मरकुस 12:14 - Sirmouri

¹⁴ तिन्ऐ आऐयो प्रभू यीशू मसीया शा ऐजा सुवाल पुछ़ा, “हे गुरू जी! ऐजा तअ आँमों कैई पता ऐ के तुऐं ऐक साचे आदमी असो; तुओं कोसी की जरूरत ने आथी, अरह् तुऐं कोसी दा भेद्-भाव ने करी सक्दे, अरह् तुऐं पंणमिश्वर के शिक्क्षा सचाई शी दियों, तअ तुऐं आँमों कैई ऐजो बुलो, के आँमों केसर खे कंण-माँम्ला देणा, यहूदी-निय्म के हिसाब शा ठीक असो, के ठीक आथी ने।

सिरमौरी नौवाँ नियम

¹⁴ तिनुऐ आयौ तैसीखै बौल़ौ, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बुलले। औरौ तू सौबी खै साथै ऐक जैशणा बर्ताव कौरे चाहै कुणिए बै हौं, पौरौ तू पौरमेशवर कै बाट सोच्‍चाई सै बौताए। तौ का रोम कै महाराजा खै मूसा कै कानून कै हिसाब शै आमुखै कर दैणौ चैंई या ना दैणौ चैंई?”

मरकुस 12:14 ပူးပေါင်းရင်းမြစ်များ

मत्ती 22:16

तबे तिन्ऐ आप्णे चैले हेरोदियों दल़ के लोगों की गईलो प्रभू यीशू कैई ऐजो बुल्णों खे डियाल़े, के “हे गुरू जी! आँमें जाणोंऐं के तुँऐं साचे असो, अरह् पंणमिश्वर की राज्य की शिक्क्षा पुरी सचाई शी शिखाव, अरह् तुओं दा किऐ भेद्-भाव ने आथी, अरह् तुँऐं कोसी आदमी के जरकावें दे ने आँदे।

मत्ती 22:17

ईन्देंखे आँमों कैई बुलो, के तुवाँरे बिचार शा? आँमों रोम के महाँ-राजा कैसर खे कंण-माँम्ला देंणा ठीक असो के आथी ने।”

मरकुस 12:13

यहूदी लोगे प्रभू यीशू मसीया कैई कंऐं यहूदी भाट-बाँम्ण अरह् हेरोदियों साथ देणों वाल़े डियाल़े, के तिनू कैशे ही दाँई बातो दे फशाँऐं ज़ाईदे।

मरकुस 12:15

आँमें कंण-माँम्ला दियों के दियों ने?” प्रभू यीशू ऐ तिनको कऊँटोल़ अरह् धोखा जाँणी पाया, अरह् बुलो, “तुँऐं मुँह पर्खी लुवा? ऐक रोमी सरकार का सिक्का मुँह कैई लेयाओं, जू हाँव तेसी दे:खू।”

मरकुस 14:45

यहूदा आया, अरह् तैख्णी प्रभू यीशू कैई आऐयों बुलो, “हे रब्बी” मतल्व गुरू जी! ठग्ड़ै अरह् हगाँल़ी देऐयों तिन दी खुप्टी दिती।

लूका 20:22

आँमों कैई ऐशो बुलो, के महाँ राजा कैसर खे कंण देणा; अमाँरे रीत्ति-रूवाज के हिसाब शा ठीक असो, के गलत असो?”

लूका 23:2

अरह् तिनू सभिऐं प्रभू यीशू गाशी ऐजा दोष-ईल़जाम लाया: के “आँमें ऐसी अमाँरे लोग ऐशे दूरताँदे शुँणी थुवा, के महा-राजा संम्राट खे कंण-माँम्ला ने दिऐ; अरह् आपु खे ऐ मसीया अरह् राजा बुलो।”

यूहन्ना 7:18

किन्देंखे के जुण्जा कुँऐं आप्णें बिचार शुँणाँव, से आप्खे ही आदर-ईज्ज्त्त चहाँव; परह् जुण्जा आप्णें डेयाल़्णों वाल़े खे आदर-ईज्जत्त चहाँव, से बुलकुल साच्चा असो; अरह् तेस्दा किऐ भे छ़ल़-कपट ने आथी।

रोमियों 13:6

किन्देंखे के कंण-माम्ला भे दियो, ईन्देंखे के हंक-अधिकार कर्णो वाल़े पंणमिश्वर के दास असो; अरह् से सदा आप्णा ऐजा फर्ज नींभादें रंह्।

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

2 कुरिन्थियों 2:2

किन्देंखे के जे हाँव तुँओं उदास करू, तअ मुँखे आँनन्द देणों वाल़ा कुँण असो, सिर्फ सेजा ही जैसी मुँऐं उदास करा?

2 कुरिन्थियों 4:1

ईन्देंखे के जबे आँमों गाशी ऐष्णी कृपा हऐ, के आँमों ऐजी सेवा भेटी; तअ आँमें हिम्मत्त ने च़ूड़ो।

2 कुरिन्थियों 5:11

ईन्देंखे प्रभू के डरे, आँमें लोग सम्झाव; परह् पंण्मिश्वर कैई अमाँरे हाल का पता असो, अरह् मेरा भूर्षा ऐजा असो, के तुवाँरे मंन दा भे पर्गट हुआ चैई।

2 कुरिन्थियों 5:16

तअ: ऐबे शे आँमें कोसी देह्-शरीर के मुँताबिक ने जाँणों, परह् आँमें मसीया भे देह्-शरीर के मुताबिक जाँणें थिऐ, तबे भे ऐबे ऐष्णा ने जाँण्दी।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

गलातियौं 2:6

परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

1 थिस्सलुनीकियों 2:4

जैष्णें पंण्मिश्वर ऐ आँमों ईन्दें ज़ुगे जाँणियों आँमों कैई ऐजी खुषख्बरी दित्ती, अरह् आँमें तेष्णा ही बखाँण भे करा, आँमें लोगो खुशी कर्णो की कोशिष ने कर्दे, परह् आँमें तअ तेसी पंण्मिश्वर खुशी करह्, जू अमाँरे मंन का भैद् जाँणियों पर्खोऐ।