मरकुस 14:22 - Sirmouri

²² भोजन कर्णो खे बऐठियों प्रभू यीशू मसीया ऐ रोटी करियों अरह् धन्यबाद करियों च़ूडी अरह् बाँडदी बई बुलो, “आगू करह्, ऐजी मेरी देह्-शरीर असो।”

सिरमौरी नौवाँ नियम

²² जोबै तिनुऐ खाए ही लोव थियु, यीशुए रोटी कौरी, औरौ पौरमेशवर कै धन्यवाद कौरेयौ तुड़ी, औरौ आपणै चैलो खै दी, औरौ बौल़ौ, “लौ औरौ खाव, ऐजा मैरा शोरीर औसौ।”

मरकुस 14:22 ပူးပေါင်းရင်းမြစ်များ

मत्ती 14:19

तबे तिन्ऐ लोगो खे ज़ुब्ड़ी गाशी बईठाल़्णों की अज्ञाँ दिती, अरह् तिनू पाँच रोटी अरह् दो माँछी लई; अरह् स्वर्गो की ढबे ऊबो दे:खियों धन्यबाद करा अरह् रोटी च़ूड़ी-च़ूड़ियों आप्णें चैले कैई दिती, अरह् तिन चैले लोगों खे दिती।

मरकुस 10:16

प्रभू यीशू ऐ सेजे नहाँन्ड़िया आप्णी हंगाँल़ीं दे करे, अरह्, तिन गाशी आप्णा हाथ थह्ऐयों तिनखे आशिर्बाद दिता।

मरकुस 14:21

किन्देंखे के आदमी के बैटे खे, तअ जेष्णों तेस्खे हिज़्को बाँणों अंदो असो, तेष्णों ही हंदों, परह् नीरभाग असो! सेजा आदमी जेस्के कारण आदमी का बैटा थँम्बड़ाया ज़ाला; ईन्देशो आछो तअ तेस्खे ऐजो थियों; के सेजा आदमी पय्दा ही ने हंदा, तेस्खे ऐजो आछो हंदों थियों।”

मरकुस 14:23

तिन्दें पाछी, प्रभू यीशू मसीया ऐ बैलुवा करा, अरह् धन्यबाद करा, अरह् चैले खे दिता, अरह् सभी ऐ तिन्दें शो पीयों।

मरकुस 14:24

प्रभू यीशू मसीया ऐ तिनखे बुलो, “ऐजो बाय्दे को मेरो सेजो लह्ऊँ असो; जुण्जो भहीते की ताँईऐं बुवाऐ थो।

मरकुस 6:41

तबे प्रभू यीशू ऐ पाँच रोटी अरह् दो माँछी करी, अरह् स्वर्गो की ढबे दे:खियों धन्यबाद करा, अरह् तबे सेजी रोटी च़ोड़ियों आप्णें चैले कैई देंदे गुवे, के लोगों की भीड़ खे बाँडदे ज़ाव, तिन्दे आरी तिन्ऐं माछी भी बाँडी दिती।

लूका 22:17

तबे प्रभू यीशू ऐ अंगूरोह् के रंस शा भरा अंदा बैलुवा करा, अरह् प्रार्थना करियों धन्यबाद देऐयों बुलो, “ऐथू आगू करह्, अरह् आपु मुँझी बाँडी पाव।”

लूका 24:30

जबे प्रभू यीशू तिनकी गईलो खाँदे धुईऐ तअ प्रभू ऐ रोटी आप्णें हाथों दी करी, अरह् धन्यबाद करियों आशिष माँगी, अरह् सेजी रोटी च़ूड़ियों से तिनखे देंदे लागे।

यूहन्ना 6:23

(तबे तिबिरियास नंगर शी ऊकी नाव तेसी जागे के नंजीक पंह्ऊँचीं गई, जेथै तिन्ऐं प्रभू यीशू के धन्यबाद कर्णो पाछ़ी रोटी खाई थी)

1 कुरिन्थियों 10:4

अरह् सभिऐं ऐक ही आत्त्मिक पाँणी पियों, किन्देंखे के से बादे झुणें तियों आत्त्मिक कऐड़ी शो नींक्ल़ो अंदो पाँणी पियों थिऐ, जुण्जी कऐड़ तिन्की गईलो-गईलो चालो थी; अरह् सेजी आत्त्मिक कऐड़ मसीया थिया।

गलातियौं 4:25

हाजिरा अरब के सिन्नै-धारह् के जैष्णी असो; से अच़कालिऐ के यरूशलेम जेष्णी असो; किन्देंखे के हेभी भे आप्णें नहाँन्ड़या आरी, से ऐत्लो तोड़ी गुलामी दे असो।