मरकुस 16:15 - Sirmouri

¹⁵ अरह् प्रभू यीशू ऐ तिनखे बुलो, “तुँऐं बादी संईसारी दे ज़ाऐयों बादी संईसारी खे ऐजी ईयों बातो के खुषख्बरी का प्रचार करह्।

सिरमौरी नौवाँ नियम

¹⁵ तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

मरकुस 16:15 ပူးပေါင်းရင်းမြစ်များ

मत्ती 28:19

ईन्देंखे तुँऐं ज़ाओं, अरह् बादी संईसारी दे ज़ाऐयों गऐर यहूदी के लोग मेरे चैले बंणाँव; अरह् तिनको पिता, पुत्र, अरह् पबित्र-आत्त्मा के नाँव शो नहाँण-नुहाँव,

मरकुस 13:10

परह् ऐजो जरूरी असो, के आगे खुषख्बरी का प्रचार बादे गऐर यहूदी खे शुणाँया ज़ाँव।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

प्रेरितो कै काम 1:2

जेसी देसे प्रभू यीशू स्वर्गो दे ऊबे थागे गुऐ, तिन्दे शे आगे प्रभू यीशू ऐ आप्णें खास-चैले खे; जिनू तिन्ऐ आपु च़ूणी-छाँटी थुऐ थिऐ, तिनखे पबित्र-आत्त्मा के जाँणें अज्ञाँ दिती।

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

रोमियों 10:18

परह् हाँव ऐशो बुलू, कियों तिन्ऐं शुणीं ने? शुणों तअ जरूर; किन्देंखे के पबित्र-ग्रन्थों दो लिखी थो, “तिनकी धाव बादी धर्ती गाशी, अरह् तिनके बचन संईसारी की आखरी कूँणें तोड़ी पंह्ऊँची रूऐ।”

रोमियों 16:26

परह् ऐबे पर्गट हऐयों ज़ूगौ के पंणमिश्वर की अज्ञाँ शे जू ऋषियों की कताबे के जाँणें सोभी जात्तियों खे बुली गई, के से बिश्वाष शे अज्ञाँ माँनणों वाल़े हऐ ज़ाँव,

इफिसियों 2:17

तिन्ऐं आऐयों तुँऐं लोग जू दुर्के थिऐ, अरह् सेजे लोग जू नंजीक थिऐ, तिनू दुई डूंगों खे शाँन्त्ति की खुषख्बरी शुँणाऐं।

कुलुस्सियों 1:23

तुँओं बिश्वाष दे पाक्के अरह् अट्ल बंणों अंदो रहणों पड़ो, जू तुँओं खे खुषख्बरी के जाँणें देऐ गऐ, सेजी खुषख्बरी अस्माँनों थाईली बादी संईसारी खे शुँणाऐं गऐ, अरह् हाँव पौलुस तिनका सेवक-दास असो।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

1 यूहन्ना 4:14

आँमें ऐजो दे:खी थो, अरह् ईन्दें के गुवाऐ-शाज़्त भे असो, के पिता ऐ बैटा ईन्देंखे संईसारी दे छुट्कारे मंतल्व मुँक्त्ति देंदे डियाल़ी थुऐ थिऐ।

प्रकाशितवाक्य 14:6

तबे मुँऐ बीच अस्माँनों दा ऐक हजो स्वर्गदूत्त ऊड़ादे देखा, जेसी कैई धर्ती गाशी रंहणों वाल़े की ऐकी नाँम राज्य, कुल़-गड़ी, भाषा, अरह् सोभी जात्ती मुँझी प्रचार कर्णों खे पंण्मिश्वर की संदा खे खुषख्बरी थी।