मरकुस 11:23 - Sirmouri

²³ हाँव तुँओं खे खास बात बुलू, के जे कुँऐं ईयों टिम्बड़ी खे बुलो, के ऊँख्षियों संमुन्द्रो दी पंड़, अरह् से आप्णे सासो दा बिश्वाष थंह्; तअ जुण्जो तुऐं बुल़्ले सेजो तेष्णों ही हंदों।

सिरमौरी नौवाँ नियम

²³ हांव तुऔं कैंई साचौ बुलू कै जू कुणिए इयौं धारो खै बौल़ौ, ‘जै तू ओकशै जा, औरौ समुन्द्रो दो पौड़ै जा,’ औरौ आपणै मन दा शक ना कौरौ, पौरौ बिशवाश कौरौ तौ जू तुऐं मांगलै सै हौए जालो, औरौ पौरमेशवर तैसी कारिए ऐजौ कौरे दैंदा।

मरकुस 11:23 ပူးပေါင်းရင်းမြစ်များ

मत्ती 14:13

जबे प्रभू यीशू ऐ, ऐजो शुणों, तअ तेथै शे नाँव दे बऐठियों शुन-शाँन जागे दे ऐकली हुटे। लोग ऐजो शुणियों नंगर-नंगर शे हाँडियों ही तिनू पाछी हुटे।

मत्ती 17:20

तबे प्रभू यीशू ऐ तिनखे बुलो, “आप्णे बिश्वाष की कमी के कारण, किन्देखे के हाँव तुँओं कैई ऐक खास बात बुलू: के जे तुओं दा राई के दाँणें जे-तोड़ा भे बिश्वाष हंदा; अरह् तुँऐं ईयों धारोंह् खे अज्ञाँ देंदे, के ईथे शो ऊखड़ियों ज़ा! तअ ऐजी धारह् ईथे शी हटीं ज़ाँदी; अरह् किऐ भे बात तुओं खे कठीण ने आथी।

मत्ती 21:21

प्रभू यीशू ऐ तिनखे जबाब दिता, “तुँऐं ऐजी खास बात सम्झी पाव: जे तुवाँरे बिश्वाष हों; षकं-शुभा बिल्कुल भी ने करह्, तअ जुण्जो ईयों तेर्मोल़ी के डाल़ी आरी हुओं, तअ जे तुऐं ऐसी पर्वत घारह् खे भे अज्ञाँ दियोखं, के ‘ऊख्ली ज़ा, अरह् समुँन्द्र दा ज़ाऐयों पढ़!’ तअ ऐजो भे हऐ ज़ाँदो।

लूका 17:6

प्रभू यीशू ऐ तिन खे जबाब दिता, “जे तुवाँरा बिश्वाष राई के दाँणे जै-तोड़ा भे हंदा; तअ जे तुँऐं बाँनों, बूरासो, अरह् सिसोऐं, के डाल़ों खे बुल्दे के जड़ी शे ऊख्लियों संमुन्द्रो दे लागो, तअ से तुँवारी शुँणेंदें अरह् माँन्दे।

यूहन्ना 14:13

मेरे नाँव शो तुऐ जुण्जो किऐं माँगले, हाँव सेजो पुरो करूबा; जिन्दें लई बैटे के जाँणें, बाबा के बड़ियाऐ पर्गट हों।

यूहन्ना 15:7

जे तुँऐं मुँह्दे पाक्कै बंणें अंदे रंह्, अरह् मेरे बचन के शिक्षा तुँओं दी बंसी अंदी रंह्; तअ भाँव तुँऐं किऐ भे माँगों, तअ सेजी तुवाँरी माँग पुरी करी ज़ाँली।

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।