऐं ढबे बऐठी रंह्।

1 तीमुथियुस 3:16

ईदा किऐ षक-शुभा ने आथी, के भगत्ति का भेद् गऐरा असो: मंतल्व से जू देह्-शरीर दे पर्गट हुऐ, अरह् पबित्र-आत्त्मा दे धर्मी बंणें; अरह् से स्वर्गदूत्तो कैई शे ऊडे देखाई पडे, अरह् गंऐर यहूदियों मुँझ़ी तिनका प्रचार हुआ; अरह् संईसारी दा तिनू गाशी बिश्वाष करा गुवा, अरह् बड़ियाऐ आरी तिनू स्वर्गो दे ऊबै टीपै गुऐ।

इब्रानियों 1:3

सेजा बैटा पंण्मिश्वर की बड़ियाऐ का साच्चा अरह् तिनका सरूप-अंष असो; अरह् बादी चींजो से आप्णी बचन की शक्त्ति लई सभाल़ो; तिन्ऐं सोभी लोग पाप शे छुड़ोऐयों, अरह् आपु ऊगले स्वर्गो दे ज़ाऐयों, महाँ-प्रतापी परमं-पिता पंण्मिश्वर के सुऐं ढबे बऐठी गुऐं।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

इब्रानियों 4:14

किन्देंखे के जबे अमाँरा ऐष्णा बड़ा महाँ-याजक असो, जू स्वर्गो दा हुटा, मतल्व पंण्मिश्वर का बैटा प्रभू यीशू, तअ आव आँमें आप्णे धारण करे अंदे बिश्वाष दे पाक्कै अरह् डटे-अंदें रंह्ऊँबे।

इब्रानियों 6:20

जेथै प्रभू यीशू मलिकीसिदक के जेष्णाँ सदा खे महाँ-याजक बंणियों, आँमों खे अगवाल़ के रूप दे हाजीर हऐ रूऐ।

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

इब्रानियों 8:1

ऐबे जुण्जी बातो आँमें बुली लई, तिन मुँझ्शी ऐजी सोभी शी बड़ी बात असो; के अमाँरा ऐशा महाँ-याजक असो, जुण्जा स्वर्गो गाशी महाँ-प्रतापि के सिंगास्हणों के सुऐं ढबे बऐठी रूआ

इब्रानियों 9:24

किन्देंखे के मसीया तियों आदमी के हाथो की बंणाऐ अंदी पबित्र जागा दे हाजीर ने हंई, जुण्जा सोत्तिखे पबित्र जागा ऊँनरा थिया, परह् मसीया यीशू सीद्धें स्वर्गो दे ही हाजीर हुऐ; जू अमाँरी ताँईऐं ऐबे पंण्मिश्वर के सहाँम्णें देखाई पड़ो।

1 पतरस 3:22

प्रभू यीशू स्वर्गो दे ज़ाऐयों पंणमिश्वर के सोऐं ढबे बऐठी गुऐ; अरह् स्वर्गदूत्त अरह् अधिकारी अरह् शक्त्तिशाली तिनके बष दे करे गुऐ।