मरकुस 13:35 - Sirmouri

³⁵ ईन्देंखे बीऊँजी रंह्, किन्देंखे के तुँऐं ने जाँण्दे के घर का मालिक कबे अरह् कोसी बख्तो आँदा, संदो आरी, आधी रात्ती, के झ़ीषो, के कुक्ड़े के बाँक देणो शा आगे, के भेंयाँसरंह् दा झुल्मूली आरी आला।

सिरमौरी नौवाँ नियम

³⁵ इथकारिए यीशुए आपणै चैलै खै बौल़ौ, तुऐं ना जाणौ कै घोरो का सयाणा कोलो आला, फिरै या आधै रात खै, या मुरगै कै बांक दैणै कै सौमय या झीशो।

मरकुस 13:35 ပူးပေါင်းရင်းမြစ်များ

मत्ती 14:25

तबे प्रभू यीशू रात्ती के चौऊथे पएरे के मतल्व च़ुट्दी रात्ती झील की पाँणी गाशी हाडियों चैले कैई आऐं।

मत्ती 24:42

“ईन्देंखे बीऊँजी रूऐ, किन्देखे के तुँऐं ने जाँण्दे, के तुवाँरा प्रभू कोसी देसे आँदा।

मत्ती 24:43

परह् ऐजो जाँणी पाव, के जे घर का मालिक जाँण्दा के चोर रात्ती कोसी बख्त्ते आँदा तअ चोरी हंदी थी, तअ से बीऊँजी रंह्दा थिया; अरह् से आप्णें घर दी चोरी ने हंणों देंदा थिया।

मत्ती 24:44

ईन्देंखे तुँऐं भे तियार रंह्, किन्देखे के जेसी बख्त्तो के बारे दो तुँऐं सुच्दे भे आथी ने; तेसी ही बख्त्ते आदमी का बैटा आला।

मरकुस 13:33

दे:खो, बीऊँजी रंह्, अरह् प्रार्थना कर्दें रंह्, किन्देंखे के तुँऐं ने जाँण्दे के सेजा बख्त कबे आँदा।

मरकुस 13:37

अरह् जुण्जों मुँऐ तुँओं खे बुली लो, सेजो ही हाँव सोभी खे बुलू के “बीऊँजी रंह्।”

मरकुस 14:30

प्रभू यीशू मसीया ऐ तेस्खे बुलो, “हाँव ताँव खे खास बात बुलू, के ऐतलो ही रात्ती, तू कुक्ड़े के दू बोई बाँक देणों शा आगे, तू च़ी बई, भाजी ज़ाईदा के हाँव ने जाँण्दे के ऐ कुँण असो।”

मरकुस 6:48

जबे प्रभू यीशू मसीया ऐ दे:खी लो थियों, के बागूर ऊल्टी धूरे शी चाल्णों के कारण चैले के नाँव शो पाँणी काट्दे-काट्दे परिशानीं हऐ रंऐ, तैख्णों रात्ती के च़ोंऊथे पएरे हऐ रूवा थिया, तबे प्रभू यीशू मसीया झील की पाणीं गाशी हाँडदे तिनू कैई पईच्दे अरह् ऐशो जाँणियों के से तिन शे भे आगे पंईच़णों च़हाँव।