मरकुस 15:14 - Sirmouri

¹⁴ हाक्म पिलातुस ऐ तिनखे बुलो, “कियो ऐने का बुराऐ करी थऐ?” परह् सेजे बादे लोग हजो बैगेही लेल्याऐ के तेसी “शुँल़ी-फ़ाँशी दा टाँगो।”

सिरमौरी नौवाँ नियम

¹⁴ पिलातुसे तिनुखै बौल़ौ, “किथुखै, ऐणै का बुरु कौरे राए?” पौरौ भीड़ै हौजौ बै रोल़ा पाड़ा, “तैसीखै क्रूसो पांदी किलियों खत्म कौरौ।”

मरकुस 15:14 ပူးပေါင်းရင်းမြစ်များ

मत्ती 27:19

जबे हाक्म पिलातुस नियाँव के सिंगास्हणों गाशी बईठा अंदा थिया, तअ तेस्की घरवाल़िऐं तेस्खे ऐजा शुज़ा दिता, के “तू ऐसी धरंमाँत्त्मा आदमी को किऐ ने करे, किन्देंखे के बियाल़ी रात्ती मुँह सुईंणें दा ऐस्के कारण बैजाऐ दु:ख संहणा पड़ा”।

मत्ती 27:4

अरह् बुलो, “मुँऐ बै-कसूर मार्णो खे थंम्ब्ड़ाऐयों पाप करी थुवा!” तिन्ऐ बुलो, “आँमें कैई? तू ही जाँण।”

मत्ती 27:54

तबे सुबेदांर अरह् जुण्जे तिनकी गईलो यीशू के पऐरे देंदे थिऐ, से भूईंच्ल़ो, अरह् जुण्जो किऐ तेथै हुओं थियों, तेथू दे:खियों बैजाऐ डरी गुऐ; अरह् बुलो, “सतिखे ऐ पंणमिश्वर का बैटा थिया!”

मरकुस 15:13

तिन्ऐं हजो लेल्याऐयों, जबाब दिता, “तेसी शुँल़ी-फ़ाँशी दा टाँगो।”

मरकुस 15:15

तबे पिलातुस ऐ लोग खुशी कर्णो खे बरअब्बा तिनकी ताँईऐं छुड़ी दिता, अरह् प्रभू यीशू दे कोड़े मराऐ अरह् शुँल़ी-फ़ाँशी दा टाँग्णों खे तिनके हाथो दा देऐ दिता।

लूका 23:21

परह् सेजे लोग लेल्याँदे रूऐ, “ऐसी शुँल़ी-फ़ाँशी दा टाँगो शुँल़ी-फ़ाँशी दा!”

लूका 23:4

तबे हाकम-पिलातुस ऐ मुँख्या-याजकों अरह् लोगो की बड़ी बैशुमाँर भीड़ खे बुलो, “हाँव ऐसी आदमी दा किऐ दोष-कसूर ने जाँण्दा।”

लूका 23:41

किन्देंखे के आँमों तअ नीयाँव के हिसाब शी सजा भट्दी लागी, किन्देंखे के आँमों तअ अमाँरी कंर्णी का फ़ल़ भेट्दा लागा; परह् ईन्ऐं तअ किऐ भे अपराध ने कंरी थंई।”

लूका 23:47

अरह् सुबेदार ऐ ऐजी बादी घट्णा देखियों पंण्मिश्वर की बड़ियाऐ करी, अरह् ऐजो बुलो; के “जरूर ही ऐजा आदमी कुँऐं धर्मी थिया।”

यूहन्ना 18:38

“का असो, साच्चो?” हाकम-पिलातुस ऐं प्रभू यीशू कैई शो पुह्छो। हाकम-पिलातुस ऐं प्रभू यीशू कैई शो हजो पुह्छ़ो, “साच्चो का असो?” ऐजो बुलियों से मंह्लो शा हजो बाँईडा हुटा, अरह् यहूदी अगवाल़ लोगों खे ज़ाऐयों बुल्दा लागा; के “हाँव ऐस्दा किऐ भे दोष-कसूर ने जाँण्दा।

यूहन्ना 19:6

जबे: मुँख्या-याजक अरह् सपाई ऐ प्रभू यीशू देखे, तअ तिनू देख्दे ही से लेल्याँदें लागे; “ऐसी शुँल़ी-फ़ाँशी चढ़ाव! ऐसी शुँल़ी-फ़ाँशी चढ़ाव!” तबे हाकम-पिलातुस ऐं तिनखे बुलो, ऐसी आगू नींयों अरह् “तुऐं ही शुँल़ी-फ़ाँशी चढ़ाव; किन्देंखे के हाँव तअ ऐस्दा किऐ भे दोष-कसूर ने लाँदा।”

प्रेरितो कै काम 13:28

प्रभू यीशू दा मार्णो ज़ूगा किऐ भे दोष-कसूर ने थी; तबे भे तिन्ऐ हाकम-पिलातुस शी ऐजी माँग करी के ईनू माँरी दियों।

प्रेरितो कै काम 19:34

परह् जबे तिन लोगों कैई ऐजा पता लागा, के ऐजे यहूदी असो; तअ से सब के सब साथी किऐ दो घाण्टे तोड़ी जुराल़ै लेल्याँदें लागे: के “इफिसिया नंगर के मेहती देवी अरतिमिस महाँन असो!”

इब्रानियों 7:26

तअ: ऐष्णाँ ही महाँ-याजक आँमों ज़ूगा थिया, जू पबित्र, नीर-दोष, नीष-कंल़्क, अरह् पापियों शे ज़ोई, अरह् स्वर्गो शे भे ऊगले करे गुऐ हों।

1 पतरस 1:19

परह् बै-कसूर अरह् नींष-कल़क के छैल़्टे, मतल्व मसीया के बैजाऐ किम्त्ति लह्ऊँ के जाँणें हुआ।