मरकुस 11:31 - Sirmouri

³¹ तबे से आपु मुँझी शिखंईदें लागे, के जे आँमें बुल्बे के स्वर्गो को असो; तअ ऐ बुल्दा के तबे तुँऐं संत्त-यूहन्ना गाशी बिश्वाष कैई ने कर्दे।

सिरमौरी नौवाँ नियम

³¹ “तोबै सै आपी मुंजी चौर्चा कौरदै लागै कै जै आमै जोवाब दियु, ‘स्वर्गो कै ढौबौशै,’ तौ सै बौलला, ‘कै तुऐं तैसका बिशवाश किथुखै ना की?’

मरकुस 11:31 ပူးပေါင်းရင်းမြစ်များ

मत्ती 16:7

चैले आपु मुँझी ठाट कर्दे लागे, “आँमें रोटी ने लियाऐ थई, ईन्देंखे गुरू जी ऐ ऐष्णों बुली लो।”

मरकुस 11:30

संत्त-यूहन्ना के जाँणें कराऐ गुओ, नहाँण कियों स्वर्गो को असो, के आदमी को नहाँण असो, मुँखे जबाब दियों।”

मरकुस 11:32

अरह् जे आँमें बुल्बे के आदमी की तरफ शो असो; तअ से लोगो दे डरो थिऐ, किन्देंखे के बादे लोग संत्त-यूहन्ना खे बरंम्बाणीं कर्णो वाल़ा साचा ऋषी माँनों थिऐ।

यूहन्ना 1:15

तिनू देखियों, संत्त-यूहन्ना ऐ ऐजी घोष्णाँ करी; के “ऐ सेजे ही असो! तिन के बारे दो मुँऐ बुलो थियों; के जुण्जा मुँह पाछ़ी आँणों वाल़ा असो, से मुँह शा महाँन असो; किन्देंखे के से मुँह शे आगे भे थिऐ।”

यूहन्ना 1:29

दुज़ै देसे संत्त-यूहन्ना नहाँण-कराँणों वाल़े ऐ प्रभू यीशू आप्णे ढबे आँदे देखियों बुलो, “देखो, ऐजा पंण्मिश्वर का छैल़्टा असो; जुण्जा संईसारी के पाप टीपियों नींह्दा।

यूहन्ना 1:34

आपु मुँऐ ऐजो देखों, अरह् हाँव ईन्दें का गुवाह्-शाज़्त असो; के ऐजा ही पंण्मिश्वर का बैटा असो।”

यूहन्ना 1:36

तअ तिन्ऐं प्रभू यीशू ज़ाँदी बई देखियों बुलो; “ऐजा देखो! पंण्मिश्वर का छ़ैल़्टा असो।”