मरकुस 13:27 - Sirmouri

²⁷ तेसी बख्तो से आप्णे स्वर्गदूत्त स्वर्गो भेज्यों धर्ती के ऐकी धुरी शे ओकी धुरी तोड़ी, चौऊँ धुरी शे आप्णे च़ूणें-छाँटे अंदे लोग कठै कर्लें।

सिरमौरी नौवाँ नियम

²⁷ हांव आदमी का बैटा आपणै स्‍वर्गदूतौ खै भैजदा, जू चोऊ दिशाओं शै धोरतियौं कै ऐकी कुणै शै गौयण कै ओकी कुणै तौड़ी जायौ मैरै चोणेयौंदे लोगौ खै कौठै कौरदै।”

मरकुस 13:27 ပူးပေါင်းရင်းမြစ်များ

मत्ती 12:42

दखिणो की राँणी पणमिश्वर के नियाँव के देसे ऐसी ज़ुगौ के लोगो की गईलो बींऊँजियों तिनू कसूरबार बाँण्दी, किन्देखे के से सुलैमान का ज्ञाँन शुण्णों खे धर्ती के छ़ौर कुँणें शी आऐ; अरह् दे:खों, ईथै सेजा असो, जू सुलैमान शा भे बड़ा असो।

मत्ती 13:41

आदमी का बैटा आप्णें स्वर्गदूत्त डियाल़्दा, अरह् से तेसी राज्य के नाँष कर्णो के कारण अरह् कू-कर्म कर्णो वाल़े कठै करला,

मत्ती 13:49

संईसारी की अंत्त-आखरी दो ऐष्णों ही होंदो, स्वर्गदूत्त आऐयों, दुष्ट लोग धर्मी शे ज़ई कर्लें।

मत्ती 24:22

जे सेजे देसो, घटाऐं ने ज़ाँदें तअ कुँऐं भे जींव-पराँणी ने बच़्दा थिया, परह् चूणें-छ़ाँटे अंदे के कारण सेजे देसो घटाऐ ज़ाले।

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

मत्ती 24:31

आदमी का बैटा आप्णें स्वर्गदूत्त कनाँल़ी की बड़ी गूँह्ज आरी डियाल़्ला, जुण्जे चोऊँ धुंरीं शे अस्माँनों के ऐकी कुँणें शे ओकी कुँणें दे ज़ाऐयों प्रभू के चूणें-छ़ाँटे अंदे लोग कठे कर्ले।

मरकुस 13:20

जे प्रभू ईनू देसो ने घटाँदे, तअ कसी के भे पराँण ने बंच़्दीं थी, परह् ईनू छाँटे-चूणें अंदे के कारण जिनू प्रभू ऐ आपु चूँणी-छाँटी थुऐं, ईनके कारण ऐजे देसो घटाऐं गुऐ।

मरकुस 13:22

किन्देंखे के झूठे-मंसीही अरह् झूठे बरंम्बाणीं कर्णो वाल़े ऋषी पय्दा हंदे, जुण्जे असरदार चींन-नीशाँणी दे:खाले, अरह् नोंखे काँम-काज़ कर्ले, अरह् से चैले जुण्जे चूणें-छाँटे अंदे असो, तिनू भे भरमाऐयों भट्काऐ देले।

मरकुस 13:28

“तेर्मोल़ी के डाल़ो शो ऐजो अनाँणों शीखों: जबे तेर्मोल़ी के डाल़ी कुँरोंईदी लागो, अरह् तिन्दें तूँणें फाटो, तअ तुँऐं जाँणी पाव के रूड़ी के गर्मी हणों वाल़ी असो।

लूका 16:22

सैजा लाजर ऐक देस मंरी गुवा; अरह् स्वर्गदूत्तें तैसी नींहयों बाबा अब्राहम की हंगाल़ी दा थंऐ दिता; अरह् सेजा सैठ आदमी भे मंरी गुवा, अरह् तैसी दाब्बी दिता।

लूका 18:7

ईन्देंखे कियो पंण्मिश्वर आप्णे छाँटे अंदें, का नियाँव करदा ने; जुण्जे लोग रात्ती-देसो प्रभू के नाँव का जाप कर्दे रंह? कियों से तिनू लोगो के बारे दी किऐ देर कर्दे? ऐशो ने हंदी।

यूहन्ना 10:16

मेरे ऊँकी भे भैड़ो असो, जुण्जी हेबी तोड़ी ईयों भैंड़शाल़ दी ने रंह्दी; ऐबे मेरे तिनू भैंड़ो भे ऊँडी आँण्णीं, अरह् तबे से भे मेरो चूचकर्णो अरह् बुलाँणों शुँण्दी ऐ; तबे मेरी बादी भैंड़ो को ऐक ही रैऊँड़ बंणी ज़ालो; अरह् ऐक ही तिन का हाँव भैंड़वाल़ा हंदा।

यूहन्ना 11:52

ऐ सिर्फ यहूदी जात्ति खे ने, परह् ईन्देंखे भे के से खिदर-बिदर हंऐ अंदी; पंण्मिश्वर के अलाद कंट्ठी करह्।

रोमियों 8:33

पंणमिश्वर के चूंणे-छाँटे आँदें गाशी दोष-ईल़जाम कुँण लाऐ सको? पंणमिश्वर ही असो, जू तिनू आप्णी नंजरी दे बै-कसूर बाँणों।

कुलुस्सियों 3:12

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

2 थिस्सलुनीकियों 2:1

हे भाऐ-बंईणों, ऐबे आँमें आप्णे प्रभू यीशू मसीया के आणों गाशी, अरह् तिन कैई कठै हणों के बारे दी तुँओं खे ढाल-अरज करह्,

2 तीमुथियुस 2:10

ईन्देंके कारण हाँव च़ूंणें-छाटे अंदें लोगो की ताँईऐं सब-कुछ सऐन करू, के से भे तेसी छ़ुट्कारा जुण्जा के मसीया यीशू दा असो; से तेसी भे सदा की बड़ियाई आरी पाँव।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।