मरकुस 13:11 - Sirmouri

¹¹ जबे से तुँओं नींऐयों ओकी कैई देले, तअ फिकर ने करे, के ऐबे आँमें का बुल्बे, परह् जुण्जो किऐ तुँओं तेख्णी बुल्णों पड़लों सेजो ही बुले, किन्देंखे के बुल्णों वाल़े तुँऐं ने परह् पबित्र-आत्त्मा हंदी।

सिरमौरी नौवाँ नियम

¹¹ जोबै सै तुऔं कौर्ट-कचेरी दै निलै, तौ आगैई फिकर नी कौरेया कै आमै का बुलू, पौरौ सोही सौमय आणौ पांदी पौरमेशवर जू किछै तुऔं खै बौल़ौ सैजौई कौरेया। जिथुकै पवित्र आत्मा तुऔं खै बोताला कै तुऔं का बौलणौ।

मरकुस 13:11 ပူးပေါင်းရင်းမြစ်များ

मत्ती 10:17

परह् लोगो शे सकने-चौक्क्ष रूऐ, किन्देखे के से तुँओं बड़ी खुम्ल़ी दे देले, अरह् तेथै आप्णी खुम्ल़ी दे तुओं दे कुड़े मराले।

मरकुस 13:12

भाऐ, भाऐ अरह् बाबा आप्णी अलाद मार्णों खे देला; अरह् अलाद आप्णें माँ-बाबा, का बिरूध दी खड़ी हली, अरह् तिनू मार्णों खे देऐ देले।

मरकुस 13:9

“तबे भे तुँऐं च़ौक्क्ष-संकन्नें रूऐ, से तुओं थाँम्ब्ड़ियों खुम्ल़ी दे खूँम्ल़ाईच़ों कैई नियाँव खे देले, अरह् यहूदी-चौंतरें दे तुओं दे कोड़े मारे ज़ाले, अरह् मेरे कारण शे तुओं हाक्मों, राजाओं के साम्णें नीह्ले, के तुऐं तिनके साम्णें मेरे गुवाह्-शाज़्त बंणी ज़ाँव।

लूका 21:12

ईनू बादी बातो शे आगे से तुओं मेरे चैले हंणों के कारण तुँओं गाशी अनियाँऐ कर्ले, थाँम्बड़ियों खुम्ल़ी के चौत्रे दे निंले, अरह् कय्दखानें दे पाले; अरह् तुँओं राजाओं अरह् हाकमों के हाथों दे देऐ देले।

यूहन्ना 3:27

तबे संत्त-यूहन्ना नहाँण-कराँणों वाल़े आप्णें चैले खे जबाब दिता, “जाँव तोड़ी आदमी खे स्वर्गो शो ने दियों ज़ाँव, ताँव-तोड़ी तेसी किऐ ने भेट्दो।

प्रेरितो कै काम 2:4

सेजे बादे लोग पबित्र-आत्त्मा शे भरे गुऐ, अरह् पबित्र-आत्त्मा के जाँणें बुल्णों के शक्त्ति शे से अपरियाँण भाषा का बरदाँन लई साँत्त-भाँत्ती भाषा बुल्दे लागे।

प्रेरितो कै काम 3:13

अब्राहम, इसहाक, अरह् याकूब का पंण्मिश्वर ऐं, अमाँरे पुराँणियाऐं के पंण्मिश्वर ऐ; आप्णें सेंवक यीशू के बड़ियाऐं करी थऐ, जिनू तुँऐं लोगे ऐ थंहम्बड़ाऐ दित्ते, अरह् जबे हाकम-पिलातुस ऐ तिनू छ़ुड़्णों का ईरादा करा; तबे तुऐ लोग तिनू माँन्दे भाजी गुऐ।

प्रेरितो कै काम 4:31

तिनकी प्रार्थना खतंम हंणों गाशी सेजी जागा, जेथै से कंट्ठै थिऐ, तेथै भूईच़ौल़ जियों लागो; अरह् से बादे लोग पबित्र-आत्त्मा शे भरियों अरह् बिना डरे पंण्मिश्वर की खुष्खबरी का प्रचार कर्दे लागे।

प्रेरितो कै काम 6:10

परह् सेजे लोग स्तिफनुस की बुद्धी अरह् आत्त्मा का मुकाबला ने करी संकी, किन्देंखे के से पबित्र-आत्त्मा की शक्त्ति लई बुलो थिया।

प्रेरितो कै काम 6:15

तबे तिनू बड़ी खुम्ल़ी दे बंईठै अँदे लोगे ऐं तेसी स्तिफनुस नींह्जाऐयों ऐकठ्डिऐ देखा; तअ तिनके तेस्का मुँख्ड़ा ऐक स्वर्गदूत्त जेष्णाँ देखाई पड़ा।

प्रेरितो कै काम 7:55

तबे: स्तिफ़नुस ऐ पबित्र-आत्त्मा शा भरियों, स्वर्गों के ढबै नंजर-झ़ैठ पाऐ, अरह् पंण्मिश्वर की बड़ियाऐ अरह् पंण्मिश्वर के सुऐ ढबै खह्ड़े प्रभू यीशू भे देखे।

1 कुरिन्थियों 2:13

आँमें तिनखे जू आत्त्मिक असो, आत्त्मिक बातो का बखाँण आदमी के ज्ञाँन की भाषा दा ने; परह् आत्त्मिक भाषा दा शुणाँव।

इफिसियों 3:5

ऐजा गुप्त भेद्-पता आगली पीड़ी के लोगो कैई ने बुली थई थी, परह् ऐबे पबित्र-आत्त्मा के जाँणें तिनके पबित्र खास-चैले अरह् ऋषियों कैई पर्गट करी थुवा,

याकूब 1:5

परह् जे तुँओं मुँझी कोसी दे ज्ञाँन-बुद्धी कि कमी-घटी असो, तअ से पंणमिश्वर कैई शी माँगों, से तेस्खे खुशी शी दया-रंय्म करियों दियों, अरह् से तेस्खे ही देऐ ज़ाली।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।