मरकुस 13:9 - Sirmouri

⁹ “तबे भे तुँऐं च़ौक्क्ष-संकन्नें रूऐ, से तुओं थाँम्ब्ड़ियों खुम्ल़ी दे खूँम्ल़ाईच़ों कैई नियाँव खे देले, अरह् यहूदी-चौंतरें दे तुओं दे कोड़े मारे ज़ाले, अरह् मेरे कारण शे तुओं हाक्मों, राजाओं के साम्णें नीह्ले, के तुऐं तिनके साम्णें मेरे गुवाह्-शाज़्त बंणी ज़ाँव।

सिरमौरी नौवाँ नियम

⁹ पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

मरकुस 13:9 ပူးပေါင်းရင်းမြစ်များ

मत्ती 5:22

परह् हाँव तुँओं खे ऐजो बुलू, के जू कुँऐं आप्णें भाई गाशी कुरूध करला, से दाल्ती दा सजा ज़ुगा हला। अरह् जुण्जा कुँऐ आप्णें भाई खे निकारा बुल्ला, से बड़ी खुम्ल़ी दा सजा ज़ुगा हला, अरह् जुण्जा कुँऐं बुलो, के ‘ओ मुरूख’, से नंगरक की आगी की सजा ज़ुगा हला।

मरकुस 1:44

अरह् प्रभू यीशू ऐ तेस्खे बुलो, “दे:ख, कोसी कैई ने बुले, परह् आप्णी जाँच याजक कैई शी करा, अरह् आप्णे शुद्ध हणों के बारेदे ऋषी-मूसा खे भेटे गुऐ अज्ञाँ-निय्म के हिसाब शी भेंट चंढ़ा, जू ईयों बातो की गुवाऐ-शाज़्त हली।”

मरकुस 13:5

प्रभू यीशू ऐ तिनखे बुलो, “संक्न्नै-च़ौक्क्ष रूऐ, जू कुँऐ तुँओं ठगों, अरह् भरमाँव ने।

मरकुस 13:8

किन्देंखे के गऐर यहूदी गाशी गऐर यहूदी, अरह् राज्य गाशी राज्य धाह्ड़ पाँदें; अरह् जागे-जागे दे भूईच्ल़ों लागदे, अरह् काल़ पड़ले परह् ऐजी ऐक बड़े दु:ख के शुरूवात असो।

मरकुस 6:11

जेथै के लोग तुँओं ने माँन्ले ने, अरह् ना तुँवारी शुंणले, तेथै शे आगू ज़ाँदिऐं आप्णे लात्तों की माटी भे तेथी झाड़ी दिऐ, जू सेजी धूंढ़ तिन गाशी तिन्दें की गुवाऐ-शाज़्त ठहरली।”

लूका 9:5

जे कुँऐं लोग तुवारा स्वागत् ने करो, तअ तिन के नंगर शे नींक्ल़दी बंई गुवा-शाज़्त्त के रूप दी आप्णें लात्तो के माँट्टी अरह् धूड़ भे तैथी झाड़े तअ सैजी ही हुवाऐ हंदी।”

यूहन्ना 15:20

चींत्तें थुंऐ, के मुँऐ तुँओं खे का बुली थो: के दास सेंवक आप्णें माँलिक शा बड़ा ने हंदी, किन्देंखे के जबे तिन्ऐं मुँह सताँऐ थुवा; तअ से तुओं भे जरूर सताँदे ऐ; जे से मेरे बचन का पाल़्ण कर्दे, तअ से तुवाँरे बचन का भे पाल़्ण कर्दे थिऐ।

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

प्रेरितो कै काम 21:11

तेने ऋषी ऐ आँमों कैई आऐयों संत्त-पौलुस का कंमर बंन्द आँमो कैई शा आगु करा, अरह् आप्णे हाथ लात्त बाँनीयों बुलो, “पबित्र-आत्त्मा ऐजो बुलो: के जेसी आदमी का ऐजा कंमर बंन्द असो; तेसी यरूशलेम दा ऐष्णाँ ही बाँन्दा, अरह् तेसी गऐर-यहूदियों के हाथै देऐ देईला।”

प्रेरितो कै काम 7:54

स्तिफ़नुस की ऐजी बातो शुँणियों, सेजे लोग प्रच़ंड हुऐ; अरह् तेस्खे घीपियों-झ़ुकियों आप्णें दाँदों की च़ूरी च़ाक्दें लागे।

प्रेरितो कै काम 9:16

हाँव आपु तेस्खे बुलूबा, के तेसी मेरे नाँव के कारण केत्रा कष्ट भोगणाँ हंदा।”

फिलिप्पियों 1:29

किन्देंखे के मसीया के जाँणें तुँओं गाशी ऐजी कृपा हऐ रऐ, तेस गाशी सिर्फ बिश्वाष ही ने करे, परह् तिनकी ताँईऐं दु:ख भे भूगो,

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

2 यूहन्ना 1:8

आप्णे बारेदे च़ौक्क्ष रंह्, के जू मेंह्नत्त आँमें करी थऐ, सेजी तुँऐं गुवाऐ ने दियों, परह् तिन्दे का आछ़ा फल़ पाँव।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।

प्रकाशितवाक्य 2:10

जुण्जे दु:ख्ह ताँव झेल़्णें पड़ले, तिन्दा डरे ने। किन्देंखे के देखो, शैतान तुँओं मुँझ शे किऐ कय्दखाने दे पाँणें चहाँव जू तुँओं जाँच्चें-पर्खे ज़ाँव; अरह् तुँओं दष देसो तोड़ी कल़ेष भोग्णाँ पड़ो। पराँण देणों तोड़ी बिश्वाषी रंह्, तअ हाँव ताँव्खे जीवन को मुँकुट-ताज देऊँबा।

प्रकाशितवाक्य 2:13

हाँव ऐजो जाँणू ऐ, के तू तेथै रंऐ, जेथै शैतान को सिंगाँस्ण असो; तू मेरे नाँव गाशी पाका अट्ल़ रूऐ, अरह् मुँह गाशी बिश्वाष कर्णो शा तिनू देसो दा भे पाछू ने फिरे, जिनू मुँझी मेरा बिश्वाष ज़ूगा, भाऐ अन्तिपास जू तुवाँरे बीचो दा तेसी जागा दा मेरी खुषख्बरी शुँणाँणों के कारण माँरा गुवा जेथै शैतान आप्णों राज करह्।