मरकुस 16:1 - Sirmouri

¹ जबे बिषाँव को देस बिती गो, तबे मरियम मगदलीनी, अरह् याकूब के माँ मरियम अरह् सलोमी ऐ सैंट मोंले करो, के तेसी प्रभू यीशू के मड़दे दो छ़िड़कऊँबे।

सिरमौरी नौवाँ नियम

¹ जोबै विशांव कौ दूस बीतै गौ, तौ मगदेला गांव कै मरियम, औरौ याकूब कै माँ मरियम, औरौ सलोमी बोड़िया बांसोवाल़ौ तेल मोलै लोयो आई, तोबै यहूदी भोवार कै हिसाब शै यीशु कै लाशो पांदी मुल़ौ।

मरकुस 16:1 ပူးပေါင်းရင်းမြစ်များ

मरकुस 14:3

जबे प्रभू यीशू बैतनिय्याह दे शमौन जू आगे कोढ़ी थिया, तेस कागी खाँणों खाँदे बऐठी रूऐ थिऐ, तबे तेथै ऐक तिरंई संग-मरमर की कुँन्ड़ीं दो, सूँ-गद्लो तेल लियाओं जू के शुद्ध थियों, अरह् बैजाऐ मंह्गो थियो, तिऐं तिरंई ऐ सेजी कुँन्ड़ीं फूटाल़ियों, सेजो सूँ-गोंद्लो तेल प्रभू यीशू के मुँढो गाशी पेरोह्।

मरकुस 14:8

जू ईयाँरें किऐ करियों थियों, ईऐं सेजो ही करो, ईऐं मेरी दाब्णो के तियाँरी खे, आगे ही मेरी देह्-शरीर दो तेल लाऐ लो।

मरकुस 15:40

किऐ तिरंई दुर्की खड़ी थी, ऐजो सब-कुछ दे:ख्णों खे जिनू मुँझी मरियम मगदलीनी, छोटा याकूब, योसेस के माँ मरियम, अरह् सलोमी थी।

मरकुस 15:42

ऐजो बिषाँव के देसो शो आगलो देस थियों, जिन्देंखे तियारी को देस बुली थियों, अरह् तबे संद पड़ी रंऐ थी।

मरकुस 15:47

अरह् मरियम मगदलीनी अरह् योसेस के माँ मरियम ऐ दे:खी लो थियो, के प्रभू यीशू का मड़दा केथै थऐ लुवा।

मरकुस 16:2

बिषाँव के देसो पाछ़ी आगले हपते भेंयाँसरंह् दी जबे चिल्की लागी, तअ से तेसी ओराड़ो की खात्ती कैई आई।

मरकुस 16:8

अरह् से बाँईडी आऐयों भागी लागी, किन्देंखे के से डरोह् की काँम्बली रंई थी। तबे तिन्ऐं कसी कैई किऐ ने बुली।

लूका 23:54

सेजो तैयारी को मंतल्व शुकरो को देस थियो, अरह् तबे बिषाँव को देस शुरू हंणों वाल़ो थियो।

लूका 23:56

अरह् तिन्ऐं पाछ़ू ज़ाऐयों खुशबू वाल़ी च़ींजो, अरह् सैंन्ट तैयार करो; अरह् बिषाँव के देसे तिन्ऐं अज्ञाँ के मुँताबिक बिषाँव करा।

लूका 24:1

परह् सप्ताह के आगले देसे धुरोह् ऊक्शों दे ही भैंयास्रों आरी सेजी तिरंई तैयार करी अंदी खुशबू वाल़ी चींजों, अरह् सैन्ट आँणियों प्रभू यीशू की खात्ती-कबरी कैई आई।

यूहन्ना 19:25

प्रभू यीशू के माँ, अरह् तियाँरी बंईण, मंतल्व प्रभू यीशू के मोंऊँसी क्लोपास के घहरवाल़ी मरियम, अरह् मरियम मगदलीनी तिनकी शुँल़ी-फ़ाँशी कैई खह्ड़ी थी।

यूहन्ना 19:31

सेजो बिषाँव के देसो की तियारी को देस थियों, अरह् यहूदी अगवाल़ ऐजो ने चहाँव थिऐ; के कोसी की देह्-शरीर बिषाँव के देसे शुँल़ी-फ़ाँशी ने टंगी अंदी रंह् च़ेंई; ईन्देंखे से हाकम-पिलातुस कैई आऐयों तेसी ढह्लयाँदे लागे; के ईनू लोगों की बागंणीं च़ुड़ियों ईनू शुँल़ी-फ़ाँशी गाच्छ़ै ऊदे गाड़ो; किन्देंखे के ऐजे लोग बिषाँव के देसे शुँल़ी-फ़ाँशी टाँगें अंदे ने रूऐ चेंई; किन्देंखे के सेजो बिषाँव को देस खास थियों।