मरकुस 16:10 - Sirmouri

¹⁰ तिऐं हुटियों प्रभू यीशू के साथी कैई बुलो, जुण्जे दु:खो दे थिऐ, अरह् रूई रूऐ थिऐ, तिऐ तिन कैई बुलो।

सिरमौरी नौवाँ नियम

¹⁰ तियैं जाऐबा यीशु कै साथी खै जू शोक दै डोबै रौवै थिए, समाचार दिया।

मरकुस 16:10 ပူးပေါင်းရင်းမြစ်များ

मत्ती 19:22

परह् सेजा जोवान ऐजी बात शुणियों, ऊदास गुँम-सूमं हऐयों तेथै शा आगू हुटा, किन्देखे के से बैजाऐ सेठ-धंनी थिया।

मत्ती 24:30

“तबे आदमी के बैटे के चींन-नीशाँणी अस्माँनों दी दे:खाई पड़ली, अरह् तबे धर्ती के सब कुल़ों के लोग छ़ाँतीं-हिकुड़े पिटले; अरह् आदमी का बैटा बड़ी शक्त्ति अरह् ठाट-बाट आरी अस्माँनों के बाद्ल़ो गाशी आँदे देख्ले।

मत्ती 9:15

तबे प्रभू यीशू ऐ बुलो, “कियो बराती दा, ज़ाव तोड़ी दुह्ला तिनकी गईलो हों, से दु:ख शोक करी सको? परह् सेजे देसो आँदे, के जबे दुह्ला तिन शा दुरका करा ज़ाला, तेसी बख्ते से भे बरत कर्ले।”

मरकुस 14:72

तबे तैख्णी कुक्ड़े ऐ दुज़ाल़िऐं बाँक दिता, अरह् पतरस के प्रभू यीशू मसीया के बुली अंदी सेजी बात चींत्ते आऐ: के “कुक्ड़े के बाँक देणों शा आगे तू च़ीं बई, भाजी ज़ाँईदा, के हाँव ने ऐसी जाँण्दा” अरह् पतरस ईयों बातो सुचियों पट्की-पट्कियों रूदा लागा।

लूका 24:17

प्रभू यीशू ऐ तिनखे बुलो, “तुऐं कियों बातो के चर्चा करी लऐ?” तबे सेजे चैले ऊदास-मुँरजहाऐयों खह्ड़े हुऐ।

यूहन्ना 16:6

परह् मुँऐं जू ऐजी बातो तुओं कैई बुली, ईनू बातो शुँणियों तुवाँरा मंन शोक-दु:ख्ह शा भरी गुवा।

यूहन्ना 20:18

तबे: मरियम-मगदलीनी ऐ ज़ाऐयों चैले कैई ऐजा शुझ़ा दिता, “मुँऐं प्रभू देखी थुऐं, अरह् तिन्ऐं मुँह कैई ऐजी बातो बुली थंई।”